ما هو الأفضل للقط ؟ أفيدوني أنا بحاجتكم !

[عاشقةالشهادة]

أنا شاريه قط عمره 4 شهور سميته سموكي .. موعارفه شو أصله هذي صورته ..



له إخوان بس مو مثله كلهم سوود وشعرهم قصير .. هل من الافضل له أنه أربيه لحاله أو آخذ حد من

إخوانه معاه .. وتنصحوني أربي معاه ذكر ولا إنثى من إخوانه .. أو أشتري قطوه ثانيه يكون لونها

مو أسود ..

وممكن سؤال ثاني .. أكل العلب الجاف زين للقطاو .. وشو هي الاكلات إللي تأكلونهم ..

وسلامتكم .. لاتبخلون علي بالردود أنا بحاجتكم ...

[عاشقةالشهادة]

ياريت حد يرد عليه بسرعه .. جذيه تعاملون العضوة الجديدة .. 24 دشو ولا حد رد.. ماكانش العشم

[آنـــــو]

ياحبيبتي جاينك جاينك ،، لاتستعجلين

ونورتي المنتدى بأنظمامك بين أخوانك

الله يبارك لك بالقطو ويتربى بعزك

بالنسبه لتساؤلاتك

أيه تقدرين تربينه لحاله عادي بيتعايش مع الوضع بس لازم تعطينه من وقتك وأهتمامك وتسلينه دايم

لكن لو حبيتي تجيبن له قطو .. يفضل أنثى والنوع مثل ماتحبين

والأكل أنا أعطي .. قطاوتي دجاج مسلوق مع خضار / أرز / مكرونه / وسمك وربيان مره بالأسبوع

وجبنه مع توست .. وبيض .. و زبادي قليل الدسم

ودراي فود رويال كانن .. ومعلبات فانسي فيست بين فتره وفتره كـ تغيير روتيني

وأيه الدراي فود ممتاز ومفيد وينظف أسنانهم من الرواسب ..

وبالتووفيق بتربيتك وتتهنين فيه ..

[عاشقةالشهادة]

مشكورة الغالية على الرد الحلو وماقصرت .. بس إستفسار عن شو فصيلته .. وإذا أجيبله إنثى يفضل نفس فصيلته أو فيه فصائل ثانيه أفضل .. THANX

[amul]

اعتقد فصيلته شيرازى مون فيس حلوووووووووو والانثى ممكن تكون من فصيله ثانيه

[عاشقةالشهادة]

مشكورة حبيبتي .. amul .. أنا أموت فيهم مون فيس ولا سن فيس كله واحد هههههه أسولف ..
ياريت حد يفيدني أي فصيله تكون الإنثى علشان ييبون kittens عسولييييييييين مثلهم يعلني ما أعدمهم ..

[nobody-know-me]

ماشا الله وايد حلووووووو ..

ولوووونه وايد عجيب و اسم على مسمى ..

ربي يحفظه لج يارب ..

بالنسبه لنوعه اتوقعه موون فيس ..

وبالنسبه للاكل والتربيه مثل ماقالت لج اختي أنو ..

وبالنسبه لنوع اللي بتجيبينه له عادي جيبي له اي شي و اذا قصدج للتزاوج

ف تو الناس عليه لانو مبين انه صغير ..

لكن لو زوجتيه بــ بيكي فيس بيطلعون العيال هاف بيكي اظن ..

و كلهممممم حلوووووين و ربي يحفظه لج ياااارب ..

[عاشقةالشهادة]

حياك أخوي nobody-know-me .. ومشكور ..

وبالنسبه لنوع اللي بتجيبينه له عادي جيبي له اي شي و اذا قصدج للتزاوج

ف تو الناس عليه لانو مبين انه صغير ..

أهو صدقك صغيروني .. بس أنا قصدي إنه يتربى معها و يونسون بعض .. وحزة التزاوج ما أتوهق وياه .. وياريت أحصل مثل الكيوت إللي في توقيعك ..

[nobody-know-me]

اها فهمت عليك الحين ..

لو انا منك اجيب قطو ثاني بنفس عمره و عكس جنسه يعني اذا سموكي انثى اجيب ذكر ..

ويكون من فصيله مختلفه عنه تمام عشان لما يتزوجو يطلعو لي تشكيله حلوووووه ..

اللي حاطها بتوقيعي - شيري - هذي بيرسيان توركش انغوورا ..

[عاشقةالشهادة]

بيرسيان توركش انغوورا .. غير عن المون فيس و الدول فيس ..؟؟؟