لخبراء الحمام :اريد حل لهروب الحمام:

[زئيف]

السلام عليكم
انا عندي فرده حمام هربت
وهي انثى من نوع قلاب
ذكرها موجود عندي لاكن حصل معي من فتره نفس المشكله ولكن كان ذكر
ولم يرجع
الانثى هربت اليوم
اريد طريقه او حل حتى لحقها قبل ما تبعد عن المنطقه
فهل ممكن تفيدوني بحل ما
الي اشتريتها منه كان ما يفلت حمامه وايضا بيته بعيد جدا
يعني مستحيل ترجع له وانا سالته احطيات ولم ترجع
فهل هنالك طريقه لترجع الي بها؟؟؟ ارجو منكم الافاده اخواني الكرام

[doos]

خلاص مستحيل ترجع

اولاً : لتفادي هذه المشكله اتبع الخطوات الي اقولك اياها

1 اذا اشتريت الحمام لاتخليه يطير شرطن جناحيه او قصها , الأفضل تشرطنها

2 خلها في حجرتها اسبوعين بالقليل , عشان تتعود على البيت بعدين فكهم


انا كان عندي حمام كل ماابيعه بالسوق ارجع والا هو قدامي طبعاً المسافه بين السوق والبيت بعيده جداً

طبعاً بستخدام هذه الطريقه

شكراً

[الوديع]

السلام عليكم اخوي الحمامة اللي ماتعودت على البيت مثل ماقال اخونا doos مابقول مستحيل
%90 ماترجع الا اذا كانت قريبة من البيت او المنطقة في طريقة و مومضمونة اذا عندك حمام تطيرهم ومتعودين على البيت تطيرهم وقت ماتشوف الحمامة الشارده قريب واحتمال تشوفهم وتنزل وياهم //// اسمحلي على الاطالة وتقبل مروري

[Hilal]

اخي الغاااالي

مثل ما قااالو الاخوااان

اذا شريت حمام جديد ولسه عندك

ترا يعتمد على نوووعية الحمام مثلا عندك

الباكستاني الطيااار & الزااجل

هذي الانواااع مهما كااان السنوااات التي تمت تربيتها

ومن ثم طيرتها راااح ترجع الى مكااان اللى فقسة منه

وافضل حل للمشكله هذي هي احد الامرين

1- انك ما تطيرها ابد ويتم تطيير اولدها

2- ممكن تقدر تخليهم يبيضون ويفروخ مره او مرتين

ثم يتم تطيرهم بشرط انك تفتح لهم الباب وهم اللى يخرجون

مش انت اللى تخليهم يخرجون من مكااانهم خليهم ع رااحتهم

وان شاء الله هذه الطريقة تفيد معاااك

اسف ع الاطااالة وان شاء الله قدرت اوصل لك المعلومه

[محب العقاب]

الله يردهم لك

[زئيف]

اخواني جميعا شكرا جزيلا على ردكم الجميل
ونصائحكم الرائعه الحمدلله بفضل الله قدرت رجعها
لقيتها عند رجل من منطقتنا نازله مع حمامه
والحمدلله حاليا هي راقده على بيض
وشكرا لكم مره اخرى

[حمزة 16]

يا اخ يمكن الدكر والانثى ليس زوجان والدكر يضرب النثى باستمرار وهي ما تحب ترجع اليه وهدي صايرة معي