فروخ الرمادي انتاج محلي 100% ((صور)) +اسعار

[الطاير]

السلام عليكم يالربع ....

توووني قبل ثواني وصلت من السوق ...
وجبت صور فروخ للأفريقي الرمادي ,,, ونوعهم جمبو بعد
شفت عند البياع خمسة فروخ ....
واحد فيهم مطعوم باليد100% ومفصول عن الباقين ... يقول البياع ((عشان يتوالف مع البشر مزبووط ))
مررررررة عسل كللهم .. وقالي البياع عمرهم شهر .. اوشهرين (( الشك مني ))
واسعارهم صراحة ..... احس انها جيدة

الواحد على 1200 قبل المساومة ...

ويقول انه الرمادي يفرخ مرة وحدة في السنة ...


اتمنى كل واحد يعطينى رايه في الفروخ وفي الاسعار .. وهل ممكن القى اقل من كذا ؟؟
وعاد مابطول عليكم واترككم مع الصور ,,



















وسلامتكم يالغالين

تحية للجميع
الطاير

[رعوود]

ما شاء الله

يهبلون

والسعر وناسه



ممكن تقول لي وين بالسوق بالضبط


شكلي باخذ لي واحد


سريع قبل ما يرجع اسير من السوق

[First Time]

الله يعطيك العافيه ... ماشاءلله
بالنسبه لسعر مرة تمام ...
وين هذا السوق

[تفاحه حمرا]

ماشاء الله معقوووله بهالسعر .. ولله حلوو الله يهني الي بياخذهم ..

[الطاير]

السلام عليكم ...

هذا سوق الخميس ياجماعة الخير في مدينة القطيف ..

رعوود
First Time

شكراَ على مروركم ...
وارسلت لكم رسائل خاصة ...

تفاحة حمرا

الف شكر ع المرور ... وكانك تقولين السعر مررة مناسب ..




تحية
الطاير

[تفاحه حمرا]

أنا اشوفه مناسب بالنسبة للاسعار الي عندنا

[بو ناصر]

ماشاءالله سوق روعه والفروخ ماشاءالله عليهم

والاسعار اخر حلاوة

بس قولي اسير الافريقي اعزمك على الفلافل ولا لأ

شكرا لك اخوي الطاير على النقل الممتاز للسوق وعلى الصور الي تعور القلب

[أبوعــــــــامر]

السلام عليكم ورحمة الله وبركاته

اخوي لاتصدق كل مايقال

الانتاج المحلي مستحيل يقل عن 2000 او 2500 ريال
والمنتجين قلائل ومعروفين

هذي فروخ صيد ومهربة تهريب

واذا تبي اجيبلك منها ,,,

شوف حتى الوصخ على ريشها من اثر التهريب ( الصندوق فيه 30 - 50 حبه ) مع بعض

على العموم الله يبارك لك فيه

بس انتبه له لانه فرخ صغير وحطله لمبة حمراء للتدفأه وحاول تحطله اكل لين وفواكه وخضار مسلوقة , وياريت لو تغره مرة انت بالايد عن طريق ابره كبيرة لانه ماراح يعرف ياكل من نفسه بشكل كافي , وحطله فيتامينات في الماء يوميا وان شاء الله تتهنى فيه

تحياتي

[الكسيكوالدره]

هلا وغلا

ما شاء الله عليهم احجامهم حلوة واعمارهم مناسبة للتربية
وخاصة اذا لقوا الوقت الكافي من العناية
والسعر ماعليه كلام ممتاز وياليت نحصل عندنا الاسعار ذي

ولكن عندي سؤال ابي اتأكد منه لاني شاك بالمصداقية
سألت واحد من فترة عن الافريقي بذه العمر وانه فرصة نجاته من الموت ضعيفة يقولي في اجنبية مرة اشترت افريقي فرخ ونفس الشئ ما كمل كم شهر ومات ولما استغربت لانها مهتمة به جيدا
ودته الطبيب عشان يعرف سبب الوفاة قال لها نه فيه اللتهاب فايروس في الكبد وهذا سببه انه فروخ الصيد اللي تهرب وهي ليست من انتاج المزارع هي اللي تموت وانهم هم يعطونهم هذا الفايروس عمدا ممكن يكون هذا الكلام صحيح انا الصراحه مو مصدق واستغربت من كلامه

والله يبارك لك فيه وتتهنئ به

[كحيلان]

الانتاج المحلي او المزارع يكون محجل حجل اصلي مكتوب عليه ملعومات المزرعه زالمنتج ...الخ

العمر هذا خطيررر ونادر يعيش انا شريت من زمان واحد اكبر شوي من هذي وماكمل شهر الا ومات وكنت مدلعه لابعد الحدود بس مات !!

نصيحه الي يبي يستانس ومايندم ياخذ فرخ محجل معروف المصدر واهم شي سليم من الامراض ويكون عمره فوق 8شهور وتحت السنه هذا افضل فرخ في نظري لان هذا العمر يكون فيه الطير قوي ويتحمل اكثر وبنفس الوقت اليف ويتقبل التدريب