فرخ ببغاء الدره المطوقه((اريد مساعدتكم))

[ng-boy]

شباب عندي فرخ ببغاء الدره المطوقه شارنه قبل أسبوع عمره تقريبا شهرين
وهو حبوب يوم اناديه وهو في القفص يصفر و يهز راسه وعاد يومم يشوفني جايبله تفاح أو اكل يجن ياكل من يدي وانا اطلعه من القفص واخليه بعيد عندي بس يلاحظ التفاح ف يدي يجيك ركض هههههه


شباب عطوني افضل طريقه عشان اعلمه الكلام من يوم هو فرخ



ولكن يوم احاول اخليه يركب في يدي ما يطيع يرجع ورا


لكن الطير طالعله ريش لكن مايطير يحاول بس مايقدر


عطوني نصائحكم

[رهام الغلا]

توه شوي شوي بيتعلم الطير انا الدره حقتي اخذتها من كان مافيها ريش
وكانت اليفه وكله تجي تسرق اندوميتي تعشق الاندومي
بس يوم تعلمت الطير صارت كله متعلقه فوق ماتبي تنزل
وصارت كل ماتشوف القطوه تجي تعض اذونها وتشرد ههههههههههه
اخر شي حبستها بالقفص ولين اليوم محبوسه صارلها 5 سنوات
وماتحب تطلع منه تخاف خلاص تعودت عليه
بتطير ان شاءالله بس يكتمل نموها اتوقع

[ng-boy]

5 سنوات

بس من بتطلع من القفص صاروخ ألا المحكمه بتشتكي هههههههه

[رهام الغلا]

انصحك لاتعودها ع القفص بتندم مثلي
خلاص عشقته وماتحب تطلع منه
اشتر لها ستاند وعودها عليه واذا بدت تطير علق سلسله برجولها بالاستاند عشان ماتطير فوق او قصص ريشها
ربي يحفظها لك وان شاءالله انا اشتري ذكر ويصير عندي فراريخ

[ng-boy]

الببغاء اللي عندي ما شاء الله عليه وهو ف القفص انا اقوله نونو يصفر يرقص انا اطلعه كل يوم افتح القفص واسكر باب الغرفه اخليه يتمشى يتعود علا البيت شوي شوي



لكن اريد اخليه يتكلم بأفضل الطرق -_-

[شاقي]

هلا اخوي

دامه يحب التفاح سهل

شوف جرب هذي الطريقه خليه على يدك واعطيه التفاح

او لما تجيبله تفاحه قله تعال تعال

راح يطلع معك لما تكررها له الطريقه مجربه انا

والكلام ياحبيبي حسب تلقينك الكلمه افضل شي تكون من ثلاث كلمات او اربع

مثل ::: الو - وي وي - بابا - شاطر -تعال

[ng-boy]

مشكورين علا النصائح

[mnnm]

امسكه في اليوم مرتين لمدة 10 دقائق
ورددىعليه الكلمة الي تبيها بس تكون سهله واذا نطقها الباقي سهل

[ng-boy]

upppppppppppp

[sultan.]

هههههههه اخي ليش سرقت الاسم انا فرخي اشتريته قبل يومين وسميته نونو بس حغيره عشانك خخخخخخخخخخخ حاول ترديد اسمه وانته تاكله عشان في المستفبل لما تناديه ينتبه