رأيكم في القفص الجديد + لا تبخلوا بإجاباتكم

[رح وتعال]

بسم الله الرحمن الرحيم

اخواني الله يسعدكم ويرفع قدركم ويرضى عليكم .. لا زلت استفيد من خبرتكم وطرحكم

الله يبارك فيكم .. اليوم مصور لكم القفص الجديد وهو عبارة عن دورين الدور الاول فيه العياشه ( حسب ما يسمونها المربين ) صرت خبررررة من بدري وفيها عوامه للمويه وهذه كانت نصيحة النجار الله يجزاه خير .. يعني لو اروح شهر ما عندي مشكله .. الدور الثاني فيه محاكر اماكن للتبيض بسسسسس هالدجاج حقي مو مستوعب الله يعين ششششباب عندي كم سؤال تكفون ابغى اجابه حسب خبرتكم ـــــــــــــ هذه صورة القفص كامل ويظهر السلم المؤدي للدور الثاني


وهذه صورة الدور الثاني اللي فيه المحاكر ــ هم تسع محاكر 5 فيه جهه و4 في الجهه الثانيه ومكان للجاي من السلم


بس المشكله الدجاج يا جماعه يبيض تحت وانا اشيل البيض واخليه فوق بس برضوا يبيضوا تحت وش الحل ؟؟

استفسار اخر يا شباب انا عندي ديك صغير بالعمر والشباب نصحوني اجيب ديك اكبر منه رحت للسوق وجبت ديك فيه خنجر برجله مو كبير مررره بس اشوفه الديك ما يأذن وكأنه حزين يعني ما يتلفت من الديوك ؟؟ انا صورته بالعرض يا ليت تقولون رأيكم فيه



شباب على فكره انا اشتريت مع الديك دجاجه وخليتهم بقفص ثاني .. ومكانهم قريب من القفص الرئيسي .. سؤالي كم يوم اخليهم منفصلين ؟؟ او متى ادخلهم بالقفص الرئيسي مع الدجاج الباقي ؟؟

[صمت الأمل]

يا أهلا وسهلا فيكـ أخي ..


ألف ألف مبــــــــــروكـ على هالقفص الرائع .


هالنوع ممتاز للي يبغى يربي دجاج لكن ماعندهـ مساحهـ كبيرهـ .


النجار ماشاء اللهـ عليهـ ضبط شغلهـ وجزاهـ اللهـ خير على نصيحتهـ ,,

الدجاج يا جماعه يبيض تحت وانا اشيل البيض واخليه فوق بس برضوا يبيضوا تحت وش الحل

فيهـ حل بسيط ان شاء اللهـ يفيدكـ ,


ضع بيضهـ مزيفهـ أو بلاستيكـ أو حتى كورة الجولف في واحد من هالصناديق واتركها بداخلهـ ,,


عشان يفهمون ان هذا المكان الصح والمناسب للتبييض .


حتى لو تضطر تنزل أحد الصناديق لعدة أيام تحت عشان يفهمو الطريقهـ .

اشوفه الديك ما يأذن وكأنه حزين يعني ما يتلفت من الديوك

فعلا يبدو ان الديكـ لسى مو كبير مرهـ على حدود السنهـ , لكن عموما المفروض يأذن بهالعمر .. وأنت عارف تربية بعض الأسواق مايعطونهم أكل كثير ويحكرونهم مع ديوكـ كثيرهـ عشان كذا مايبلغون بسرعهـ ويكونو قلقين دايما.


كم لهـ من يوم وهو عندكـ ؟؟ اذا لسى من يومين أو أقل من اسبوع فعطهـ فرصهـ لأن ممكن يكون خايف من المكان الجديد ومو مرتاح للآن .


أهم شيء هو صحتهـ ونشوفهـ بالصورهـ انهـ ان شاء اللهـ بصحهـ جيدهـ ونظيف ,, هل فتحت جناحيهـ عشان تتأكد من خلوهـ من الحشرات؟؟

سؤالي كم يوم اخليهم منفصلين ؟؟ او متى ادخلهم بالقفص الرئيسي مع الدجاج الباقي ؟؟

هل تراهم الآن من خارج القفص يحاولون يهاجمون على الدجاج الآخر ؟؟ ام عادي ومو مهتمين كثير ؟؟


اذا يحاولون المهاجمهـ فاتركهم 5 ايام على الأقل حتى يهدأون ويتعودون على بعض .


اذا هم ساكتين وراضين بالوضع ,, انتظر يومين ثم حاول تدخلهم عليهم مع مراقبتكـ لهم لفترهـ ..


لو شفت محاولات هجوم قويهـ لدرجة نزيف الدم فاعزلهم عن بعض فورا ,,


اما لو فقط تنقير فهذا للأسف طبيعي ولازم تتركهم يحددون مستواهم الإجتماعي .


بالتوفيق لكـ وأي سؤال اتفضل بطرحهـ .

[دمعة قهر..!]

مآششآء الله تصميم فله هععع

انا والله آدور معآلف مثل اللي عندك

لآني تعبت كل سآعه الآكل آنتهى

انا عندي البط يآكل آككل مآيشبع هههههههههههه


الله يبآرك لك فيه

[امير الديكي]

اااااالف مبروك
انا اقلك ليش الديك منزعج لانه بيته صغيررر جدااا ولايسمح له بالصعود الى الاعلى
الحل هو ان تنزههم في اليوم ساعة على الاقل بعدها تشوفه فرحان
وكما تعلم الدجاج يحتاج الى الحسى الناعم لطحن الاكل في الحوصلة
اعذرني ماجاوبت عللى بقية الاسئلة لانه لهجتك ماافتهمتها المهم ااااااااااااااالللللللف مبروك

[رح وتعال]

شكرا لجميع من رررررررد

اختي صمت الامل مشكوره على المجهود اللي تقومين فيه وانا بصراحه كنت اتمنى انك تعلقي على موضوعي لأنه شفت تعلقياتك على المواضيع الثانيه وكانت ممتازه وسلسه ومفيده والحمد لله تمت الامنيه

بالنسبه لسؤالك عن الديك بصراحه انا رفعت جنحانه كأنه منتوف شوي ما ادري هل هو مرض وإلا لا ؟؟ بس حشرات ما فيه ...

وبالنسبه للدجاج الجديد والقديم .. اول ما جبتهم القدماء كسروا الشبك يتفلتون على الديك والدجاجه .. بس بعد 24 ساعه الامور هدأت ..

الدجاجه الجديده لاحظت عليها انها ترجف وكأن ذروقها لونه ابيض !! ما ادري هل يعني انها مريضه مع ان صحتها ممتازه جدا وشكلها مره حلو


بالتوفيق