استفسار بشأن الروزيلا

[mohammad128]

جمعة مباركة جميعاً
اشتريت من السوق زوج من ببغاءات قالولي اسمهن روزيلا

والببغائات بأقدامها خواتم مكتوب عليها 14
قال البائع انو هنن مواليد 2014 يعني عمرهن بالكتير 8 شهور
طبعاً هنن كانوا غير اليفين ابداً
و انا اشتريتهن من شهر تقريباً
بعد اسبوع صرت خليهون يطلعوا على ايدي غصب يعني ضل الحق الطير بالغرفة لحد ما يطلع لأيدي
و بس يطلع اتركو فترة ربع ساعة على ايدي و بعدها رجعه لقفصه
الوضع الحالي
افتح القفص
يطيروا بالغرفة
حط يدي امامه
يطلع عليها
ما يقعد 10 ثواني يشوف قفصه و يطير عليه
و الحمد لله ما عاد في عض
فقط لا غير
لا بيخلوني المسهن ولا بيسمحولي اعمل اي شي
و حتى المكافئة وقت يطلعوا على ايدي ما بياخدوها يعني ما بياكلوا من ايدي ابداً
ملاحظة:
انا بهتم فيهون كتير و مو مقصر ابداً من حيث الاكل و الشرب و النظافة وما بدايئهن ابداً
يعني بفتح القفص عليهون و بيطلعوا عليه من فوق ..
بس يطيروا لبرا القفص بحملو على ايدي و بس قرب على قفصه بيطير وحده عليه
و ما بزعج الطيور ابداً
و قفص الطيور كبير ارتفاع 65 سم ... عرض 45سم ... عمق 45 سم
شو النصائح يلي بتنصحوني اعملها و كيف فيني دربهن بالتفصيل الممل؟
للعلم ( انا صبري طويل بس بحب اعرف التفاصيل المملة اذا امكن )