ابي الحل بمسح راس الكاسكو

[ام ماجد]

مساء الخير اخواني


صراحه انا يديني تقطعت حتى مب قادره اكتب لكم من الالم


صار لي كم يوم امسح على الببغاء حقي

اول شي مسحت على منقاره بعدين توصلت لراسه وجتني كم عضه طبعا
والعض خفيف يعني يحاول يبعد عني مايعض قوه
يوم ورا يوم تخف الجعره لما اجي بمسح عليه

واليوم مسحت اكثر وقت تقريبا ساعه الا ربع
ولما خليته يروح ورجعت بمسح عليه صار اصعب
مع انه المفروض فهم اني بمسح عليه يعني مااعجبه
وعضني وكل مااقرب يعضني بقوه


تتوقعون شالسبب ؟
يعني شي عادي هالشي والا المفروض يتحسن
انا صار لي ثلاث ايام امسح عليه


ومتى يتعود ياليت احد يعطيني ايام محدده مب يقول بيتحسن
لأنه اذا كانت بتطول المده وبتكثر العضات خلاص ببيعه





انتظر ردودكم

[شايب حائل]

يا حليلك يا ام ماجد اصبري عليه

[سلفر111]

خلي الطير بدون اكل لمدة 3 ساعات وبعدين حاولي توكلينه بيدك واذا ماخف العض حطي عسل او مربى في يدك وخليه يتذؤق منه وبعد فتره ان شاء الله ما عاد يعض ابد
تحياتي لكـ

[مفقود رغم الوجود]

اممم اعتقد ياام ماجد انه لما تركتيه ورجعتي كان

راجع حساباته مرة ثانية ولقى نفسه ضعيف شخصية

فيبغى يفرض شخصيته عليكي ههههه


عادي كلهم كذا تحسسي ويرجعوا اسوا لما تصري عليه مرة ثانية يصير تنكسر شخصيته

مرة ع مرة بصير قطوة .. قصدي حمامة هههه

[ام ماجد]

شايب مااااااعندي صبر هذي مشكلتي


سلفر جزاك الله خير بس لو يجوع ثمان ساعات ماجاني
مع انه يآكل من ايدي بس وقت مايكون رايق


مفقود هههههههههه الظاهر كذا
ياليت يصير دجاجه المهم مايعض :‏(‏

[وليد كاسكو]

اختي الكريمه ممتاز جدا لكن اوصيكي بالصبر الطير يحاول انه يطفشك وتتركيه استمري معاه وعندما تقربين يدك لا تضعينها من فوق الراس مباشره حاولي تجيه مع الجنب وانتي تقربين يدك صفري للطير وحاولي التلطف مع الطير حتى يطمن من ناحيتك وبتوفيق الصبر الصبر الصبر

[ام ماجد]

المشاركة الأصلية كتبت بواسطة وليد كاسكو

اختي الكريمه ممتاز جدا لكن اوصيكي بالصبر الطير يحاول انه يطفشك وتتركيه استمري معاه وعندما تقربين يدك لا تضعينها من فوق الراس مباشره حاولي تجيه مع الجنب وانتي تقربين يدك صفري للطير وحاولي التلطف مع الطير حتى يطمن من ناحيتك وبتوفيق الصبر الصبر الصبر

طمنتني يااخوي ان شاء الله بحاول معاه بكرا
وشكرا لكم على الافاده
جزاكم الله خير

[الكاكي]

ضعي على اصبعك عسل وخليه يتذوق العسل
الصبر والاستمرار ........................

[ام ماجد]

المشاركة الأصلية كتبت بواسطة الكاكي

ضعي على اصبعك عسل وخليه يتذوق العسل
الصبر والاستمرار ........................

والله قبل اليوم ماكان يعض بقوه بس خفيف
اليوم مادري شفيه

ان شاء الله وشكرا على الافاده يالطيب

[كاسكـــو]

نصيحه مجرب

واصلي واصلي واصلي

لاتيأسين ابد صدقيني يجي يوم يصير ببغائك زي الفل

انا شريت ببغاء افريقي ثاني في اول رمضان اللي راح وكان وحشي وبديت امسح عليه

وهات يا عض وجعير وهروب ومطارد وبلاوي زرقاء

والحين بشهر 11 تغير 360 درجه للأفضل ترك الجعير وترك العض وصار يلعب معي

استمري معاه بدون توقف