ساعدوني الله يساعدكم

[قمممر]

السلام عليكم

حبيت اقولكم قصتي وبصراحه وياليت الكل يساعدني لاني عجزت انام الليل والسبب هالقطوة اللي عندي


بسم الله

اولا انا ماشريت قطه ولا هم يحزنون بس حصلت قطوه صغيره حييل طايحه على جنب الشارع يعني محد يشوفها لو الله لايقوله سياره تصدمها من صغرها رحمتها انا واخذتها لبيتنا واقنعت اهلي نخليها والحمدالله رحموها معاي اهلي وربيتها لين تقريبا صار عمرها الحين 9 شهور او 10 شهور بس والله ياناس فجاه كذا مرضت مدري وش فيها طايحه ماتتحرك الا شوي بس تقوم وماتاكل تشرب شوي بس حليب وتعملها على نفسها وماتقدر تقوم ولا اول زمان كانت تطلع بر1 البيت وتعملها وترجع لنا واحممها والحين الضعيفه طايحه وتكفون وربي تقطع قلبي ابيها تعيش مابيها تموت ولا تقولون لي تكفون بيطري لاني ماعمري ويتها لبيطري ولو ابوديها يمكن يعطيها ابره وتموت علي او يصير لها شيء لانها مو متعوده بس تكفون قولو لي وش اسوي لهاا والله هالقطوه تعلقت فيها رغم انها من شارع واني ماشريتها بس والله ياناس تعلقت فيها وابكي بالليل يوم اشوفها تعلمها على نفسها وماتقدر تتحرك الا شوي.. ابي احد يساعدني جعلكم للجنه وكل اللي بالكم يتحقق

اختكم///قممممممممممممممر

[قمممر]

وينكم ردو علي الله يجزاكم خير والله تعذب قلبي وانا اشوفها كذاااا واللي مستغربته انا انها كل شوي تعملهاااا وتبول على نفسها وانتم بكرامه وعلى فكره ذكر هو مو انثى ويالله ردو عساكم للجنه

[قمممر]

لو سمحتو ردو علي تكفووووووووووووووووووووووووووووووووووووووووووووون والله خشمها صار اصفر واذنها ورجولها وايدها وش فيها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله اخاف تمووووووووووووووووووووووووووت عجزت تاكل لاسمك ولا لحم ولا دجاج بس تشرب مويه شوي

[Octopus]

حطي صور لها وانشاء الله نفيدك

[دلوعةقطوتي]

اهلين
ربي يشفيها ويحفظها لك
المسي اذنها وتاكدي من الحراره لان الخمول من الحراره
ولاتعطيه حليب بيسبب له اسهال
اكليه زبادي مع عسل وكمان الاكل اخلطيه بالخلاط واعطيه بالسرينج ولو عندك فيتامينات اعطيه
لونها اصفر؟؟ اتذكر القطو اللي يصير لونه اصفر يكون عنده شي بالكبد

[عاشقة الكتاكيت]

الله يحميها والله مالك الا البيطري قولي له عطني فيتامينات له ولا علاج اما ابره لا

[قمممر]

ياعساكم للجنه كلكم.... والله ياخواتي مافيها حراره حتى اذنها مو حاره بس فيها صفار وش هو الله اعلم وحتى الاكل ماتاكل الحيين ويوم بعطيها زبادي مع عسل تصد عني ماتبيه والله لها كم يوم ماكلت مدري وش اسوي لها بعدين يطلع من فيها سعابيل وخشمهاا يزل منه مااي ومدري وش اسوي ياناس الضعيفه كانها معاقه ماتتحرك واذا بشيلها اعدلها عشان تتحرك شوي على الاقل ترجع نفس مكانت والبيطري والله ياختي خايفه يعطيها فتامين ويصير لها شي رغم بحياتي كلها ماوديتها واذكر وحده ودت قطوتها لبيطري ومدري وش عطاها وهي مو متعوده على هالاشياء وماتت وانا مابي هالمسكينه تموت يالله صرت اتحلم فيها اخاف تموت ويصر ذنبها برقبتي ياناس وانا والله ماخذتها من الشارع كذا الا عشان رحمتها وابي اربيها لانها ضعيفه وكانت صغيره والله ياحالها مايعلم فيه الا الله الحين

[قمممر]

صوره لهاا ابشري س والله ماعندي وصله عشان احملها واحطها بعدين ماعرف شلون احط صور بالمنتدى بس بشوف لي وصله واحوس لين يضبط معاي

[دلوعةقطوتي]

بماانها ماتتحرك ولاتاكل وبفمها لعاب لازمها دكتور
احتمال عندها فايروس ولازم يشوفها بيعطيها ابر وخليه يعطيها مغذي لازم لايجيها جفاف
انتي استودعيها الله وبرسلك عالخاص اسم دكتور

[Octopus]

المشاركة الأصلية كتبت بواسطة قمممر

صوره لهاا ابشري س والله ماعندي وصله عشان احملها واحطها بعدين ماعرف شلون احط صور بالمنتدى بس بشوف لي وصله واحوس لين يضبط معاي

بيفدك هذا الرابط تحميل الصور و كيف تنزلين الصور
بتلقين روابط في الدعم الفني
و المهم الله يشيفيها

نسيت هذا رابط التحميل
http://www.2zoo.org/