سؤال في نباتات الحوض

[قرصان]

السلام عليكم
كما ألفتم القرصان...ها هو يضع سؤال جديد

حبيت احط زرع في الحوضين بس حبيت اعرف ايش الخطوات اللي لازم اتبعها..و بعض الاجراءات اللي لازم اتخداها قبل الزرع و بعده..و ايش هي الانواع المناسبة..يعني اللي تزحف على القاع او اللي تطول لين توصل للسطح؟

في انتظار اجوبتكم

[Lonely Hunter]

حط اللي يعجبك .. ماتفرق

المهم ان تكون ارضية الحوض عميقه شوي علشان تنمو النبته و تمد جذورها

بس شنو نوع السمك اللي عندك ؟

لان في انواع تاكل النباتات

[mina]

اخي القرصان اخبرنا بنوع الاسماك الي عندك حتى نوافيك بمعلومات دقيقة عن النباتات المناسبة لها في الحوض وكلام لونلي هانتر صح بارك الله فيه .. و عادة بيتم لف قاعدة النبات القريب من الجذر بخيط رفيع دون ايذاء النبتة طبعا ويربط هذا الخيط بحجر صغير لتثبيته في القاع هذا في البداية فقط وعندما يتثبت جذورة اعتيادي بامكانك فك الخيط والحجر عنه والحجر ممكن يكون من ضمن ديكور الحوض نفسه يعني مو تجيب حجر عادي وتربط النبتة بيه

[kholio619]

لا يوجود قول بعد قول mina و Lonely Hunter كلام سليم 100 % ونحن بانتظار انوع السمك الي عندك

[قرصان]

شكرا للجميع...انا اربي عدة انواع:
*سمكة جولدن فش واحدة
*سمكة زبال واحدة
*سمكة سوردتيل زوجين
*حلزون اصفر زوجين
بــــــــــــــــــــــــــــــــــــــــــــــــــــــــــــس

[Lonely Hunter]

القولد فيش حسب علمي انها تاكل النباتات ذات الاوراق الصغيره

اما الباقي فمامنهم خوف

اذا تبي اتحط زرع .. حط نباتات ذات اوراق كبيره

[قرصان]

شكرا...ممكن صور لو سمحت عن بعض الانواع الي راح تناسب حوضي واسماكي؟

[Lonely Hunter]

في الاف الانواع .. ماقدر اقولك شنو اللي يناسبك

انت شوف شنو اللي موجود عندك بالمحلات و خذ اللي يعجبك

و هذه صور حق النباتات من قووقل

http://images.google.com/images?gbv=...plants&spell=1

[قرصان]

صدمة كبيرة......لم اجد نباتات حقيقية في المحل الدي اتعامل معه...بل حتى في المحلات الاخرى...هل تنفع النباتات الصناعية؟

[Lonely Hunter]

طبعا

اذا كان صناعي .. حط كل اللي تبي

الفرق بين الطبيعي و الصناعي ان الطبيعي شكله اجمل

و الصناعي مافي اي سمكه تقدر تاكله حتى الكارب ماتقدر عليه