فضلات الطائر ماذا تخبرنا؟؟

[كاسكوكيه]

السلام عليكم و الرحمه

دايمن نسمع انه لو كان الطير ما ياكل.. يعني تعبان او فيه شي
ولو كان ريشه منتف .. معناته عنده معاناه
ولو كان عنده سيلان في انفه.. ففيه مرض في التنفس
ولو كانت عيونه منتفخه .. و لو كانت و لو كان...!

بس.. عندي سؤال.. ممكن يكون الطير خارجيا ولا أجمل.. ما شاء الله عليه.. فكيف ممكن أني اقدر اني احلل فضلات الطائر؟؟

يعني لو كانت خضرا زياده عن اللزوم شو معناتها؟
لو كانت صلبه؟
لو كانت سائله لأيام (مش لمدة ساعات بسبب عصير الفواكه اللي ياكلها)
لو كانت لزجه؟؟
لو كانت مخلوطه بالدم؟؟
لو لم يخرج فضلات؟
لو زادت مرات الأخراج؟؟


وكيف ممكن اعالج هالأشياء اللي سببت التساؤلات السابقه ^_)))

هل من يقدر يفيدني في هالموضوع؟؟ ماريد اتريا الين ما تتحول الأعراض من داخليه إلى أعياء عام للطير

الحمد لله شامبيه ما فيه شي (الله يبعد عنه و عن كل طير و انساان الأمراض) بس احتياط

ولكم مني جزيل الشكر

[كاسكوكيه]

شكلكم لاعت جبودكم

[عاشقة الطيور]

وعليكم السلام ورحمة الله وبركاته

مثل ماتعرفين انا مب خبيره بس بحاول افيدج ولو بقليل بالي اعرفه

وسؤالج وااايد حلو .. المهم

اذا كان الصلب في الفضلات اكثر من السائل الابيض يعني انه ياكل اكل صلب مثل الحبوب

اما اذا كان السائل اكثر من الصلب يعني ان الطير ياكل اكل فيه سوائل

واحيانا لما يكون الطير مريض والطبيب يعطيج مثلا مضاد حيوي او اي دوه سائل بتلاحظين ان فضلات الطير يكون فيها السائل اكثر من الصلب واهني يكون بسبب الدوه

واللزوجه والدم مااعرف

وزياده المرات يعتمد على اكل الطير اذا ماشاءالله عليه ياكل وايد شي طبيعي اخراجه بيزيد واذا اكله قليل اخراجه قليل

اتمنى اني افدتج ولو بالقليل

[كاسكوكيه]

تسلمين و ما قصرتي

و انتي ذكرتي الحالات العاديه .. يعني اختلاف الأكل و الدوا .. بس متى احلل الموضوع على اساس انه مرض هضمي او شي من هالقبيل؟؟

لاني ما اريد اغفل اي شي من هالناحيه

[عين الامارات]

ههههه

و الله ما عندي فكره

[كاسكوكيه]

=) it's ok ^^

[الببغاء الافريقي]

الماده البرازيه : لونه اخضر عادتًا واذا وجد لون احمر او اسود فهاذه علامه على وجود مرض وقد يتغير لونه الى البني لتغير نوع الغذاء ولن تدوم طويلًا فقط 12 ساعه كفيله بارجاعه الى طبيعته وان تعدت هذا الزمن فهذا منذر على وجود مشكله هذا الي اعرفه وان لقيت شي جبته وان شاء الله سأكتب موضوع عن المنذرات لوجود الامراض