حل لتفادي الفئران الغداره

[الكلاسيكي]

اخواني انا شفت من بعض الاعضاء يشتكي من غدر الفئران فاحبيت اذكر طريقه وخاصة لأخواني اصحاب الاعشاش الرمليه اخوي انا بعلمكم طريقه ممكن تكون مرت عليكم مدري واذا كنت مكرر الموضوع والله اعلم اخواني المشرفين يمونون المهم ممكن اخوي قبل بني العشه وعند تركيب الاساس للغرفه مثل الاعمهده والحواجز التحتيه ممكن تستخدم للأرضيه شبك حديد صغير الفتحات يعني كبر المربع س متر مربع وتحطه بالارض وتدفن بالتراب وترش الماء وبعد كيذا ركب الاشباك الجانبية والسقف وتكون عندك عشه محمية /
ملاحظة /
للأخوان الي ماعندة مثل كيذا وبيطول عشان يعمل الطريق هاذي انا بعطيك حل مؤقت ممكن تجي للجحر الخاص للفأر وتجيب زجاج او غراش بيبسي وغيرها وتقوم بتكسيرها وتدفنها داخل جحر الفأر وبعد ذلك بالتراب والافضل تحط سمنت فوقه كذا راح يبطل الفأر الحفر والتسلل ، وارجو اني قدرت افيدكم ، وشكر جزيل لكل شخص يقوم بالمررور على الموضوع ،،

[عبيد العباسي]

يسلمو على الموضوع أخوي ...

بس الي انا اعرفه انه الفار ما يقدر يضر الدياي لأن الدياي ياكل الفيران

تحياتي,,,

[الكلاسيكي]

مرحبا اخوي عبيد العباسي
مع الاسف اقولك يقدر يضر الدجاج تدري اشلون ياكل الفروخ والبيض وهذا بحد ذاته مشكله لما يكون عندك دياي بـ السعر الفلاني عرفت ايش الي انا اقصده وعلى فكره تراني جالس اكتب الرد لك وانا جالس افطر يعني ايد على الكي بورد والثانيه فيها تمر ومشكووور على مررورك اخوي ،،،

[! هاويه الطيور !]

الكلاسيكي

.

كلامك عدل اخوي والله هذي مشكله نعاني منها
بصراحه ياكل الفروخ الدجاج والبط والحمام والمشكله بس ياكل راسهم او عيونهم وبس ~ شي يقهر والله

لازم في حل اخوي يكون المكان نظيف وخالي من الريش والاوساخ .
ولازم في ادويه خاصه للفئران لو تتصل على طوارئ خاصه للقوارض تعطيك السم وترتاح وتحطها
على بيت او جحر الفار وبعدها تسدها

وان اشاء الله نفتك منها

[عبيد العباسي]

بس يا أختي خوفج اذا حطينا السموم ياكل الدياي منها ويموت انا اعتقد انه ردم الحفره بالأسمنت افضل حل ...

او في حل ثاني انا سألت ابوي اليوم على الفيران ولا يقولي امبله يقدرون يذبحون الديايه الباغة بعد قال انه كان يدور فتحعه الجحر ويغمرها بالماء واول ما تنترس بالماء يطلعون الفيران وبعدين يذبحهم ...

وقالي معلومه توني ادري عنها قال:انه الفار اذا عنده جحر لازم يكون عنده اكثر من فتحه حق الجحر يعني اذا غمرت احد فتحاته بالماء راح يطلع من الفتحه الأخرى فتذبحه على طول )

تحياتي ....

[! هاويه الطيور !]

والله اخوي ~ فروخ الحمام ماخلى منهم احد كل يوم ذابح واحد وياليت ياكله بس جزء بسيط
وفروخ البط ودياي ~

وبجرب طريقه الماي ولو جربتها قبل بس ماكو فايده يرجع .


والي سمعته وخفت اجرب الي اهو
اصب غااز على جحره علشان يختنق واهو داخل وبعدها نسده والله مادري
وباجر بجرب لانه عش البطه اهو على يمين العش وخايفه على الصغار لما يطلعون :"(

[عبيد العباسي]

جربي الغاز هم حلوه الطريقه ,,,

[الكلاسيكي]

مرحبا
اخوي عبيد واختي هاويه الطيور
مشاكلكم انا حطيت حلها بس انتو ماركزتو اتركو الماء وغيرها لان الفأر فعلاً عنده اكثر من فتحها للجحر انا اقول الاسمنت لوحده ماينفع ولا تسد فتحاته كلها انت مو مجبر تدور وراه انا اقول الي مايعمل طريقة الشبك الي في الارض تحت التراب يعمل الطريقة هاذي الي ياخذ زجاج ويكسره ويرميه داخل الجحور الي مذيتك وتحط فوقها اسمنت عشان لما يحاول يحفر يجرح ايده ويبطل يكمل وانت كذا في امان صدقوني انا مجرب واربي الطيور والحيوانات من عمري 8 سنوات مع الوالد جربو وشوفو ، ويعطيكم العافيه ومشكووووووووووووور يا اخواني على مرروركم ونقاشكم الجيد وانا برضو متواصل معكم ،

[الكلاسيكي]

اهم شي عندي
مساعدتكم اخواني الاعضاء

[! هاويه الطيور !]

اخوي شلون الطريقه
الزجاج اكسره عند جحره واغطيها بالاسمنت .!!

يعني انت جربت هالشي ونفع وياكُ ولا رجع .!!
اتمنى انكُ تفيدنا