اشترك في نشرتنا البريدية ليصلك كل جديد

kotshena · 02-10-2010, 04:57 AM

السلام عليكم و رحمة الله و بركاته~

صباحكم/مسائكم سعادة و أفراح و سكاكر..

راح أحكي لكم قصتي مع القطط~

من وأنا صغيره و انا اعشق شيء اسمة حيوانات~
ومع كل سنة أكبرها حبي لهم يزيد..

لمن كنت بالصف الثالث حضرت سيرك في البحرين..
وقبل الافتتاح كنت مع العائلة برى ننتظر..فجأه الا طلع لنا قزم مهرج!!
وكان معاه شبل نمر صغير..كان مررررررره ظريف..

والدي العزيز يعشق السباع جلس يربت عليه..انا كمان رحت و لعبت مع الشبل شويا و قمت~
من يومها و انا اعشق النمور و السنوريات بشكل جنوني..
في اليوم الثاني رحت عن الوالد و بكل براءه قلت له "ابي نمر"

هو شرح لي بطريقة تناسب طفله عمرها 9 سنوات انه مفترس و ما نقدر نربيه~
لكن حبي لها لسى موجود ما تغير..تحول للقطط لأنها اقرب شيء للنمور..

أعاني من الربو من نعومة اظافري و كان ملازم لي طوال حياتي..
وكانت حالتي تزيد في وجود الحيوانات و في الاجواء المغبره..

كنت اترجى اهلي يجيبون لي قطه..لكن عذرهم كان اني راح اتعب..

ما استسلمت..و صرت كل سنه افتح الموضوع..
و صرت كل ما اشوف بسة اركض وراها..

صرت مهوووسه فيهم..
<<مشكلتي مهووسه بكل انواع الحيوانات

مضت الأيام..و كبرت الفتاه الصغيره..
دخلت الجامعه و تخصصت احياء و خاصة علم الحيوان..
قلت يمكن اذا شافو تخصصي الاهل يرضون و لكن لسى محد راضي..
و قلت لهم ترى بحثي التخرج بخليه عن القطط و بيجيبون لي غصب
<<بحثي كان عن الحشرات

كنت في كل مناسبة و أي فرصه اقول "ابي بسة"
حتى صار لها نبره خاصه..
اذا شافني ابوي اتدلع و اسوي نفسي اني البنت التي مثاليه صار يعرف وش ابي من غير ما اقول
و الجواب "ما فيه"
و انا اللي ينكسر خاطري و اقول ليش و ماليش~
والسبب انها تجيب امراض..و انا اقول لهم انا افهم منكم و أخبر انا ادرس عنهم..
ما فيهم شيء..
و شوفوا معيداتنا عندهم قطط ما صار فيهم شيء ليش انا لا!!

المهم!!

ما اطول عليكم..
تخرجت و الحمد الله..

و كان قبل فتره حفل تخرجي..
قبل حفلتي بكم يوم اتصل علي الوالد و قال لي عندي لك مفاجأه راح تستلميها يوم حفلتك~
انا على طول جاء في بالي انه راح يجيب لي بسة~

لكن اليوم الثاني جات امي قالت لي توقعي ابوك ايش جاب لك؟!
قلت لها مدري
قالت خمني طيب؟ و ترى دفع فيها مبلغ محترم..
على طول خمنت و قلت: أي فون!!
قال ابوي كيف عرفتي؟!!
قلت له امي قالت لي انك شريته بمبلغ محترم..
قال ايه اي فون..
فرحت لكن كنت اتمنى تكون قطة..
قلت له: تسلم يا نور عيني..كنت اتمنى تكون بسة لكن حتى الاي فون مو شين

اليوم الثاني الا بابي داخل و في ايده سكاكر 3>
لكم أن تتصورا فرحتي~
حسيت الدنيا ما وسعتني من الفرح..

ما كانت مثل اللي في بالي..
كنت اتمنى هملايا سيل بوينت أو سيامياو راغ دول..

لكنها جميله..لونها كراميل..عيون زمرديه~
صوت مبحوح..

كان أجمل يوم في حياتي 13/10/1431 هـ

وووبسـ~

candy is my babe's name

ciao~