عندي فرخ دره عمره شهر ابي نصايحكم ... صور

[تووتـي0510]

السلام عليكم ورحمة الله وبركاتة

أنا عندي ببغاء الدره فرخ صغير اشتراه اخوي ويقول عمره شهر ورمااه عندي وقالي انتي دربيه هههههه يعني اهو مايتعب بس انا اللي اتعب واخر شي تعبي يروح على الفاضي لانه بياخذ الببغاء مني خخخخ ... المهم ياحبايبي ابي مساعدتكم تراا اول مره اربي فرخ اريد نصايحكم الحلووه والببغاء صار له يومين عندي امس واليوم وقدرت اعلمه شوي يعني مثلا لما اجي قربه واقوله تعال يطير لين حضني او اذا اشرت له على كتفي يطير لكتفي ماشاااء الله عليه ^_^ وبعد يتبعني وين مااروح بس مشكلته حركته خفيفه ومايقدر يطير الا من مكان قريب وشوي يعني متر واحد ومنخفض مايرتفع ولازق فيني كله يبي على كتفي حتى وانا اصلي هههههه يتعلق بملابسي لين يطلع لكتفي بس اذا كنت بعيده عنه مايجيني يتردد يطير واريد اعرف شو بالنسبه للأكل ترا اليوم اشتريت له سيريلاك ووكلته بس مايبيه يحب التفاح والموز

ابي اعرف وش افضل اكل اعطيه ؟ وكيف أقدر اعلمه ؟ وماهي الطرق ؟ وابي اعرف أي شي تعرفونه عن الفرخ الدره وأبي اعرف شو نوعه بالضبط ... وهل المسك كثير يأذيه يموته ؟ وكم يبيله لين يطير زين ؟؟

تفضلوو هذه الصورر ميشووو

[حايلي111]

يمكن اكثر من شهر . لانه ياكل تفاح ويبعد عن السريلاك . بالتوفيق ان شاء الله انه دره ذكي وله مستقبل طيب .

[تووتـي0510]

وتوني لاحظت اني لما اون له بصوت خفيف كأنه صوته يسوي مثلي صوت ماشاء الله عليه بس بصوته اهو يعني مايقلد الصوت بس يصدر صوت ..... والمشكله لقيته اليوم رافع رجله تعوره شكله من اخواني الصغار كله يلعبون فيه .

[خزان الأحزان]

لا اختي ابعديه عن الصغار ..



ممكن يتأذى أو يموت منهم ..

[بلاك بيري]

ماشاء الله تبارك الله عسول جدا

عموما نقول انه الطير واضح انه بادي يتعود عليكي ويحبك وهذا شيء ممتاز بخصوص الأكل لا نفضل سيريلاك الأطفال بل سيريلاك خاص بالفروخ

بخصوص التفاح والموز نقول ممتازين واستمري عليهم

ابعدي الطير عن التيارات الهوائيه وانتبهي من المكيفات عليه

يحفظ بعيدا عن متناول الأطفال فالطير روح والأرواح ليست لعبه

تحياتي

[تووتـي0510]

مشكوووووووووورين

[آنآستــآزيآ]

.. ماشــاءاللهـ تبــاركـ اللهـ ..

.. فعــلاً فــرخ جميــل وعمــرهـ أكثــر مــن شهــر بـ شــوي وأنصحــكـ تضعــي بـ قفصــهـ حبــوب عشــان ينفطــم مــن الآن وبـ التدريــج .. وأشتــري أكــل خــاص بـ الفــروخ لأنــو السيريــلاكـ ممكــن يضــرهـ .. والتفــاح والمــوز ممتــازة بــس عطيــهـ مــرة بـ اليــوم وزيــادة عليــهـ عطيــهـ آيــ فاكهــة عنــدكـ مثــل الجــوافة .. وعطيــهـ بيــض مسلــوق وخضــراوات مسلــوقة وبسكــويت ســادة ..

.. وربــي يحفضلــكـ هــوو .. ^_^ ..

.. آنآستــآزيآ ..

[تووتـي0510]

طيب لو سمحتو جاوبوني على هالاسأله:


ابي اعرف وش افضل اكل اعطيه ؟ (صحيح انكم قلتولي عن الاكل بس اللي عنده معلومات اكثر يفيدني )

وكيف أقدر اعلمه ؟ وماهي الطرق ؟

وابي اعرف أي شي تعرفونه عن الفرخ الدره وأبي اعرف شو نوعه بالضبط ... يعني أي دره أهوو

وهل المسك كثير يأذيه يموته ؟


وكم يبيله لين يطير زين ؟؟