اشترك في نشرتنا البريدية ليصلك كل جديد

ياسرر · 26-10-2009, 09:50 PM

كيف حالكم ان شاءالله طيبين انا يا اخوان بهذلني الغيني الي عندي جوعته 3 ايام وبرضو ما اكل من يدي اذا حطيت له الاكل في يدي يعطيني ظهره حاولت اجيب له استاند مانفع معاه جربت القفاز نفس الحكايه اخذ البيت ركض وانا وراه مطارد كاننا توم وجيري ماعرفت له فياليت الي عنده خبره في التدريب يراسلني وله السعر الي يبغاه بس شرط اخذه اليييييف ويطلع على اليد

ياسرر · 26-10-2009, 09:52 PM

انا في الرياض وشكرررا

pato · 26-10-2009, 09:58 PM

الله 3 ايام حرم عليك والله مسؤل عنه يوم القيامه ياخي

انت تصوم 8 ساعات وتجوع اجل وشلون طير مسكين 3 ايام

ياخوي ياسر كل شي يجي حبه حبه الدعوى مهب غصب

ياسرر · 26-10-2009, 10:03 PM

اخوي باتو الطير ماياكل وكلته بيدي ياكل شوي ويرمي الباقي ماصومته 3 ايام كامله اوكله بس هو مايبغا ياكل ياكل نص والنص الثاني يرميه وكل يوم انا وياه على الحاله هذي وجبتين في اليوم بس ماياكلها ياكل شوي ويرمي الباقي

د. إحتـراف · 26-10-2009, 10:17 PM

السـلام عليكم

اخوي كم عمر الببغاء ؟

naasooh · 26-10-2009, 10:30 PM

اقتباس:

المشاركة الأصلية كتبت بواسطة ياسرر

اخوي باتو الطير ماياكل وكلته بيدي ياكل شوي ويرمي الباقي ماصومته 3 ايام كامله اوكله بس هو مايبغا ياكل ياكل نص والنص الثاني يرميه وكل يوم انا وياه على الحاله هذي وجبتين في اليوم بس ماياكلها ياكل شوي ويرمي الباقي

موو كل أطيوور تنفع معهم التجويع وبعضهم ما يستجيب معاك والبعض تضره هالطريقه لأن مناعته تكون ضعيفه
وأن كنت توك شاريه لالا تستعجل بالتدريب خليه يتأقلم على المكان موو أقل من أسبوع
حاليا ألي تسويه توكله كل ألي يحبه عشان يتعلق فيك

وبنفس الوقت يتقوى جسمه وبعد أسبوع طبق هالطريقه بدوون أستعجال خطوه خطوه

http://www.2zoo.com/vb/showthread.php?t=121497 رابط الموضوع

وعـــد الهـــوى · 26-10-2009, 10:17 PM

اول شي
انا اقلك خطوه طيبه انه اكل شي من يدك وهذا شي مره حلو
والغيني معروف انه عنيد
.........................
استمر استمر انك تاكله من يدك
...........
وابسط طريقه عشان تولفه انك تحطه فوق استاند
وتمر من عندو ديما وتقرب شويه شويه وتلعب معاه وتطلع له اصوات
واعطيه الاكل اللي يفضلو من يدك
وفي التوليف لازم تكوون حركتك بطيئه مره عشان لا يخاف

فـلاح · 26-10-2009, 10:54 PM

اخوي ياسر انا عندي غيني والغيني معروف انه عنيد لكن انت خلها شوي شوي

انا اللي عندي اول 5 ايام ما كنه عندي بس اخليه على الأستاند واعطيه اكل وماي

وبعد الخمس ايام قمت وشريت له قفص حلو ومناسب وخليته فيه تقريبا 3 ايام

الطير بدا يكيف معي وكل ما جيته اسولف معاه كنه صديق الحين بدا يصفر << وانا اكتب اسمعه

المهم اذا كنت رايق اجيه واحاول اطلعه من القفص( القفص عليه استاند منه وفيه بالسقف تقدر تسكره

طبعا افتح له السقف واخليه لين يطلع واذا طلع مايبي يرد وانتهز الفرصه واخذ عصا مالت الأستاند

واحطها عنده واقوله اطلع اطلع لين يفهم ويطلع واخليه 2 دقيقتين بالعصا اللي بيدي بعدين احاول انزله على

سقف القفص

واقوله انزل انزل لين يفهم وينزل وهكذا اكرر الخطوة كذا مره الحين من اجيب العصا احطها تحته يحط رجله ويصعد

واذا جيت بنزله اخلي مستواه قريب من القفص واقوله انزل وينزل

وطبعـا انا لا بغيت اجوعه اكثر شي 4 او 5 ساعات واروح ادربه على الطريقه اللي فوق واكافئه اذا ضبط حركه

ملاحظـات::

1-من طبيعة الغيني يفهم تعابير وجهك ويعرف انك معصب واذا فرحان يعني خلك معاه هادي وعطه كلمات حلوه وابتسم له

2-التجويع اكثر شي 6 ساعات ويمكن واجد بعد

3-القفص احسن للترويض لأن اول ايام على الأستاند كان يخاف من اقرب منه يصايح ويطير <ما يمديك تعلمه
او تبني علاقه معاه

4-القفص اسرع تدريب لأنك اذا قربت منه راح يجعر يجعر لين يعرف انك مو مصدر خطر عليه وتخف الجعره

وبعد القفص يمديك انك تقعد تسولف معاه وتحسسه انك صديق ليس عدو لين يطمئن منك <من واقع تجربه
---------------------------------

ياليت اذا فيه خطـأ يصلحونه الأخوان..

واهم شي الصبر يا ياسر ولا تغير مكان القفص من مكان لأخر خله يتعود ويطمأن ويستقرر..

اتمنى اني افدتكـ لأني حاس بمعاناتكـ

تحياتي لكـ,,, فــلأاح

ابو محمــد · 27-10-2009, 04:10 AM

اخوي فلاح اسمح لي اقولك استاذ فلاح وطريقتك عمليه وناجحه لكن يبغالها صبر ووقت ويعتمد ع الطير وع المربي
‏*ملاحظه:التجويع ما يزيد عن ثلاث ساعات .

FedEx · 27-10-2009, 07:38 AM

انا مع الاخ فلاح هذي الطريقه الي استخدمتها مع الافريقي مع اللف بالفوطه و المسح على الراس