لدى القط عطاس مستمر ( هل هي من الدموع ) ..؟

[روسي2009]

السلام عليكم


تذكرون القط اللي ذكرت لكم الحمدلله عالجته وصار ياكل


لكن الان عنده مشكله مأرقتني من اسبوعين


القط بس يعاطس عطاس شديد ، علما بانه من يوم جاء ودموعه بس تنزل وتفرز

احياينا اذا نشفت الدموع يبقى قشور سوداء حول العين لازم انظفها بنفسي بحيث اجيب قطنه مبلله وامسح فيها بين عيونه لين مايروح


وانا سبق وان قريت ان كثرة افرازات العيون ( الدموع ) ممكن هي اللي تسبب الزكام ..؟


فياليت تنصحوني بالحل الامث لمثل حالته ،، والله يعطيكم اعافيه

[الخبيرة ناديا]

اهلين اخوي

ياليت تذكر عمر القط ونوعه وصوره للعين اذا امكن ..حتى افيدك اكثر

وهل القط خامل ؟ او نشيط؟

باانتظارك

[روسي2009]

المشاركة الأصلية كتبت بواسطة الخبيرة ناديا

اهلين اخوي

ياليت تذكر عمر القط ونوعه وصوره للعين اذا امكن ..حتى افيدك اكثر

وهل القط خامل ؟ او نشيط؟

باانتظارك

القط تقريبا عمره ثلاث شهور

القط من دخل الصيف هو والقطه الانثى خمول اغلب الوقت يصحون باخر الليل ولعب لين الصبح بس لاقرب الظهر كمخوها نوووومه بس يصحي ياكل ويرجع يرقد ..!!!

بخصوص الصوره اول مايطلع فيه اللي ذكرته راح اصوره ان شاء الله

بس يمكن اتاخر لان عندي سفره بكره لمده يومين لكن لارجعت ان شاء الله


واذا امكن فيه علاج اعطيه قبل ماسافر ياليت ..!!

[الخبيرة ناديا]

ضروري تعطيه شيئين مهمين .

1- مضاد بيتاموكس من الصيدليه البيطريه ..والجرعه نصف قطاره مرتين في اليوم لمده خمس ايام

2- قطره اوبتيفلوكس optiflox من الصيدليه البشريه ممتازه وتعقم العين وتمنع حدوث الالتهاب .

استخدمها مرتين في اليوم ..حتى تلاحظ زوال الاعراض ..واحرص على عدم زياده الاستخدام اكثر من اسبوع واحد

فقط قطره في كل عين بعد تنظيف العين بقطن وماء دافي .

وضروري تحرص على غسل العين وذلك بالمسح اليومي كل صباح بقطن وماء .

[روسي2009]

الله يعطيك العافيه خبيرتنا ناديا


وان شاء الله بتلزم باللي ذكرتيه


جزيت خيرا

[الخبيرة ناديا]

الله يعافيك يارب

وان شاء الله يتشافى

طمنا عليه .

[روسي2009]

الخبيره ناديا ...

ياليت تعطيني دواء بديل لان البيتاموكس مش موجود بالبيطريه


ولو فيه دواء بالصيدليه البشريه يكون افضل لان القط حاله الزكام عنده اصبحت شديده واصبح تنفسه مع الانف صعب شوي حتى القط لثاني بدأ يعاطس مثله الله يستر


وبخصوص المعيار انا عندي برواز الابره كم المقياس فيها ..؟؟؟؟


يانتظاااارك .. ان جيت من السر لقيت الزكام عنده شديد

[الخبير نايف]

اعطيه اجمنتين ممتاز تلاقيه في الصيدليه البشريه ممكن عمر القطه علشان احدد الجرعه

[روسي2009]

المشاركة الأصلية كتبت بواسطة روسي2009

الخبيره ناديا ...

ياليت تعطيني دواء بديل لان البيتاموكس مش موجود بالبيطريه


ولو فيه دواء بالصيدليه البشريه يكون افضل لان القط حاله الزكام عنده اصبحت شديده واصبح تنفسه مع الانف صعب شوي حتى القط لثاني بدأ يعاطس مثله الله يستر


وبخصوص المعيار انا عندي برواز الابره كم المقياس فيها ..؟؟؟؟


يانتظاااارك .. ان جيت من السر لقيت الزكام عنده شديد

للرفع ..

ياليت خبيرتنا ترد ..!!

[الخبيرة ناديا]

هلا فيك اخي الغالي

عاده الزكام اذا اصاب واحد من القطط وكان عندك مجموعه ..فبيعديهم جميعا وراح ياخذهم بالدور .

يوجد علاج من الصيدليه البشريه ممتاز وتركيبته معادله للبيتاموكس ..اسمه ( ايموكس)

اعطيه منه بمقدار 1ونصف ملي ..

اذا عندك سرنجه ابره ممكن تقيس عليها ..وبتلاقي مكتوب على الابره من الجهتين قياسين.

اختار قياس الملي ومكتوب عليه هاذا الرمز ( ml )

والجرعه كل 12 ساعه بالضبط لمده خمس ايام .

وبخصوص الانف . توجد طريقه ممتازه جدا جدا ..وهي :

احضر اناء واملأوه بالماء الحار وضع فيه ملعقه من الفيكس ..واترك الاناء في غرفه مغلقه مع القطط

حتى يتم تنفسهم بشكل جيد .

ومهم جدا وضع الاناء بعيد عن القطط ..في رف عالي .