سؤال عن تفريخ الكروان

[Ali_kwt]

السلام عليكم شلونك شباب شخباركم انا عندي كروان ذكر وأنثي صارلي سنة عندياهم وتوني حاطلهم عش (صندوق التفريخ) تقريبا من اسبوع واكثر شي واحد يدش العش اهو الذكر بس يقعدون داخل العش اثنينهم ، فهل هذا يدل على قرب وضع الأنثي البيض ، وكم المدة تحتاج ؟ وانا حاط داخل العش نشارة الخشب حطيته بكل مكان بس أشوف الذكر يدش ويحطهم مكان واحد ؟
ودائما ينامون فوق العش ولايدخلونه بالليل ؟

[وحيد مكة]

ان شاء الله يبيضون قريب
الذكر يدخل اول يطمن على المكان وراح تلاحظ انه يخبط بمنقاره من داخل يتأكد من سلامة البياضة
وبعدها يبدا عملية التزاوج ان شاء الله
وعليك بالفيتامينات والاكل المنوع
وموفق ان شاء الله

[Ali_kwt]

جزاك الله خير ، بس كم المدة يحتاجون ؟

[وحيد مكة]

الله أعلم
يمكن تشوف تلقيح وكل شي بس بدون بيض مجرد احتمال
لكن انت هيئ لهم الجو المناسب وان شاء الله انتاجهم قريب

[Ali_kwt]

انشالله، انا حاطهم مكان فيه طيور (بلبل،امازون،لوف بيرد) مايأثرون عليهم ؟

[وحيد مكة]

لا عادي
ولو تكون في مكان مرتفع يكون افضل

[Ali_kwt]

مشكور اخوي ويعطيك العافيه

[يوسف الهوساوي]

المشاركة الأصلية كتبت بواسطة Ali_kwt

انشالله، انا حاطهم مكان فيه طيور (بلبل،امازون،لوف بيرد) مايأثرون عليهم ؟

لا ما يأثرون انا عندي الكروان منتج ماشاء الله وفي نفس الغرفة فيه طيور مينا ودرة وبادجي
اهم شي انك تحط القفص في مكان مرتفع وما وتخليهم على راحتهم
وبالنسبة لوضع البيض العاده تنزل اول بيضة في اقل من اسبوعين بعد التلقيح
الله يوفقك

[Ali_kwt]

مشكورين أخواني وماقصرتو تعبتكم معاي بالأسئلة ، وانا حاطهم فوق طاولة شوي رفيعه يعني لاتحت ولافوق تقريبا وسط زين ؟وعندي اخر سؤال هل يأثر عليهم الترويض في هذه الفترة ؟

[mood17]

الترويض في هذه الفتره ما ينفع حاول ان تنظم عمليه الليل والنهار مع ترك ضوء خفيف في الليل ولا تحاول ان تخرج الزوج بره القفص عشان لا تتأثر عمليه الانتاج ولا تنسي عظمه الحبار (لسان البحر )

تحياتي