اتنصب على ياجماعة

[هتون]

شريت قطة والان لها يوم وديتها الطبيب قلى عندها جفاف وتعبانة زمو راضية تاكل ولاتتحرك واحتمال تموت
والله حرام مو عارفة اش اسوي المشكلة اخذتها من اكبر محل للحيوانات بجدة وغالية جدا

[دلوعةقطوتي]

طيب عندها جفاف ضروري الدكتور يعطيها مغذي ويعالج المرض والحياة والموت بيد رب العالمين وان شاءالله ماراح تموت
ولو هي عندك الحين جيبي من الصيدليه محلول بيبي لايت واعطيها كل ساعتين او ثلاث نص سرينج والعصر ان شاءالله روحي للدكتور
حاولي تاكلينها ولو بالغصب اعطيها شوي زبادي مع عسل لو ملعقه صغيره
وماقلتي ايش فيها اعراض مرض ثانيه وكم عمرها
انتي من اول مااخذتيها كانت ماتتحرك ومريضه؟والابعد ماصارت عندك لان الوقت هذا كله امراض وخصوصا للصغار مايتحملون

[امة الله]

طيب المهم دلوقتى القطة حاول/حاولى تسعفيها بسرعه اعملى اللى عليكى والباقي على الله وبعدين المحل يجى دوره بعدين ابقى روحى له وفهميه اللى حصل للقطة

راجعى الطبيب تانى واعملى مثل ما دلوعة قطتى قالت ان شاء الله تتعافي وتكون بخير

طمنينينا .... ام ياسين

[الخبيرة ناديا]

ياليت تقولين لي كم عمرها؟

ومن متى صارت هزيله؟ من كم يوم؟

والجفاف للاسف خطير ويبغاله عنايه خااصه

لاكن المهم الان اعطائها محلول جفاف بيبي لايت من الصيدليه البشريه

واعطيها زبادي بعسل ويكون دافي ..بالسرنجه

[هتون]

القطة وديتها الطبيب وقلى حرام دي صغيرة ليش اخذوها من امها وعمرها هى شهر ونص
المهم عطانى لها حليب خاص ورضاعة وقلى ترا احتمال تموت القطة ضعيفة وعندها جفاف
وانا فضلت ارجعها اللى بجدة وقلت لهم ان بستهم مريضة
تخيولوا المدير قلى انى انا السبب وان قطتهم مافيها شي
المهم اخذوها منى بالغصب وبالفعل ماتت ثانى يوم عندهم
انتبهوا يااخوان من القطط اللى ن ترا مريضة ونعبانة واذا شريتها وثانى يوم رجعتها يتهموك انك انت اللى مرضتها ويعابطوك وويحرقوا دمك لان اهم شى عندهم الفلوس وبس

انا شريتها وهى كانت ماتلعب وخاملة وكانت ترجف وشكيت فيها لان حجمها صغير بس اكد لى البايع انها كويسة ومافيها شى

[دلوعةقطوتي]

الله يعووضك خير منها حاسه بقهرك
المره الجايه اكشفي عليها وافحصيها وتاكدي وماتاخذي اقل من شهرين والله يرزقك باللي احلا منها
عدلت ردك مرتين وارجع اقول ممنوع ذكر اسماء محلات او التشهير
ويغلق من بعد اذنك