عندي مشكله فهل من حل

[jojo111]

هاااااااااااااااي




اخواني امس ومن بعد طول انتظار ولدت فاربي وكاراميل
فاربي يابت 8 وكاراميل4 لان كاراميل اول مرة تحمل نفس اختها اللي ولدت قبلها بيوم
فاربي الحين قبل ما اكتب الموضوع ما لقيت تحتها الا واحد مع العلم انا وديتهم
قبل مايولدون الى مكان هادى عندنا في المزرعة ومافي تيارات قوية وشبه مظلم والاكل متوفر
فكيف اعرف السبب وكارميل نفس الطريقة الحين ما شفت تحتها ولا شي



يعني انا كل ما تحمل هامسترة عندي تاكل عيالها
مع العلم كل شئ متوفر عندها





وعندي سوال ثاني كاراميل كلت اولادها اليوم وبون بون قبل 4 ايام و اندريا امس
متى اخليهم يتزاوجون ؟ وليش؟

اللي عنده راي او اجابه او تجربه جربها بنفسه ما يبخل

[رعوود]

اخوي ممكن سبب انهم ياكلون عيالهم انك تتردد عليهم كثير



او ان المكان الي هم فيه يكون فيه حيوان انت مو داري عنه ويسبب لهم توتر

[jojo111]

لا يخفى عليك اخوي ايه المحل كان فيه ماعز او غنم بس قبل سنه الحين مكان نظيف وفاضي
ومافيه اي شي غير الهامسترات الحوامل في اقفاصها واللي ولدت لكن للاسف كلوا يهالهم

ومن ناحية التردد عليهم
ايه اتردد عليهم ممكن العصر واول ما اجي من المدرسة في مثل هذا الوقت
اشوفهم اكلهم ناقص او محتاجين حاجة

وياليت افادتي
بالسؤال الثاني
اللي عن متى ازاوجهم

[رعوود]

اخوي التردد يسبب توتر لهم عشان كذا ياكلون عيالهم



وبالنسبه للسؤال الثاني مدة اسصبوع مناسبه يرتاحون فيها

[توازن]

انت جرب قرب فاربي ولا بون بون من الذكر ويكون بينهم شبك اذا شفتهم يتضاربون او شي من كذا

خل الانثى ترتاح يومين ثلاث

وجرب مرة ثانية
اذا شفت الذكر يحاول انه يروح للانثى ومتحمس دخله عليها

[jojo111]

اختي توازن فكرتك حلوة لكن اعتقد انه هذة طريق للهامستر الروسي
انا هامستراتي سورية

وانشاء الله بعد شوية باجرب وببشرك

[jojo111]

ايه جربت طريقتك اختي توازن
و ما شاء الله تم التزاوج بين بوسو الذكر الوحيد اللي عندي
وبون بون وكل شي تمام




ومشكووووووووووووورة على المعلومة

[Withered Rose]

وعندي سوال ثاني كاراميل كلت اولادها اليوم وبون بون قبل 4 ايام و اندريا امس
متى اخليهم يتزاوجون ؟ وليش؟

منتجين الهامستر اللي يحافظون على سلالات هامستراتهم قويه يخلون بين كل ولاده 3-4 أشهر و تقدر بأي وقت تجمعهم و لكن الأفضل وضع فترة طويله بين كل ولاده لسبب أن الهامسترة بعد الولاده بتكون ضعيفة و يكون لديها نقص بالفيتامينات و ضعف عام و إذا حملت بتجيب صغار ضعفاء إذا كان ولاده بعدها حمل مباشرة ..
مع العلم بأنهم يقدرون يحملون الآن و لكن من الأفضل التريث ليتسجمعون صحتهم ..

و مبروووووك و الله يبارك لك فيهم جوجو

[jojo111]

الله يخليك ولا يحرمنا منك مشرفتنا

على العموم امس انا زاوجت بون بون وكل شئ تمام تقبلت الذكر
وفاربي واندريا و كاراميل راح انطر شهر او اسبوع على الاقل لاني
ما اتحمل ابي اشوف عيالهم
وعلى فكرة انا من النوع اللي ما يحب ينطر



لكن ادعولي انشاء الله بون بون بعد ماتولد انها ما تاكل اليهال









وشكرا