تكفون ياشباب

[منبع الثلج]

تكفون يا شباب وشلون اخلي ببغاي يتكلم وش الطريقه الي اسويها وبعدين فيه واحد قالي خليه يتمشى فالبيت وسويت الي قال عليه لكن اذا طلقته يدور مكان يتخبى فيه مني ويجلس باساعات والطير يصفر ويتحرك كثير فالقفص مع العلم انو يطلع على يدي بس يجعر كثير انا شريه قبل اربع ايام واذا كان ما يتكلم في هل فتره كم يبيله وشلون اعرف ان الطير يبي يتكلم او لا معليش طولت عليكم وانا شاكر لكم

[كروان]

سلام
اول شي مبروك عليك الببغاء
ثاني حاجه انا انصحك انك ماتطلعه الحين توه جديد اصبر شوي حاول تطلعه في البيت بعد شهر عشان يتعود عليك وعلى البيت شوف انت الحين تقول انه يتخبى منك ويدخل في اماكن بالساعات عشانه خايف
بعدين بالسبه للكلام ابدا معه وحده وحده اختر لك كلمه بسيطه مثلا الو .. هلا ..او اختر اسم للببغاء وردده عليه لمده 15 دقيقه في اليوم اكثر من مره ولا تغير الكلمه الا بعد ثلاث ايام وعلى هالحال وهو راح ياخذ فتره عشان يتكلم وبتعرفه اذا نطق
وبالنسبه للحعير لاتهتم بتروح منه اذا تطمن منك ووثق فيك
بس انت ماقلت وش نوع الببغاء عشان نفيدك اكثر اذا عرفنا نوعه بالنسبه للكلام .. فيه انواع تحفظ كثير وفيه انواع تقول كلمتين او ثلاث بس .. انا عندي احساس ان الببغاء حقك الرمادي الافريقي والله اعلم وش رايك احساسي في محله او خطاء ؟؟ اذا هو الرمادي تمام هذا من الانواع اللي تحفظ كثير .. وشكرااااا

[منبع الثلج]

مشأالله عليك والله جبتها الببغاء الي عندي الرمادي الافرقي وتسلملي اخوي الكروان على الرد بس انا ماني مطمن انه ما راح ينطق هل احطله فلفل انا عارف ان هذا خطاء بس كثير شار علي على العموم مشكور من كل قلبي

[كروان]

ان شاء الله راح ينطق بس اصبر وردد له الكلام بأستمرار .. وحطه بمكان يكون فيه ناس تتجمع عشان يلقط منهم كلام واصوات وصدقني الرمادي ذكي وسريع التعلم .. كل الموضوع شويه وقت ولاتستعجل وان شاء الله نسمع منك خبر انه تكلم وتفرحنا وتسعدنا

ولا تعطيه فلفل لأنه مضر لصحته ويسبب له مشاكل

تحياتي

[منبع الثلج]

اخوي الكروان انا اشكرك على اهتمامك فيني وانشأالله اشوفلك مشاركه جديده تفيد كل الهوين وحتى الخبراء بعد ومشكور مره ثانيه