ممكن مســـــ_________ــــــــاعــــــ_______ـــــــده!!!!!!!!!!!!!!

[{ FERAS }]

اهلييين

ممكن تقولولي وش اسم الكلب الي لونه ذهبي الي شعره كثير

طيب صعب عناية الشعر الكثييف ؟؟

او عادي العنايه يعني صعبة سهله وممكن تقولولي

[saidinasser]

أضن أنك تقصد "اللبرادور" الكلب ده جميل وذكي وسهل العناية.

[المحامي]

يمكن تقصد golden retriever
على لعموم هاذي صور له ، و اذا تقصد كلب ثاني قول لنا مواصفاته وا حط صور له على الاقل و احنا نساعدك .

[boobee]

والله يخوي ما اعرف اي نوع تقصد بالضبط
وعلى موضوع الشعر الطويل طبعا لازم يكون في اهتمام وعنايه
والشغله مو سهله
بس اذا انت حاب الكلب بتشوف الشغله ممتعه

[المحامي]

طيب صعب عناية الشعر الكثييف ؟؟

او عادي العنايه يعني صعبة سهله وممكن تقولولي [/QUOTE]

والله يا طويل العمر بخصوص العناية بالشعر الكثيف ، انت مثل ما قلت يبي له عناية و اهتمام ، و مثل ما قال الاخ boobee اذا انت حاب الشغلة بتستانس و انت تسويها . بسس بشكل عام الجلب الي شعره طويل يحتاج حق تمشيط يومياً عشان الشعر ما يتجعد و يتشربك ، بالاضافة الي الغسيل و الاستحمام في فترات دورية . معلومة اخيرة ان مالكين الجلاب الي شعرهم طويل غالباً يقصون شعرهم و يخلونه متوسط و يسمون القصة puppy cut لان الجلب يتم شكله مثل الجرو الصغير ، و هاذي عادة يكون في الجلاب الي حجمهم صغير . بس ممكن انهم يخلون الشعر يطول اذا كانو يستخدمون الجلب حق عروض الجلاب dog shows .

[صديق الهاسكي]

الأخوة الأعضاء كفو ووفو بالإجابات

صحيح ..الكلب الذهبي ذو الشعر الطويل هو golden retreiver ...(الظاهر في الصور
إلا إذا كنت تقصد colli ...صاحب البوز الطويل والشعر الطويل ..إضافة لألوان أخرى

[{ FERAS }]

golden retriever
ايييييه هذا الي انا ابييه بس حلو مميزاته يعني يحب اللعب بس ما ابييه شرس

[المحامي]

بكلمة بسيطة يا زين ما اخترت و نقيت . هاذي الكلب مافي احسن منه ، كلب ودود ، طيب ، و حبوب ، يحب اللعب و الحركة ، زين مع الاطفال بكافة الاعمار ، حتى مع الحيوانات الثانية سواء كانت كلاب او قطاوة . يحب السباحة ، و دايماً يكون مروق و مزاجه عال العال ، هادئ و مش شرس، يحب يكون مع اصحابه و اهل البيت عشان يكون مبسوط و مستانس .
في منه نوعين ان صح التعبير ، النوع الانجليزي و يكون عظمه اكبر من النوع الاميركي ، و لونه مايل للبياض و افتح من النوع الاميركي ، اما الاميركي لونه يكون احمر و اغمج من البريطاني .
الصورة توضح الفرق بين النوعين

[{ FERAS }]

المشاركة الأصلية كتبت بواسطة المحامي

بكلمة بسيطة يا زين ما اخترت و نقيت . هاذي الكلب مافي احسن منه ، كلب ودود ، طيب ، و حبوب ، يحب اللعب و الحركة ، زين مع الاطفال بكافة الاعمار ، حتى مع الحيوانات الثانية سواء كانت كلاب او قطاوة . يحب السباحة ، و دايماً يكون مروق و مزاجه عال العال ، هادئ و مش شرس، يحب يكون مع اصحابه و اهل البيت عشان يكون مبسوط و مستانس .
في منه نوعين ان صح التعبير ، النوع الانجليزي و يكون عظمه اكبر من النوع الاميركي ، و لونه مايل للبياض و افتح من النوع الاميركي ، اما الاميركي لونه يكون احمر و اغمج من البريطاني .
الصورة توضح الفرق بين النوعين

طيب هذا موجود بالرياض لاني انا الصرااحه عمري 10 سنيين وابيلكم تطلعوون لي كلابه مو شرسه تحب اللعب لانه في بعض الكلابه ما تكوون موجوده بالريااض !!!!!!!

[المحامي]

المشاركة الأصلية كتبت بواسطة { FERAS }

طيب هذا موجود بالرياض لاني انا الصرااحه عمري 10 سنيين وابيلكم تطلعوون لي كلابه مو شرسه تحب اللعب لانه في بعض الكلابه ما تكوون موجوده بالريااض !!!!!!!

و الله مادري عن الرياض ، بس في منه في البحرين . بس اتوقع في منه بالسعودية ، شوف في محلات الحيوانات اكيد بتحصل و خبرنا شيصير معاك .