هامستراتي من أكلة لحوم الهامسترات

[فلاح القاسم]

السلام عليكم ورحمة الله

اليوم شفت عدد الهامسترات ناقص

وتفاجأت لمّا شفت انه الناقص صار قطعة لحم قاعدين يأكلها واحد من ربعه بكل شراهة

و كان المأكول أقل حجمه شوي عن ربعه و الوحيد اللي ما يكبر نفس ربعه.

في الحقيقة استغربت لأن هامستراتي ما يتضاربوا ولا يبيّن عليهم جروح من أثر معارك.

لكن اللي صار اليوم الصبح فعلا فاجأني والحين صار صديقهم عدم ولا قطعة حيّة منه..

فلو قلنا أنه صديقهم مات مثلا فشو اللي خلاّهم يأكلوه

مع إني سمعت صراخ ما أدري هل هو صراخ الأرانب لما يتضاربوا أو الهامساترات في الليلة الماضية.

[بياع هامستر]

الله يعينك

والله ماعندي شئ اقولو

بس بكم هامستر حاطه في قفص واحد وايش انواعه

[BMG2]

اهاااا هذا شي طبيعي اذا مات الهامستر ياكلوه ما ادري ليه؟؟

انا قد صارت مع همسترتي ...

بس انا انصح انك تفرقهم كانهم يتضاربو

[عالِم الهامستر]

اشي طبيعي اخوي اي هامستر يموت هما بوكلو وزي ما قال اخوي الافضل فصلهم عشان المضاريات

[whg]

أخي الكريم طبيعة الهامستر كذا ياكلون الميت أول مايموت علشان مايتعفن وتنتشر فيهم ألأمراض ويموتون يعني ياكلونه بنية التنضيف.