كيف اعتني ب لوني (لانا)

[dndoona]

السلام عليكم ورحمه الله وبركاته

لوني بست بنتي عمرها شهر مدري شهرين



المهم كيف اروشها كيف اعتني فيها كيف احميها من كل شي يعني كيف يوم اروشها ما تدخل المويه بئذونها ... وانا ماابي اطعم البسسه لاني كل يوم انظف الليتر بوكس وكل شي


وكمان

لئن بنتي صغييره والله مادري كيف شريتلها وحرام لو ماتت برقبتي بتسير الذمه اماانه علموني كل شي عن القطط من 1 الى 100 لو سمحتووو انا مره خايفه

[دلوعةقطوتي]

وعليكم السم ورحمة الله وبركاته
من قريت اسمها فز قلبي لانا لونا لوني ليون كلهم اسماء قطوتي

شور القطه مره سهل بس اول شي قفلي المكيف وجهزي المنشفه والشامبو بالحمام وجيبي القطوه فكي طوقها ودخليها الحمام اضبطي درجه حراره المويه خليها وسط بالضبط زي شورالبيبي بما انك ام اكيد عارفه للبيبي حطيها بالحوض وجيبي الشور بللي شعرها بمويه هي راح تتحرك بس لهيها سولفي او حتى غني عليها وبعدين افركي شعرها بالشامبو واشطفيه واعصري المويه الزايده ولفيها بالمنشفه(طبعا عشان اذونها لاتبليين راسها بالشور بس بللي منشفه وامسح راسها ونظفي عيونها بقطنه) دخليها الغرفه وقفلي الباب عشان ماتطلع للمكيف واذا تقدرين تستشورين شعرها عشان ينشف او بينشف من نفسه ومشطي شعرها واعطيها اكل لانهم بعد الشور يحبون ينامون وياكلون اعطيها شي تحبه عشان تعرف انه بعد الشور فيه مكافئه وبس جدا سهل طبعا الشور كل اسبوع او اسبوعين وتقدرين تستعملين البودره للتنظيف الجاف رشيها عالشعر ومشطيها ريحتها حلوه وبتنظف
لو اذنها وسخه امسحيها بقطنه فيها زيت زيتون لحد ماتنظف اتمنى انك افدتك

[dndoona]

شكرررا مرره دلوعه قطوتي والله ماسميتها لان الا عشان قطوتك

وعندي شي كيف اقص اظافرها ترا خمشت بنتي وطلع منها دم في يدها

ترا هي لونها سلفير كمان مون فيس فيس شريتها ب 900 ميه هديه نجاحها

[دلوعةقطوتي]

تسلمين والله يحفظلك بنتك وقطوتها
قص الظفر جدا سهل امسكي يدها واضغطيها بيطلع لك الظفر قصي بس الجزء الابيض الوردي لا يوجعها لاتقصينه واذا حركتها كثيره لفيها بمنشفه وطلعي بس يدها او قصي لها وهي نايمه

[دلوعةقطوتي]

http://www.2zoo.com/vb/showthread.php?t=6215

[wnis_3000]

^

طيب لو ما اقص اظافرها فيها شيء يعني بتنكسر ولا بتعوره ؟

[دلوعةقطوتي]

لا عادي بس انا اقصها عشان ماتخربشني او تخربش الاثاث

[dndoona]

شكرا دلوعه قطوتي

[خبيرهـ الحيوانات]

وعليكم السلآم
يـآهلآ فيك ..

القطط الصغيرة تحتـآج رعـآية ،، فـلآ تخآفين ان اهتميتي فيهـآ ماراح يصير لهـآ شي بأذن الله
والحين بعلمك كيف تهتمين فيهـآ :

التحميم ؟!
اول شي لآزم تطفين المكيف عشان ماتبرد ،، لآن القطط الصغيرة ماتستحمل البرد وممكن البرد يقضي على حيـآتهـآ بسهولة لآقدر الله ،، فـ عليك انك تاخذين حذرك من هالامر لآنهـآ صغيرة وماتستحمل ،، وتطفين المكيف ولو خلصتي تحميمهـآ على طوول نشفيهـآ ،، والحين وفري هالاشيـآء :

شـآمبو للقطط الصغيرة :



او ممكن استبدالة بشـآمبو جونسون للآطفال



فـوطة او منشفة :


ستشوآر هوائي :



مشط :



الطريقة :
انا افضل انك تملئين البـآنيو ماء دافئ وتـآخذين كوب وتبللينهـآ فية ،، لآن لو بالرشاش يمكن بالغلط يجيهـآ على وجههآ او اذنهـآ بالغلط
1 - بللي كل جسم القطة بالماء الدافي الآ الوجة
2 - خذي الشـآمبو وحطي شوية على يدك وفركي جسمهـآ كويس بالشـآمبو
3 - بعدين اشطفي الشـآمبو بالماء عدل وتـآكدي انك ازلتي الشامبو كلة
4 - خذي الفوطة وعلى طول نشفيهـآ بلطف
5 - وبعدين لو نشفتيهـآ جففيهـآ بالمجفف الهوائي على حرارة دافئة ولآتقربينة كثير من جسم القطة
6 - ولو تأكدتي انهـآ خلآص جفت مشطيهـآ بلطف واذا لقيتي شعر متشربك ومافتح ابداً قصية بالمقص

والتحميم مرة او مرتين بالاسبوع في الصيف ،، امـآ بالشتاء مرتين بالشهر

تنضيف الآذن ؟!

وتحتآجين :

منضف اذن للقطط او ممكن استبدالة بـ البيبي اويل :



قطن ،، وانـآ افضل القطن الدائري :



اعواد الاذن

الطريقة :
1 - تحطين كمية قليلة من البيبي اويل على القطنة
2 - تنزلين الاذن على تحت وبلطف نضفي الاذن وبعدين بتلآقين شي بني فـآتح ولآ تخافين هـآذا شمع طبيعي
3 - خذي اعواد الاذن وتأكدي ان القطة ماتتحرك فجأة عشان مايدخل داخل الطبلة ،، ونضفي تحت الاذن بس مب تحت وآيد

التغذية

واهم شي التغذية ،، لآتعطينهـآ معلبآت وآيـد ،، واحذري تعطينهـآ Whiskas لآنة يسبب اسهال وتساقط الشعر وديدان ورآئحة كريهة وهاذي صورتة :



ونصيحة لآتكثري لهـآ من المعلبـآت ،، ممكن تعطينهـآ اكل البيت المفيد والاطعمة المفيدة كـ :
- الكبدة
- دجاج مسلوق مع خضروات
- لحم مفروم
- سيريلآك
- دراي فود للقطط الصغيرة { وهو اكل جاف وغالباً مايسمونة " بسكوت القطط " وافضل الانواع للدراي فود هو مياو مكس " Meow Mix " ورويال كانون '' Royal Canin '' وهـآذي صورة لهم





- جبنة قليلة الدسم
- السمك { لآتكثري منة لآن لو كثرتي منة يمكن يسبب التساقط للشعر
- الدجاج بأنواعة مثل ماتحبي كـ دجاج بالفرن ،، او مسلوق ،، مشوي ،، مثل مـآتحبي ،، وفي ناس تقطع الدجاج الى مكعبآت ويقولون انة مفيد للآسنان وللثة والله العالم ،، وممكن تحطين شوية رز او عيش لين مع الدجاج المقطع
- زبآدي او روب قليل الدسم { ولآتكثري
حليب قليل الدسم { ولآ تكثري منة مرة بالاسبوع يكفي

وهآذي الوصفآت اللي اعرفهـآ
وممكن تحطين بأكلهـآ قطرات قليلة من زيت كبد السمك او الحوت وتخلطينة مع اكلهـآ ترآهـ مفيد وعن تجربة بعض الاعضاء
يخلي الشعر نـآعم ويقلل من تساقطة ومفيد لمرض الهيربول ،، وايضـآ الفيتامينات الخاصة بالقطط مفيدة جداً

وابتعدي عن هالآكلآت :
- التونة المعلبة للبشر واللي تحتوي على الزيت
- الشوكولآتة والحلويات
- المشروم
- الثوم والبصل { الثوم تأثيرة اقل من البصل
- الحوم النيئة والغير مطبوخة جيداً
- البيض النئ
- عجينة الخميرة
- الكافيين { كـ القهوة ،، ويعتبر الكافيين سم للقطط

..

اهتمي بالقطة الصغيرة عدل ومشطيهـآ كل يوم مرتين باليوم اذا كانت طويلة الشعر لوقايتهـآ من الفطريات ولتنشيط الدورة الدموية
- تعريضهـآ للشمس لمدة دقيقتين لحمايتهـآ من الفطريات وايضـآ تعريض سريرهـآ للشمس لمدة سـآعة
- اهتمي بزيـآرة البيطري وطعميهـآ عن الامرآض ،، واختاري بيطري ماهر وآمن
- اهتمي بنضافة المكان اللي متواجدة فية وتنضيفة بأستمرار
- تـآكدي من خلوهـآ من الحشرات وخاصة البراغيث
- لو طلعتي من البيت وبتغيبين لسآعآت خلي حد يرآقبهـآ كـ الخدامة ويهتم فيهـآ في فترة غيابك
- لآ تسمحين لهـآ الخروج من البيت ولآ بالتخالط مع قطط الشوارع تجنبآ للآمراض ،، ولآ تخلينهآ تتخالط مع قطط قبل ماتتأكدين من صحتهم
- اهتمي بغذائهـآ
- اهتمي بنضآفة الليتر بوكس وتنضيفة بأستمرار وبالنسبة لليتر " الرمل " لآ تملئين البوكس كامل ،، حطي في الليتر بوكس نص التراب
- لآ تخلينهـآ برآ البيت خصوصـآ بأيام الصيف الحآرة ،، وحافضي على تكييف البيت والبرودة
- ولو بتقصين اضـآفرهـآ احذري وممكن تقصين اضافرهـآ عند البيطري وقصي الضفر اللي كأنة ابرة ولآتقصين الضفر اللي فوق اللي لونة وردي ترآ بيعورهـآ كثير وبيطلع دم
- اهتمي بـ العب معـآهـآ

وختـآمـآ اي سؤال لآتترددين واحنـآ بالخدمة

اتمنى اني افدتك
وربي يحفض لك قطتك الصغيرة ويسلمهـآ
ولآتخافين ،، اذا اهتميتي فيهـآ بالطريقة الصحيحة مرآح يصير لهـآ شي بأذن الله
بـآلتوفيق ان شاء الله


..
..

[خبيرهـ الحيوانات]

ونسيت اقول لك مبروك نجاح بنتك الآمورة
ربي يخليهـآ ويسلمهـآ لك ان شاء الله
..
..