طلب مساعده

[abdulla10]

هلا اخواني

عندي جلب جيرمن مع روت مكس وحجمه كبير وعمره سنه وثلاث شهور

وحبيت ادربه حراسه او عالاقل اشرسه شوي والجلب متدرب على امر ست والحين يالس ادربه على استاي ويعرف كلمه نو

لكن يوم اخلي حد من ربعي ينرفز الجلب الجلب ماينابح فمحتاج مساعدتكم لانه الجلب وايد هاديء

[حسوني 2007]

يا غالي كل كلب وجيناته

انت ما تقدر تغير جيناته و الى تبي الكلب اكيد شرس و حراسه خذ لك بيور


و حتى البيور فيه فئه قليله مو شرسه رغم ان فصيلتها شرسه


يا غالي اتمنى الاخوان يفيدونك تحياتي

[Musab Pro]

اجابه وافيه يا حسوني .

ايضا الاوامر اللي علمتها الكلب ليست كافيه للسيطره عليه بالمستقبل .

وهناك امر يجب ان يعيه كل مربي لكلاب الحراسه .

بعد اوامر الطاعه تأتي تمارين العض . وتحميس الكلب على العض كلعبه .

ومن ضمن هذي التمارين .. تمرين الترك او (out) وهو الامر اللذي يجعل الكلب

يترك الشئ اللذي يعضه . ولما تسيطر عليه سيطره تامه .

تبدا في النرفزه والحراسه .

تقبل مروري .

[abdulla10]

مشكورين اخواني

وانا باخذ بنصيحتكم وبدربه على كاتش و اوت كلعب بس بغيت اعرف هل اخلي الجلب يلعب ويا الناس عادي ويشوفهم في هالفتره ولا لا واذا لا هل احط الجلب في غرفه ومحد يشوفه ولا عادي اخليه برع لاكن محد يلمسه؟

وسؤال ثاني عادي اهل البيت يلمسون الجلب ولا امنعهم ؟

[abdulla10]

واخواني انا عارف بموضوع الجينات بس يمكن يكون الجلب قابل للشراسه بس هو مب شرس لانه مااتدرب على هالشيء ولانه اعتقد محد هيئه للشراسه فبحاول اني اهيئه للشراسه

علشان جي محتاج مساعدتكم

والسموحه

[abdulla10]

في انتظار ردود الخبراء

[Musab Pro]

بعد ما يتقن العض ويكون عضه ممتاز ويعرف معنى اوت

وبعد ما يكمل تمارين الطاعه كامله .

تبدا تحول التمرين لعب الى نرفزه .

طبعا في هذا التمرين انت كصاحب الكلب ما تسوي شي غير انك تربطه وتشجعه .

ووترك احد من زملائك اللي ما يشوفهم دايم ينرفزه .

طبعا يجب انك تراعي الاشياء اللي بقولها لك .

ممنوع تتكلم انت وصديقك و تتفقون وش بتسوون مع الكلب قدام الكلب .

يكون داخل بيته وانت وصاحبك تتفقون خارج المنزل ولما تدخل عند الكلب

وتربطه وتمسح عليه .. فجأه يجي صاحبك ويبدا النرفزه ويطلع اصوات عاليه

وما يتوجه الى الكلب وجه بوجه .. لان هذا ممكن ياثر عكسي عليه

خله يمر من جنبه بشكل موازي وينرفزه بالصوت والتخبط ويمسك معه

خرقه او تيوب او عضاضه كبيره ويقرب شوي جنبه اذا تنرفز

ويقرب له العضاضه عشان يعضها . ويشد معه لين يسوي الكلب حركه يسمونها كاونتر

وهي اما ان يهز راسه او يعيد وزنيه العض .

اول ما تشوف احد هذي الاشارتين على طوول يترك العضاضه وينحاش .

ولا يرجع خلاص . للكلب حصه وحده باليوم .

طبعا طوول المعركه انت تشجع الكلب بالتربيت وهذي هي نقطه البدايه .

وان شاء الله راح نفصل فيها اكثر بموضوع خاص .

وبالنسبه لاسئلتك الثانيه .

تمشآ مع الكلب بين الناس .. وفهم الناس اللي معك ممنوع يكلمونه

وممنوع يلمسون او يوكلونه .. وانت بدورك لازم تمنع اي تفاعل يبديه الكلب

مع الناس اللي حولك .

اما اهلك ايضا ما يقربون له بس من بعيد وحدهم حدهم يحطون الاكل ويمشوون .



تقبل مروري

[FOTY]

السلام عليكم اخوي مصعب انا ما فهمت تشجع الكلب بالتربيت يعني ايش اسويله؟؟؟؟؟لاهنت

[abdulla10]

مشكور اخوي عالنصايح وعالشرح الممتاز

وانا قمت اخلي اربيعي (صديقي) ينرفز الجلب والجلب بدا ينبح ويعصب فهاذي نقطة ايجابيه

بس مافهمت هاذي الجمله اذا ممكن تشرحلي معناها

او يعيد وزنيه العض؟


والسموحه منك

[Musab Pro]

المشاركة الأصلية كتبت بواسطة FOTY

السلام عليكم اخوي مصعب انا ما فهمت تشجع الكلب بالتربيت يعني ايش اسويله؟؟؟؟؟لاهنت

يعني اثناء الهجوم تضربه بيدك شوي شوي عند منطقة الكتف

من باب التشجيع وليس الضرب مثل ما هو مبين بالمقطع دقيقه 1:45 تقريبا .

بس مافهمت هاذي الجمله اذا ممكن تشرحلي معناها

او يعيد وزنيه العض؟

هذي يا طويل العمر يسمونها بالانجليزي كاونتر ساين .. والعلامات مثل ما قلت لك

اما ان يهز راسه مثل ما هو موضح بالمقطع .. او يعيد وزنية العض

يعني تلقاه يفتح فمه شي بسيط عشان يعض مره ثانيه باحكام اكثر .

واضحه الحركه في الدقيقه 0:52

اتمنى اني افدت ولو بالقليل .. وتفضلوا استمتعوا بالمقطع .