وأخيرا عاد

[fan]

وأخيرا بعد غياب 7 شهور رجع الببغاء يعقوب اللي كان طاير من رمضان
طبعا مامليت من السؤال عنه لين مالقيناه أخيرا
يعني كان موجود عند ناس قريب بيتهم منا
سمعناهم يتكلمو عن ببغاء موجود عندهم ويقولون شايفينه من يوم اللي ضاعت فيه ببغائنا
وجابوه لنا وتعرفو عليه أهلي لأنه في أشياء كنا نعرفها منه
وماشاء الله عليه مثل ماهو مانسى شئ من اللي علمناه اياه
نفس الكلمات والحركات اللي كان يسويها.
طبعا هو من الجمعة شايفينه لكن أنا قبل ساعة بس شفته بسبب وجودي في الرياض.
بعدين راح أحط لكم الصور انشاءالله.
بس طبعا التغيير في ريشه لأنه اللي كان عندهم كانو هاملينه
بس انشاءالله يرجع مثل أول.

[كاسكو البحرين]

حمد لله على سلامة الطير
ولاحظوا أجنحة الطير اذا محتاج للقص عشان ما تكرر العملية ويهرب منكم ومو كل مره تسلم الجره

بالتوفيق

[مدرب الأفريقي]

زين أنه رجعلك بالسلامه مبروك

[نصور!]

الحمد لله ع رجعة ببغاءك اخويFAN

انا اشهد الحلال ما يضيع ولو بعد حين

هيا انتبه عليه وجوده زين المره الجاية

[fan]

شكرا للجميع على الردود
والله يبارك فيكم انشاءالله
وصحيح يانصور المال الحلال مايضيع
واكيد أول شئ سويناه قصصنا الأجنحة
بس ريشه الباقي تعبان
والحين قاعدة أحمل الصور وانشاءالله شوي وراح أحطها.

[مشاغــب]

حمدلله على كل حال .. زين ما صار شي بدال الريش

وأهم شي رجعلك بسلامه.. وعطوه اكل لانه اكيد مجوعينه >>> مومهتمين فيه

ولا تطلع برا بدون قفص يمكن يرووح يتفسح واهل الحرام واجد

[سيدالعشاق]

مبرووووووووووووووووووك رجوع الطير عقبال ماتفرخ منه

[بو ناصر]

الف مبروك اختي فان على رجعة الطير ومثل ماقال اخونا كاسكو البحرين اول شي قصي اجنحته عشان ماتتكرر السالفة

[ببغاء اخضر]

مبروك والله يخليه لك انشالله وحافظ عليه لاتهده

[kh200063]

مبروك عودة ببغاك