توني شاري الكلب من يومين وفيه استفسارات

[m6n65]

السلام عليكم ورحمة الله وبركاته

اخواني كيف حالكم طيبين ان شاء الله

انا توي شاري كلب من النوع الدلع الي هو الهاسكي

الكلب رائع جدا

لاكن تواجهني مشاكل الكلب لايحب اللعب كثيرا

هل عمره يقدر يلقح اثنى عمرها سنة وشهر او باقي صغير

الكلب يحوي على القراد وصاحبه خبرني انه اعطاه ابره لهالشيء وللحين مافي نتايج اليوم طلعت منه يمكن 30 حبه او اكثر

الكلب يوسخ في اي مكان يعجبه

الكلب يحب يشم الارض لمى اطلع امشيها يعني نص التمشايه شم في شم

وللمعلومية الكلب عمره 5 شهووور وذكر

وهذي صورة له







ياليت تعلموني وش الاكل الصحي له لان عمره صغير وابي ابني جسمه صح

انا ااكله النقانق او الدجاج المشوي يكون من بقايا المطاعم

تكفوون الي عنده نصايح ينصحني

[madtaz]

بالنسبة لكلابي اعطيهم رقاب دجاج ني او مطبوخ و مرات رز مطبوخ

بالنسبة للتلقيح الكلب لسه صغير ما قد بلغ يبلغ علي ال 9 اشهر او حولها

بالنسبة للقراد البيطري يعطيك ابرة يضربها تحت الجلد مباشرة وتلقا القراد موجود لاصق بالشعر بس ميت

ويفضل تبخ عليه سبري حق القراد ينباع في محلات البيطرة

والافضل في محلول ناسي اسمه ينخلط مع موية وتبخ علي كلبك منه مرتين في يومين وتعيد نفس الكرة

بعد 13 يوم وجيب فرشاة شعر حقت الكلاب علشان انت تمشط شعر الكلب ويطيح القراد

وحاول تخليه في مكان نظيف

بالنسبة للكلب شكله نفسيا مو مرتاح !!!

الكلب لازم حنية ونظافة واكل وخصوصا كلبك الهاكسي لازمه لعب كثير

طبعا التوسيخ لازم تدرب الكلب عليها تخلية ياكل بعدها بربع ساعه تاخده مكان ما تبيه يوسخ وتخليه الين

يوسخ تسويها معاه اسبوع كامل علي كل وجبة ( يفضل 3 وجبات يوميا لعمر اللي عندك ) ويتعود علي المكان

بالتوفيق ان شاء الله

ارجو اني اكون قدمت معلومات مفيدة حسب خبرتي والشباب يفيدوك اكثر

[Musab Pro]

ما قصر الاخ madtaz وانا بعطيك تفاصيل اكثر .

بالنسبه للعب .. فهو توه جديد عندك ولا تتوقع انه يلعب معك وينبسط وهو ما يعرفك .

اولا تحتاج تقوي العلاقه معه .. اجلس عنده وقت اطول و مع الاهتمام فيه

والاكل والشرب راح يحبك باذن الله وراح يلعب معك طول الوقت .

بالنسبه للتلقيح توه صغير على هالشي .

وومكن يبلغ بعمر سنه او اقل شويتين لكن الافضل التلقيح بعمر سنتين . وايضا للانثى نفس الشي

يعني ممكن تبلغ الانثى في عمر 10 اشهر ولكن الزواج المبكر

مضر للاثنين وراح يوقف نموهم و انت اكيد تبغى كلب كبير الحجم ومتعافي

بالنسبه للمشي والشم هذا شي بالفطره .. يحب الكلب دائما استكشاف المكان .

وانا اتمنى انك تخليه يفرق بين وقت المشي و وقت الاستكشاف واللعب

والطريقه كالتالي ..

تمشي معاه ولما يبدى يشم الارض تقوله نوووو وتزيد السرعه عشان يوقف يشم .

ايضا لازم تشد انتباهه اما بمكافئة الاكل او الالعاب مثل الكره وغيرها .

هذا بالنسبه للجرو في عمر كلبك .. لكن لما يصل الى سبع اشهر

تضع له برونق كولر ،، او تشوك تشين و لما يبدا يشم الارض تقوله نوووو

وتشده شده خفيفه .. مو تكسر رقبته انتبه الموضوع حساس .

و لما تمشي معه مسافه و توصل حديقه او ما الى ذلك لازم تعطيه بريك وتفك عنه

البرونق كولر وتقوله العب .

وهذي صور توضح البرونق كولر .



ويركب بالموقع هذا تحديدا . والافضل ان يكون له باك اب يعني تركب الليش بالبرونق كولر و بالطوق العادي مع بعض .



اما بالنسبه للاكل والتطعيمات ومشاكل القراد هذي الروابط مفصله بتساعدك ان شاء الله .

خاص عن تطعيم الكلاب

http://www.2zoo.com/vb/showthread.php?t=121177

اريد ان اطعم جرائي ارجو الرد يا اهل الخبرة

موضوع مفصل بشكل كامل

http://www.2zoo.com/vb/showthread.php?t=156041

مشاكل القراد

http://www.2zoo.com/vb/showthread.php?t=116220

http://www.2zoo.com/vb/showthread.php?t=117059


سؤال عن التغذية الصحية
http://www.2zoo.com/vb/showthread.php?t=116287

http://www.2zoo.com/vb/showthread.php?t=127167

http://www.2zoo.com/vb/showthread.php?t=124552

مواعيد التزواج + الحالات الشاذه + مده الحمل + العنايه

بالكلبه الحامل +علامات الولاده + الرقابه في حاله الولاده

http://www.2zoo.com/vb/showthread.php?p=1734023


كل مايخص تزاوج الكلاب والحمل

http://www.2zoo.com/vb/showthread.php?t=62483

كيف اجعل الكلب يقضى حاجته فى المكان الذى انا اريده ؟

http://www.2zoo.com/vb/showthread.php?t=133331


تقبل مروري .

[m6n65]

يعطيييييك الف الف عافيه اخواني على الاجابات بالتفصييل ومع المعلومات والروابط

لبى قلوبكم ريحتوني

[madtaz]

* ملاحظة بسيطة : حاول تخلي كلبك في مكان نوعا ما بارد !! الهاسكي اصولة من سيبيريا يعني يحب البراد