ارجوكم الحساسية ذبحتنا مافي حل؟

[بسبس مياو]

السلام عليكم..بقول لكم قصتي،انا قطوتي عمرها سنه ونص وهي عندي من يوم عمرها شهر ونص وعمري ماحسيت بأي شي،ومن فترة ست شهور جبت لها ذكر للتزاوج ومن وقتها وانا ابتدت عندي حساسية عطاس وزكام وحكه في عيوني ،انا قلت يمكن لانه شعره طويل وقطوتي شعرها قصير، وبعد ماراح من عندي خفت الحساسيه بشكل ملحوظ،بعدها بفتره اخوي جاب قطوة صغيره شعرها طويل لمدة كم يوم ورجعت لي الحساسية لانها كانت تنام عندي، وبعد ماراحت خفت الحساسيه،قطوتي ولدت خمسه ورجعتلي الحساسيه اقوى والحين لي اربع شهور في حالة زكام مستمر واختي فجأه طلع عندها التهاب في الشعب الهوائية وتكح طول الوقت والدكتور استغرب ان ماعندها ربو من اول واعطاها ادويه، احنا تقريبا متأكدين انه من القطاوة بس ساكتين لان خايفين يقولون لنا اتخلصوا منهم،،هل هالشي له علاقه بأن القطط مو مطعمه لاني لسه ماطعمتهم ؟ وهل في دوا او ابره ضد الحساسية نقدر ناخذها ؟ ارجوكم ساعدونا ولا تقولون لا تخلوا القطط تنام عندك لان مافي مكان غير غرفتنا

[فاتـــو]

اهلين اختي
اهم شي هو صحتك وصحه اختك يعني في اشياء لازم نتخلى عنها علشان صحتنا
وبعدين ليش ماقلتوا للطبيب ان عندكم قطوه لازم يعرف علشان يحدد لكم السبب

واتمنى تلاقين العلاج بسرعه

[شاهستا]

اهلا بيكى حبيبتى

طبعا دة مالوش اى دخل بالتطعيم ولا الحاجات دى

انتى لازم تروحى لدكتور عشان يشوف اذا دة من القطط فعلا او لا

وان شاء الله ميكنش من القطط ولو من القطط

بعد مالكيتن يتفطموا بعيهم او اعرضيهم للتبنى

واحتفظى بقطتك الى مش ماثره عليك

[بسبس مياو]

شكرا لكم، بس انا كنت ابي احتفظ عالاقل بواحد علشان ماتحس الام بالوحده، يعني مافي اي دوا او ابره انا مرره متعلقه فيهم ومابي اوديهم كلهم

[الهاشم]

اختي الافضل تروحي للدكتور وتقولي ليه ان احتمال كبير من القطة وهي احتمال يعطيش ادوية
ثانيا مفروض القطط تطعمبها وبين فترة فرتة تسبحيهم

[باغيرا]

وعليكم السلام ورحمة الله وبركاته
هلا وغلا فيكي اختي الحبيبة
التطعيمات مالها دخل لازم تروحي للطبيب وتشوفي ايش سبب الحساسية
وقولي له انه عندكم قطط يمكن يعطيكم علاج وان شاء الله بتلقي علاج