اشترك في نشرتنا البريدية ليصلك كل جديد

broodes · 03-02-2007, 03:41 PM

مرحبا

كيف حالكم انشالله بخير ... بصراحه منتدى مسكت وما صار مسكت اللي بلأعضاء اللي فيه وساهموا بانجاحه

انا هذا اول موضوع انزله واطلب رأيكم .....؟

انا عندي ببيغا افريقي وناوي ابيعه واشتري مكاو ... اما سكارليت او البلو قولد

بصراحه من زمان وانا نفسي في هذا النوع علما اني بأطلبه عن طريق النت من مزرعه

وش رايكم في المكاو ووش ابرز عيوبه

وشاكر لكم اهتمامكم ...

فنان قطر · 03-02-2007, 05:20 PM

هلا وسهلا فيك أخوي المكاو طائر جميل جدا بشكله والوانه الخلابه مشكلته انه شوي صعب التعامل معاه وهوه صعب تربيته في البيوت لانه صوته وايد عالي ومايقدر يتكلم مثل الافريقي او الامازون وانا انصحك بل امزوون او الافريقي وغيرهم لا تدور وأنت أسئل شخص مربي مكاو وبتعرف

اكثر وشو عيوووبه

ولك تحياتي

فنان قطر

كروان · 03-02-2007, 11:02 PM

المكاو مزعج جدااااا صونه عالي وياليت صوته عالي بالكلام لا له اصوات خاصه فيه جداا مزعجه

وهو بالكلام لك عليه مايتكلم كثير مثل الافريقي والامازوني وبعدين لو تشتري مكاو مو مروض والله

مشكله كيف تتعامل معه الطير كبير واذا بتاخذ مروض اكيد سعره غالي

انا اقول احسن شي الافريقي والامازوني لهم شعبيه جدااااا كبيره

والخيار لك

العجيب · 22-02-2007, 01:48 PM

الأفريقي للكلام و الذكاء الذي يعادل ذكاء طفل عمره 5 سنين (الأذكى بين الببعاوات و الطيور)
الماكو السكارليت لجماله فهو أجمل ببغاء
الماكو الأزرق الذهبي لذكاؤه الذي يعادل ذكاء طفل عمره 4 سنين

مدرب الأفريقي · 22-02-2007, 07:03 PM

خلك على الأفريقي افضلك .