مبتداء

[ابو على2]

السلام عليكم ورحمة الله وبركاته
بسم الله الرحمن الرحيم
اخواني واخواتي انا كل مده اشتري حيوان زينة مره طيور ومره كلاب وهل المره شيرازي شاريها بمحل برياض المهم ماعرف عمرها ولاعرف طريقة التعامل معها وهل هيا شيرازي امريكي ولا لا لاني شاريها على انها شيرازي امريكي واهم شي طريقة التعامل لاني شاريها اليوم
صور للقطة

http://www.2zoo.org/uploads/14115904891.jpg

http://www.2zoo.org/uploads/14115904902.jpg

http://www.2zoo.org/uploads/14115904913.jpg

وشكرا

[الماسيــــــــــه]

القطه
شيرازي مون فيس كاليكو
واضن انثى
طبعا اول الايام خلها تتطمن و تثق فيك لانها تستغرب و تقبل اي شي منها من اول شي
و علمها الصح و الغلط بعد ان تثق فيك

مستلزماتها

لتر بوكس
و تراب خاص
و دراي فود
و اكل قوطي مره بالاسبوع
واطباق للاكل و للماي
مشط
شامبو خاص او جونسين للاطفال
عطر = اختياري
بودر = اختياري
طوق بس ماانصحك تحطه بالصيف
منشفه للسباحه
والعاب اهم شي


و لاتنسى التطعيمات موفق خير
و اي سؤال لاتتردد

[ابو على2]

ونسيت كيف انومها في مكان مخصص

[الماسيــــــــــه]

اهي راح تختار المكان المناسب لها لا تضايقها لانها لما تختار المكان الي تقعد فيه حت لو المكان غلط

اهو المكان الي مرتاحه فيه و لانضايقها لانها اهي الي تختار المكان الانسب لها و لحراره جسمها و نفسيتها

[ابو على2]

طيب والبيت الا اشتريته ارميه ولا وش اسوي

[الماسيــــــــــه]

لاترميه ولا شي يمكن يعجبها المكان و تقعد لا تقلق اخوي

[ابو على2]

المشكلة انها تنام على البلاط واخاف تتعب

[الماسيــــــــــه]

انا قططي كله على البلاط بس حمد لله ماصارلهم شي
شيلها و حطها بالبيت الي شريته
وقت نومها راح تكون دايخه خصوصا انها صغيره و راح تنام فيه و ماراح تتعب

[ابو على2]

كل لادخلتها تطلع هل اغطيها بالمنشف

[ابو على2]

بنسبة للرد الاول وش معنات التر بوكس ودري فود وبنسبة للشامبو يقول صاحب المحل انا روشتها لك مايحتاج حالينا تروشها كل كام يوم اروشها وكل كام يوم احط عليها بودره وكم يوم واقدر العب معها واشيلها لان صاحب المحل يقول خلها 3 ايام وبعدين العب معها وشلها صحيح ولا وبنسبة للتراب كل كم يوم اغيره