...::: ما الفرق بين الكوكاتو و الكاسكو ؟؟ (مبتدأ) :::...

[FLAVA-SAVA]

السلام عليكم

كيف الحال ؟

والله منتدى رائع ولا اقدر اوصفه صراحاً

لكن انا مبتدأ وابغى اشتري ببغاء احطه في البيت يلعب ويتكلم واليف ولا يسوي مشاكل

فـ لفيت المنتدى الحلو هذا واحسن نوعين الى الحين شفتهم هم الكاسكو والكوكاتو لكن ...

انا ما اعرف وش الفرق وكم السعر وايهم افضل .. وكم اقصى عمر لكل واحد .. او ايهم الافضل في التدريب على الكلام والؤلفه

فتكفون عطوني اقتراحات وكلام بسيط عن كل نوع وشكراَ لكم

[بلاك بيري]

اهلا وسهلا

بخصوص الكوكاتو هو من احب الطيور لقلبي طبعا ذكي للغايه بهلواني وراقص درجه اولى ويتعلق بمربيه لحد الجنون ويستطيع الكلام لكن بشكل اقل من الكاسكو

بخصوص الأفريقي الكاسكو هو طائر ذكي ومميز ومتحدث بشكل غريب وعجيب ويتعلق بمربيه ايضا

[*هاوي البادجي*]

الولافه:
تعتمد على الطير نفسه والمدرب وليس النوع وتقدر تاخذلك واحد مدرب واليف

بخصوص المهارات الكوكاتو يرقص افضل وذكي جدا

الكاسكو افضل ببغاء في الكلام
يتقن بسرعه وذكي ايضا

العمر :

ممكن كلهم الى 100 سنه

وهي اساسا على اهتمام المربي فيه

ممكن يقعد 500 سنه اذا اهتميت فيه وعرفت تتعامل معه واذا مرض تداويه باسرع وقت
نصائح من اخوك :

اخذ لك طير اليف 100%

اول ما تاخذه خله اسبوع بالقفص ويتعود عليكم بعدين ابدا طلعه

اهتم بالطير وبنضافه القفث ولا تخليه جمب المكيف او اي تيار هوائي سواء كان حار او بارد

نوع له بالاكل حطله فواكه ومشكلة حبوب (تاكد الحب ما يكون فيه ملح )

وايذا الفواكة 3 ايام بالاسبوع مع ازاله البذور

وتخليها نص ساعه الى ساعه وتشيلها لانها ممكن تتلوث وتمرض طيرك


هذا كل شي

واي سوال لا يردك الى الكيبورد =))))

*فواز*

[FLAVA-SAVA]

يعطيكم الف الف عافيه حبايبي ما قصرتوا ..

بس الاسعار ما قلتولي كيف ؟

بلاك بيري

*هاوي البادجي*

[حي ومانسيت]

الافريقي من 1000 ريال يوصل الى 4000 على حسب الولافة والكلام والتدريب
وتاكوكاتو اخر مرة شفت واحد ب 3000 اتوقع هذا متوسط سعرة

[بلاك بيري]

الأفريقي ماله سعر اقل شي ممكن تلقاه ب 500 ريال واكثر شي ممكن تلقاه ب 15000 ريال

الكوكاتو يعتمد على نوعه اقل نوع ب 1000 ريال وصولا الى 30000 ريال

[FLAVA-SAVA]

ليش يكون الكاسكو بـ 15000 ؟

ووش هي انواع الكوكاتو ؟ وافضلها

[بلاك بيري]

ان كان الكاسكو عنده كلمات كثيره وعنده اكثر من 3 سور قرانيه غير الالهيات واقامه الصلاه والأذان وكلها يقولها بشكل واضح وحجمه سوبر جامبو ولونه فاتح واليف وعلى اليد ممكن يوصل اكثر من كذا بعد

الكوكاتو انا احب الترايتون كوكاتو فهو افخم انواع الكوكاتو ذوات العرف الأصفر وهو متوفر بشكل اكثر من غيره من الطيور واضافه انه له قدره على الكلام وخفيف ظل

[FLAVA-SAVA]

طيب افضل عمر له اذا بشتريه كم ؟

وكم يكون سعره تقريباً ؟

انا حصلت واحد بـ7 الاف

[old-alkasiko]

المشاركة الأصلية كتبت بواسطة FLAVA-SAVA

طيب افضل عمر له اذا بشتريه كم ؟

وكم يكون سعره تقريباً ؟

انا حصلت واحد بـ7 الاف

أفضل عمر لكلا النوعين أنه يكون فرخ يتراوح مابين 5 و 8 شهور ليسهل توليفه وتدريبه على الكلام ..
بالنسبة للسعر إلي ذكرته قد يكون يستاهل السعر وقد يكون لا فاختلاف مواصفات الطير وكلامه يحدد السعر ..
إذا كنت تسأل عن أسعار الإفريقي يوجد نوعين النوع الأول صيد وأسعاره ما بين 1300 و1500 ريال للفرخ الصافي والنوع الثاني هو انتاج مزارع يتراوح مابين 2000 و2200 ريال للصافي ..