طيري أنا ياصاح سميته الغالي ... لكن ماعاطاني وجه ابد

[>>RD<<]

السلام عليكم ورحمة الله وبركاتة

طبعا عارفين انو عندي ببغاء غير مروض ابداً والسبب صاحبه الأول ان ماخانني الظن
هذا الببغاء الغيني هبل فيني بشكل مو طبيعي ولا عندي اي استعداد اني اتخلى عنه ابداً لا بشيمه ولا بقيمه لو اعرف انه بيتم سنه على ذا الحال

رغم إني قريت معضم مواضيع المنتدى وتعلم الكثير والفضل بعد الله سبحانه لأعضاء المنتدى الي ماقصرو معاي
بعد قرايتي للمواضيع عرفت ان طيري ما يحس بالأمان رغم اني من اطلع من البيت يطلع من القفص ويوقف على الاستادند وياكل واموره طيبه لكن من اجي تنزل عليه السكينه ويقعد يطالع وبس ومن اطالع فيه ينزل رجله لانه يكون واقف على رجل وحده ويبعد لأقصى نقطه ممكنه ويبدا يحك منقاره في القفص او الاستاند ومره كنت فيها منسجم في موضوع هنا في المنتدى ما وعيت الا هو طاب علي بغى يشيل عيني لكني ما ابديت اي تصرف خفت تجيه صدمه الا اني خفت عليه لايكون تعور

الآن ابي جد ابدا بنظام عشان احسسه بالأمان تجاهي ولاني عارف اش اسوي
لاني حاس انه بدا يحزن وانا مايله الشي ذا
مع اني قايم بكل شي قلتو عليه , ما اتحرك حركات مفاجئه ولا احاول اني اوتره, انظف قفصه بإنتظام وأكله بعد كل شي مسويله ومازال يجعر ويخاف لدرجة انه يرمي نفسه رمي بالقفص
وتبون الصراحه انا حاب الطير وفي نفس الوقت خايف من اني اخذ ذنبه بدون قصد
ياليت لو تحددولي سلم تدريبي اتبعه معاه هو غيني عمره سنه وامكن زياده عينه بيضاء اللون
لأنه ضاق صدري عليه قبل يضيق بي كاره اشوفه يرجف خوف
ولكم جزيل الشكر
والمعذره على الإطاله