الحريم في الزواجات

[دلوعةقطوتي]

السلام عليكم
كيفكم ان شاءالله تمام
طبعا اليوم وانا جالسه احوس بالايميل قريت هالموضوع وضحكني فيه شي من الصحه وشوي من المبالغه ماعلينا
المهم نبدا
طبعاً مثل مآيقولون الكتآبـ مبيّن من عنوآنه
الحريم فالزواجات حدّث ولا حرج وبالذات إذا جت حزة الرقص
منهن من تثير الشقفة ومنهن من ترسم علامات التعجب فوق راسك
ومنهن من تجعل المتفرجين يرددون ( الحمد لله على نعمة العقل )
من أ ن تضع قدميها الكريمتين عالكوشه إلى أن تنهي وصلتها الاستعراضية


/
l
/


والحين نكشف الستآر عن الموآهب المدفوونه


وحدة تهز الوسط ؟

- والثانيه: ترج المناطق العلوية وما جوارها بتوقيت الرياض

- والثالثة: تنفض شعرها بطريقة الفريرة تقولون داخلته حشرة تبي تطلعها

- والرابعة: تحرك يديها بطريقة لولبية كوكبية متوازية الاضلاع كنها تخبز تميس

- والخامسة: تطامر يمين ويسار كسرت ارقاب الاوادم من كثر ما يتلفتون

- والسادسة: تترنح على أنغام البوب بطريقة هستيرية كنها صرصور باخين عليه بف باف

- والسابعه: تتهزهز تقولون ماسكها كهرب 220 فولت

- والثامنة: تصفق بيديها من تبدأ إلى تنتهي ما تدرون تصفق لنفسها ولا للحضور

- والتاسعة: ترقص جنب الطقاقات وتخش في وجيههم عشان يزينون لها الطق

والطقاقات ودهم يصكونها بالطيران صرعتهم بريحتها( الحمد لله إني مانيب طقاقة)

- والعاشرة : تسوي حركات تخليكم تشكون في قدراتها السيكولوجية والفسيولوجية والامبريالية!!!!

..........


كله كوووم واللي يلبسوون برآقع في العروس كوم ثاني
( تدق التسريحة والمكياج والفستان المشخلع والمخلوع بابه وتلبس برقع )
وشلون تجتمع ماااااااااأدري؟!!
وإذا طلبوا لها أغنيه تجيكم طااااااااايره من آخر القاعة ( جاكم الإعصار ما شيّن يعيقه )
وإذا وصلت الكوشه تمسك البرقع بأقوى ما عندها ثم تررررررررميه على الواقفات عالمنصة
والشاطرة تمسكة
واذا خلصت وعينت من الله خير قامت تدور برقعها مثل المسعووووورة
لأنها من الحماس ما تدري وين أراضيه
وإذا لقته كنها لااااقيه كنز على طووووول تحطه على وجهه ما تبي أحد يشوفها





واللي يبط القهر أكثر وأكثر اللي ترقص بولدها ( يالييييييييل أم حبيليص الساااااااري )
ياشيلي يا أم الشباب ياتمايلي
وإذا قام البزر يصيح تنزله وتكمل رقص !!
والبزر ياعمري يتعلق في فستانها الارجواني ويجرجرفيه يجرجر فيه وهو يشاهق من الصياح
تحسبونها توقف
لالالالالا إلا تكمل الرقصة إن شاء الله يموت من الصياح اجل تخلي
فلانه اللي طلبت لها الاغنية علشان هالعله لالالالالالا وألف لالالالالالا.............
وما يضحكني إلا اللي تدخل اسمها في الاغنية واسم العيلة وعيلة العيلة





/
l
/


والأغاني المستخدمة لهذا الغرض تنقسم إلى قسمين :

مدح مباشر مثل :
- (ياصايغين الذهب عطوا الذهب فلانه) ... ادعسسسسسس
- (ردوا سلامي على الفلاينه اللي ما يهابونه) .
- (فلانه كل الحلا فيها احترت أنا مدري وش اسميها ).... جبر الخواطر على الله
- (فلانه غزال صادها القناص ) .... ياحلالااه يا حماية الحياة الفطرية أي والله


...........


والقسم الثاني مدح غير مباشر:
- (الله يازين اللي حضرت غطت على كل الحضور ) .... بالعدال ياديانا سبنسر
( بس هالاغنية قديمة حيييييييل)
- (قولوا بسم الله على غزالن طب قولوا بسم الله ) هاذي عاد ضاربة في
بس إلى الآن متداولة للآسف على كثر الأغاني ضااااااااااقت إلا يغنونها
- (نورت ياحلاها شمس الأقبالي والعذارى شموعن من حواليها )
هاذي عاد من تحت الأنقاااااض


/
l
/




ووبس خلصنــآ ياحلوووين
استنى ردودكم الرجاء عدم التطنيش

[عبووودي]

هههههههههههههههههههه


حلوووووووووووووووووووووووووووووووووووووااااااااااااااااااااااااااا

>>>ما تحسو انو قااعد يجاااامل...؟؟؟

[(مجهول)]

خخخخخخخخخخخخ كل الكلام والله يصير
اللهم عافهم ولا تبلانا
مشكوره

[Animal-5-Lover]

| اللهْ يِرُجٍكْ ‘{

يسْلَمَهْ‘ عَالمَوْضُوعْ ,

;/
‘

[مربية قطط]

هههههههههههههههههههههههههههههههههههههههههه
أهم شي أم البرقع وش تحسبه ذي
وفعلا في أشياء زي كذا زين أني ماأحب أروح زواجات ان رحت ماأجي من الزواج الا وراسي يرقص معاي
يسلمو عالموضوع

[دلوعةقطوتي]

عبووودي شاكره لك المجامله

[دلوعةقطوتي]

مجهوول وش دراك انه يصير وانت مو بنت؟هاه؟
هههههه شاكره لك ردك

[دلوعةقطوتي]

اختي مربيه القطط تصدقين ام البرقع ماقد مرت علي نفسي اشوفها عالطبيعه من زمان وانا اسمع عنهم
بس حساافه ولامره شفت
بس تبين الصدق انا احيانا اروح بس علشان اتفرج عالرقص ابداعات عجيبه ووناسه

[محب السنغالي]

هههههههههه ..~| مشكورهـ ..

[الآسطورهـ]

هههههه توني اقراها كامله .. جتني عالإيميل وسفطتها

ودي اشوف هالأشكال واضحك

ثآنكــس ..

S.W.E.D