لاصحاب الخبرة في هذا المنتدى الرائع... اتمنى الاجابه

[شاعرالدمعه]

السلام عليكم ورحمة الله وبركاته

بداية تقبلوا جزيل شكري لكل الاعضاء المتواجدين في هذا المنتدى الجميل اللي صدق مالي غنى عنه كل يوم اتصفحه واستفيد منه وايد

اخوكم جاسم - شاعرالدمعه من الامارات

موضوعي هو انه بسبب هالمنتدى الجميل تشجعت اني اشتري ببغاء افريقي (الرمادي)

اخذته من محل ووديته عند بيطري صديق لي خليه يفحصه وقالي انها انثى وعمرها في حدود 4 شهر والحمدلله ما فيها اي عيوب والكمال لله

وسميتها توته وان شاء الله مع الايام بحط صورها

استفساري الان هو كنت اعلمها التصفير بدايه والاصوات السهلة

والحمدالله الحين ما تتكلم مع اي حد في البيت الا لما انا اجي من الدوام وتسمع صوتي واداعبها والاعبها

هالايام قاعده تصفر وتطلع اصوات وايد منها طقطقه ومثل اصوات البوس والتطور انه في اصوات كانه كلام غير مفهوم مثل كلمة او كلمتين ولكن الحروف مب واضحة مثل التأتأه كأنه طفل قاعد يحاول الكلام

فهل هذا شي ايجابي لتعلم الكلام او شي سلبي ؟
وهل هناك عمر معين لتعلم الكلام للافريقي ؟
وبخصوص انها دايما ترغب بأن ادلك رقبتها وراسها وحنجرتها هل هذي تعتبر عاده ايجابية او سلبية ؟
وهل وجود زوجين كوتيل دايما يطلعون اصوات يأثر على تاخر توته الببغاء في الكلام ام هو شي مشجع لها

اتمنى منكم الافاده والسموحة منكم لاني طولت عليكم

ربي يحفطكم ودمتم بود

اخوكم

شاعرالدمعه

[ولد العاصمة]

لا يا أخوي البغبغاء عندك 100%

تطمن

شي إيجابي انها تتكلم و تصفر و تسوي أصوات

اما بخصوص العمر من أجل الكلام

اسمحلي اخوي ما اعرف

اما بخوص التدليك انت محضوض يا أخوي

لانه معاك تمام التمام كل شي تسويه لها اوك

في ناس بالصعوبة و الحالة و غيرها تقدر تمسح على راسها

بس حاول تمسح على راسها من فوق أكثر شي

لانه هذا الشي يحبه الطير


و وجود الطيور معها على ما أظن يشجعها




ولد العاصمة

[شاعرالدمعه]

ولد العاصمه يا حيك يا خوي تسلم على الرد ومشكوور وشرفني انك تكون اول من رد على اسئلتي


يا جماعة الخير انتظر دوودكم والا ما استاهل

ربي يحفظكم

[SILVER LOVER]

فهل هذا شي ايجابي لتعلم الكلام او شي سلبي ؟

لا طبعا شي ايجابي وجيد جدا انها وعي عمرها صغير تصفر و تلعب هذا يعني ان عندها مستقبل جميل بالكلام


وهل هناك عمر معين لتعلم الكلام للافريقي ؟

لا لو يكون عمر الكاسكو 10 سنوات راح يتعلم ولاكن على حسب المدرب و التدريب

وبخصوص انها دايما ترغب بأن ادلك رقبتها وراسها وحنجرتها هل هذي تعتبر عاده ايجابية او سلبية ؟

لا بالعكس تعتبر ايجابيه وان صحتها كويسه مره ما شاء الله

ولاكن لا تحكها وانت تدربها بشي ولا تعلمها شي اذا كان الببغاء يحب الحك وتربته على حركه و سواها عطه مكافئه و حكه

وهل وجود زوجين كوتيل دايما يطلعون اصوات يأثر على تاخر توته الببغاء في الكلام ام هو شي مشجع لها

والله وانا اخوك هي فيها ايجابيات و سلبيات

الايجابيات : انها تتعلم اصواتهم وتقلدهم وترقص زيهم

السلبيات : اذا جيت تعلم طيرك لكلام الكوكتيل يشتت انتباه ولا يخليه يركز معك