سؤال بخصوص الالبينو بورميس !!

[madtaz]

سلام


شباب عندي فرخ البينو بورميس بطول 70سم

جبته قبل 4 شهور

واكل حول ال 8 مرات والحرارة والرطوبة %100 عليها

المشكلة انه حركتها مرة بطيئة او شبة معدومة .. واذا غيرت جلدها لازم اساعدها

الان صارلها حول ال الشهر ما اكلت ففحتصتها لقيت عند مخرجها تحجر ( يابسة )

ف شوي شوي جلست افتت الوصخ الله يكرمكم واطلع فيه , وتنعنشت شوي وصارت حركتها

افضل بشوي لكنها الان ضعيفة جدا جدا عزيلة .. ولونها ماهو طبيعي ... جسمها فيه نشفان

فحصت فمها طبيعي و حركة لسانها طبيعيه !!!


الحوض كافي مساحة . والحرارة والرطوبة كذلك .......

* مع العلم انه يوجد بوا عاصرة معها بنفس البيت طبعا نفس الحجم او اصغر ( فرخ )


ايش ممكن اسوي علشان ترجع طبيعيه ؟؟ او ايش تصنيفكم للحالة ؟؟

[|| PyTHoN ||]

حاط البينو بورميس مع بوا بحوض واحد ؟
هذا اول غلط ..

اول شي افصلهم ، و وفر الاشياء الرئيسيه لها ، مخبأ و غيرها من الأشياء
صح انهم مو حساسين لكن الصغار ممكن يكون عندهم خوف ، بعد ما تخليها
بمكان صح و تمام عالأقل 4 - 5 ايام وكلها ..

طبعاً بهالأيام لا تشيلها ..

و اللون متغير شلون صاير يعني ؟ ترى طبيعي ألوان الثعابين تتغير حتى بأيام
بس ، لكن يكون أفتح أو أغمج مو لون زياده مثلاً ..

و بالتوفيق

[madtaz]

متغير جاي لونها علي اخضر وجلدها زي اللي فاضي من جوا !! هزيلة !

[|| PyTHoN ||]

حاولت تغير الأكل او شي ؟

و متأكد ما راح تبدل اليلد لأن لونهم يصير مرات تقريباً مزورق
او على وردي شوي و مرات اخضر المهم اللون باهت

و الجلد يصير مجعد و انت عندك ثعابين ثانيه و فاهم شلون يعني

تأكد من هالأشياء و اهم شي خلها بروحها الحين

[madtaz]

هادا اللي بسويه ان شاء الله وبعطيك خبر وش يصير حلال هالاسبوع

[jassim99]

اخوي مادتاز صورلنا الثعبان عشان نقدر نعطيك اجابه صحيحه ودقيقه

موفق خير

[madtaz]

مشكورين جميعا علي المرور

الحية ماتت وعلي حسب فحصي انه انفجار في الامعاء

لانه يوجد جرح وعليه دم بحوالي 7سم قبل فتحة الشرج ( طولها الافعي كاملة 80سم )

[jassim99]

الله يعوضك خير منها

[madtaz]

عفوا كنت اقصد التهاب

ومشكور امين يا رب

[|| PyTHoN ||]

الله يعوضك بالي احسن منها ..
انتبه للباقي و الله يحفظهم لك انشالله