سلفستر قطي

[loody dody]

مساء الخير ..

عندي عري " سلفستر " من امس انا واخواتي ملاحظين عليه انو نومه كثير لحد الان ,,, واذا اكل ياكل قليل بس لازم يكون الاكل دافي مو بارد ,, حتى الموية ماصار يشرب كثير ,, و اذا وقفته ما يطول على طول يجلس وينام .. حاولت اني اقومه واخرجه للحوش بس برضو يرجع ينام .. ايوة صح واحس انو جسمه حار .. ياريت القى احد يفيدني بخصوص سلفستر
وهذي صورته ..

مركز رفع الملفات

[0SSS0]

السلام عليكم اخوي

يمكن اصيب بلفحة برد من من المكيف او الماء البارد تاكد اخوي ولا حاول توديه للبيطري آمن لك من ان تفقدة

[امال شاعر]

مساء النور

الله يحفظه لك ان شاء الله هو اكيد في حراره لذالك في خمول استخدم مضاد حيوي البيتاموكس

تلاقيه في الصيدلية البيطريه وافتح فمه شوف هل في تقرحات او رائحه كريهه

ولو في امكانيه وديه للطبيب عشان تطمن عليه

[الخبيرة ناديا]

النوم الكثير والكسل من علامات ارتفاع الحراره عنده

ضروري تعطيه مضاد حيوي مثل بيتاموكس او

تعرضه على بيطري حتى يقيس حرارته ويطمنك عليه

[Pet Vet Clinic]

الرد جميل جدا
ماشاء الله ردودكم موفقة
ولكن الرجاء نقل بعض العلامات الحيوية التي تساعدنا في تقريب الموضوع اكثر
من ناحية الخروج والبراز هل يكون طبيعي؟؟؟
رائحة الفم ؟؟؟

هذه ستساعدنا لتقريب الحالة والافضل الذهاب به الى البيطري ليكشف عليه عن قرب وتحديد ما هو المسبب الرئيسي
ودمتم سالمين

[loody dody]

صباح الخير ..
الصورة هذي هو بخير اخذتها قبل ما ننقل من بيتنا القديم ..
هو متعود انو ينام بالمكيف والغرفة مهي باردة بالمرة واذا على الموية برضو ماهي باردة برودة .. واكله دائما اعطيهم هو دافي هو واخوانه..
مافي تقرحات في فمه ومافي رائحة كريهه ,, ابدا امس طول اليوم كله مادخل الحمام ,, وديته لعند ترابه بس خرج ورجع الفراش ونام .. من يوم ما نقلنا لبيت ثاني وتعود على الحوش البيت يخرج ويدور ويرجع يدخل البيت ياكل ويشرب وينام ماادري ايش اللي جرا له ,, هل معقول انو احد ضربه ,, اذا سمع اصوات البسس الثانية بس يرفع راسه واذا احد يناديه كانو ما يعرف اسمه ولا يروح عند احد .. ويبغى يخرج للحوش .. صحيح وهو باين عليه انو نحفااااااااان بالمرة
المضاد موجود عندي ,, ينفع اعطيه منو واشوف النتيجة وبعدها اعرضه ع البيطري ؟

عفوا ياجماعه انا بنت

[امال شاعر]

استخدمي المضاد خمس ايام وشوفي ان شاء الله بيتحسن

ممكن من نقلت البيت تكون نفسيته تعبانه في بعض القطط تطرب عن الاكل والشرب لانه متعود

على البيت القديم حاولي تعرفيه على البيت الجديد عشان يطمئن اكثر ولعبيه بالالعاب الي

تخليه يتنشط مثل الكور والخيوط

[Pet Vet Clinic]

أتمنى ان يكون الموضوع بسيط جدا لأن مجرد الانتقال بالقط من منطقة إلى منطقة يتسبب لديه نوعا من الاجهاد
وهذا الاجهاد خافض للمناعة مما ستظهر عليه بعض الامراض التي كان القط متعايشا معها
يفضل ان تأخذيه مشكورة إلى الطبيب البيطري ليقوم بقياس حرارته
بحال ارتفاع الحرارة فإن المضاد الحيوي مفعوله اقوى بحال أعطي خافض الحرارة
وبحال الحرارة الطبيعية سيكون عامل الاجهاد هو المسيطر لذا فان المضاد الحيوي لوحده سيكون كافيا

أتمنى من الله ان يقر عينك بشفائه وتابعي الحالة وطمنينا عن القط بالقريب العاجل

[loody dody]

هو لحد الان نفس الحالة والاكل ما ياكل بس موية يشرب والمضاد اعطيه هو بالقوة ياخذو ,, ماشاء الله تبارك الله هو اول واحد من البسس اللي تعود على البيت وعلى الحوش يعني يخرج ويروح ويرجع كانو بيته ... بس نظرات عيونه توحي انو مريض وانه ما يسمع احد لما يناديه ...
شكرا لكم على الاهتمام والرد على الموضوع مافي حل غير اودي للبيطري وان شاء الله يكون شي بسيط ...

[nahasas]

انتبهي لا يكون عنده التهاب في الاذن مسبب له الخمول والنوم وما يسمع

ومثل ما قالو حاولي تاخذيه للبيطري عشان تطمأني عليه