اشترك في نشرتنا البريدية ليصلك كل جديد

عاشقة الطيور · 25-03-2007, 06:21 PM

السلام عليكم ورحمة الله وبركاته
امس اختي شرت لها كاسيكو
وهذي مواصفاته
اولا: عمره شهرين
ثانيا: مربي في مزرعه في افريقا
ثالثا: لعوووووب جداً
رابعا: ياكل بشهيه
بس اختي عندها أسأله لكم وان شاءالله جاوبونها
1. الكاسيكو يعاطس بس الحمدلله مايطلع من انفه اي افرازات فهل هذي شي طبيعي ولا فيه شي؟
2. شنو اهي افضل الماكولات الي لازم اعطيها له وهو في هذي العمر؟
3. هل القعده معاه فتره طويله ترهقه ؟؟
واتمنى اني مالوعت جبدكم من الاسئله

First Time · 25-03-2007, 07:08 PM

وعليكم السلام ...
بصراحه انا ماعندى الخبره الكثيره ...
بس فيه مواضيع كثيره مفيده فى هذا القسم ...
وبخصوص السؤال الاول .. ماعندى اى فكره عنه .. اما باقي الاسئله ان شاء الله هذى المواضيع تفيدك ...

http://www.2zoo.com/vb/showthread.php?t=20272

http://www.2zoo.com/vb/showthread.php?t=1752

http://www.2zoo.com/vb/showthread.php?t=1688

http://www.2zoo.com/vb/showthread.php?t=10184

والله يوفق الجميع ...

mmc260 · 25-03-2007, 09:28 PM

الف الف مبرووووووووووووووووك اختي عاشقة الطيور

ويتربى في عزكم انشأ الله
واهتميبه كثير ولا تفرطي به ولا تهمليه

وبنسبه للإجابات على الاسئله انشأ الله الاخوان ذوي الخبره راح يفيدوكي

عاشقة الطيور · 26-03-2007, 06:37 PM

شكرا First Time على المساعده

شكرا اخوي mmc260
الله يبارك فيك
ان شاءالله ولله الحمد اهتم فيه اكثر مما اهتم بنفسي

ان شاءالله

وانا انتظر الاجابه

HAZZA3O · 26-03-2007, 10:46 PM

مبروك اختي عالطير

واهتمي فيه عدل

واتمنى الاخوان افادوج

كاسكو البحرين · 27-03-2007, 02:36 PM

مبروك

كاسكو البحرين

عاشقة الطيور · 27-03-2007, 05:43 PM

الله يبارك فيكم يارب
ان شاءالله

ليش مارديتوا على اسألتي؟؟

متوتان · 27-03-2007, 06:18 PM

الف الف الف مبروووووووك اختي عاشقة
الله يهنيكم فيه وديري بالج عليه تراه يستاهل
بالنسبة لأسئلتج اختي
ان كان يعطس دون وجود افرازات فهذا شي طبيعي جدا بس ان لاحظتي وجود افرازات وبكثافة انصحج عالبيطري طيرااااااااااان
وبالنسبة للأكل فالفواكه ووالخضار الورقية مفيدة وايد للطير والحبوب بأنواعها ومااظن يختلف اكله عن اكل الببغاوات الاخرى
وعن اللعب بما انج تقولين ان الكاسكو مدرب يعني ولد عيلة هههههه يحتاج يوميييييييييييييا للعب بس لا تدوخيه حرام واحسن مايتعود على اللعب معاه فترات طويلة لان وراج امتحانات مثل ماقلتي وماراح تفضين له يعني اختاري وقت وسط لا هو وايد ولا شوي والله يخليه لكم
تحيتيييييييييييييييييييييييييي لج عشوقة

عاشقة الطيور · 28-03-2007, 07:32 PM

الله يبارك فيج اختي
ان شاءالله من عيوني
لا الحمدلله مافي افرازات .. مشكوره والله طمنتيني.. افا عليج بس طيران الا هبوط
بس اختي على مااعتقد ان الخس مب زين للكاسيكو فهل هذا صحيح؟؟
لا والله اهو مب مدرب بس لانه صغير فسهل علي تدريبه^^.
مشكووووووووووووووووووووووره اختي على الرد الوافي
بس ممكن تذكرين لي شنو اهي انواع الاكل الي ممكن اقدمها للكاسيكو في مثل هذي العمر(شهرين)؟
ولج جزيل الشكر

كاسكو البحرين · 28-03-2007, 10:29 PM

الكاسيكو يعاطس بس الحمدلله مايطلع من انفه اي افرازات فهل هذي شي طبيعي ولا فيه شي؟

العطس المتواصل هذا دليل على الزكام (الرجاء مراجعة البيطري وتوفير الدفئ والأبتعاد عن التيارات الهوائية لأنه الطير لسه صغير 2 شهر )

شنو اهي افضل الماكولات الي لازم اعطيها له وهو في هذي العمر؟الذره -التفاح-الجزر (الفواكه-الخضراوت)

هل القعده معاه فتره طويله ترهقه ؟؟

يفضل الكثرة في القعده معاه عشان يألف معاكم ولكن لازم توفرون له 10-11 ساعة راحه والنوم في الظلام الدامس يومياً

بالتوفيق