مشكلة ببغائي يكسر العامود الي يوقف عليه

[مــاجد]

السلام عليكم ورحمة الله وبركاته





ولثاني مره اغير له العامود ويقشر الخشب في مكان محدد الين ينكسر العامود وش الحل معه ...؟؟


شاكر لكمـ ...

[~||SyooF]

حـط لـه حديده ض1

ؤآلله غـريبة

آنتـظر رد آلآخؤآن

[ولييد1122]

عااادي كلها عصا مكنسه طويله بريالين وكلما كسرهاا حط له وحده ثااانيه والله يعينك ههههههههه

[alaa_taw]

عادي اخوي

روح لمحلات الطيور واشتري منهم خشبه للببغاء

انا طيري كان نفس طيرك ما يخلي خشبه إلى ويقطعها

رحت لمحل للطيور لقيت عنده خشبه قوية وللحين مش قادر يقطع منها قطعه

[مــاجد]

المشكله انه استاند مو قفص ما ينفع له اي عامود

الله يعيننا ابتلشنا بهالهوايه الي معلق لي عليها هالأيام ..

((وهذه الخشبه الثانيه تودعنا وهي على وشك السقوط))


شاكر لكم ..

[مــاجد]

المشاركة الأصلية كتبت بواسطة alaa_taw

عادي اخوي

روح لمحلات الطيور واشتري منهم خشبه للببغاء

انا طيري كان نفس طيرك ما يخلي خشبه إلى ويقطعها

رحت لمحل للطيور لقيت عنده خشبه قوية وللحين مش قادر يقطع منها قطعه

شاكر لكـ .. اليوم بروح للمحل وان شاء الله القاها

[الكحلي]

ياخي فيه في المحلات العاب خشب اشترها وبيلعب فيها ويكسرها بدال مايكسر العصاء
وترا مهي غاليه 15 و25

[مـحـمـاس الـمـنـحـاس]

اخوي ماجد
عندي لك حل بيعجبك
وانا شخصياا سبق وجربته

بدل الخشبه حقت الاستاند رووح لمحل ادوات بناء او ادوات صحيه
وخلي معاك مقاس خشبه الاستاند
وخذ من عنده ماسوره بلاستيك مثل حقت السباكه وركبها بدل الخشبه
لكن
حاول تحكها (تمخشها) بالمنشار عشان تخشنها شوي لأنها ناعمه وملسااء بالمره وممكن مايقدر يثبت فوقها الببغاء
او تقدر تلف عليهاا حبل بشكل حلزوني من اولها الى اخرها وتثبته عليها مزبوط
وصدقني راح ترتاح من سالفه تكسير الخشب لأن الببغاء ماراح يقدر يكسر الماسوره

ويفضل انك تعلق للببغاء العاب خشبيه مثل ماقال لك الاخ
الكحلي
عشان يلعب فيها ويكسر فيها براحته

تقبل مروري وتحياتي لك

[kha6ab]

حطله لعبه او اي شي يشغله عن الخشب الي يوقف عليه

[الاثلة]

وعليكم السلام ورحمة الله وبركاته

الشباب ما قصروا يعطيهم العافية

دام الشغلة فيها استاند شوف شغلي المتواضع { رخيص وكويس } (:

صراحة ينبسط الطير على الآخر وخله يعضعض لما يدوخ

الشغلة كلها متى بس الجيران يقصصون شجرهم وهجوم عليها

دمتم سالمين