سؤال لاهل الخبره عن طعام القط

[aj_69]

مرحباااااااااا

يمكن ايكون السؤال متكرر

بس عشان استفيد و افيد غيري اتحملو سؤالي


سؤالي هوووو كالتالي:-

كم مقدار كمية الطعام الي لازم انوفرها للقطو

وكم وجبه تكون في اليوم ( طبعا عشان ما يسمن ) لانه طول اليوم نايم

وان شاء الله تردون عليه

[دلوعةقطوتي]

الوجبات على حسب عمر القطو اذا بيبي امه ترضعه كل ساعتين واذصغير من شهرين الى 4 خمس وجبات وتقريبا الكميه ملعقتين كبيره او اقل على حسب القطو ياكل والا لا ابدا بكميه قليله واذا خلص ومامسح وجهه دليل الشبع زيد له شوي لحد ماتعرف المقدار
كل مايكبر يقل عدد الوجبات وتزيد الكميه الكبير من وجبتين الى 3 وجبات انا افضل 3 وجبات ولاتعطيه الاكل المقلي او اللي فيه دهون او سكريات عشان مايسمن

[aj_69]

مشكوره اختي على الرد و التوضيح

بس حبيت اعطيج خبر انه القطو الي عندي

كبير يعني فوق الـ5 اشهر

( لاني قبل كنت احط له اكل كل ما ايخلص الصحن ماله كان ساعات اكثر عن 3 مرات في اليوم و مرات اكثر عن 4 )


وانا اعطيه بس اكل المخصص للقطاو واسمه الاكل ماله رويال



وهذي صورة الاكل ماله



وهذا صورة القطو مالي [ ميماتي ]

[Parrota]

ماشاء الله قطك جميل
يتربى بعزك

[دلوعةقطوتي]

اها الدراي فوود هذا رووعه بس مايصير بس تاكله هذا لحاله هذا يعتبر مكمل غذائي
يعني ماتاكله دجاج؟
لازم تنووع له بالاكل واعطيه دجاج مسلوق وخضار ملعقة رز مكرونه صغيره وجبن ولو ياكل بيض اقلي له بيضه بزيت زيتون سمك مره بالاسبوع جمبري (اناجربته مسلوق واكلوه)بجانب الدراي فوود

[aj_69]

شكرا على الرد و التواصل يعطيج العافيه

انزين بس ما خبرتيني هل اكتفي بوجبتين في اليوم والا ثلاث

لاني بصراحه هذي اول مره اربي فيها قطووو و ما ابغي اضره

ويعطيكم العافيه ^_^

[دلوعةقطوتي]

خليهم ثلاث وجبات ونوع لها والدراي فوود اذا تحب تخليه بصحنها علشان لو جاعت تاكله
الله يعافيك ونسيت اقولك قطوتك ماشاءالله كيووت