لكل من نجا بفرخه الافريقي(الغر) من الموت

[lll_o]

السلام عليكم

كيفكم يا احلى اعضاء انشاء الله بخير ••

طبعا الكل عدت عليه فترة الفروخ و انتشارها بالسوق و الكل اشترى طبعا غير بعض

الناس الي مالهم خبرة و خايفين ما يدو الفروخ اهتمامها و انا منهم طبعا

و في ناس شافوها فروخ و اشترو على طول ولا فكر بأي شي
انا حبيت بهاذا الموضوع اتعرف على الي اشترى فرخ و لي الان عايش معاه و هل تربية الفرخ متعبه ولا لا

و ايش وفر له من سبل الراحه هع

كيف الجو كيف الاكل و كل هاذي الاشياء الي تخلي الفرخ مستمر معاك

و بنفس الوقت نتعرف على الي مات عنده فرخ و ايش السبب هل قلت اهتمام

ولا ايش؟؟

و ياريت نسمع من الي اول مره يربو فرخ الافريقي غر و كيف كانت تجربة الامومة ••

الصعبه

[ima_ami]

يا صديقي...انا عندي فرخين عمرهم اقل من شهرين
والله بدهم اهتمام ووقت لازم كل شوي اطعميهم...بركي حدا لازم يساعدك فيهم شوي...
هم متل الاطفال..اكل وتنظيف..وحتى تدليع
بركي المرأه الها دور كبير بالمساعده
لكن التعب بخف لما يبلشوا يعتمدوا الطيور على نفسهم بالأكل

[lll_o]

المشاركة الأصلية كتبت بواسطة ima_ami

يا صديقي...انا عندي فرخين عمرهم اقل من شهرين
والله بدهم اهتمام ووقت لازم كل شوي اطعميهم...بركي حدا لازم يساعدك فيهم شوي...
هم متل الاطفال..اكل وتنظيف..وحتى تدليع
بركي المرأه الها دور كبير بالمساعده
لكن التعب بخف لما يبلشوا يعتمدوا الطيور على نفسهم بالأكل

اكيد رعاية الفروخ جدا متعبه

و انت ماشاء الله عندك 2 هع

الله يديك العافيه

و انا ما خلاني انزل هاذا الموضوع غير انو ممكن اتشجع و اخذ فرخ و غيري كمان ممكن يتشجعو

[عديم]

اخذت فرخ وكانت حالته صعبه

عضمة الصدر بارزة بشكل غير معقول

لكن لاني ما فحصت الطير قبل لاخذه ولان الوقت كان متاخر من الليل وقت الشراء

قدر انه يمرره علي وازيدك ماكان يرضى ياكل الا اني افتح فمه بالقوة

لكن لله الحمد اولا واخير الان الطير بازين حال صحه ونشاط ولله الحمد

وياكل لوحده جميع انواع الاكل ماعنده اي مشكلة

ونسيت اقولك كان يجعر و يعض والان ولله الحمد وبدون اي تدريب

لا يعض ولا يجعر ويصفر ويطقطق وكل شي زين

اما فرق الفرخ عن الطير الكبير

الفرخ ما يبيلة اي تدريب لانه مع الطفل الصغير

يتعلم بسرعة

هذا والله اعلم

[مشاعل الكويت]

متعبه جدا جدا جدا

يعني ما تخليه ربع ساعه بدون ما تشوفه

ولازم تغطيه لا يحوشه اي تيار هوائي ( لا تيار بارد ولا تيار حار )

والا راح ينتقل الى رحمة الله

وانصحك نصيحه اذا ما تعرف لهم لا تاخذ

انا عندي خبره فيهم اكثر اكثر من 17 سنه

وخايفه من اللي عندي

لأن اي غلطه راح يموت الطير

مع مراعات الاكل الصحي والسليم ... تنظيف القفص باليوم مرتيه او ثلاثه

والطير الفرخ لازم تلعب معاه وايد علشان لا يضيق خلقه وتحوشه حاله نفسيه

ولا يجعر عندك مع مرور الايام

يعني سالفته متعبه جدا جدا

وبالاخير اذا تعدت مرحاة الخطر وصارت عيونه لونها رمادي .... هني ما تخاف عليه كثر ما كانت عيونه سوده

يعني الطير يعتمد على روحه بشكل تام وهم بعد لازم تراعيه وتداريه

واي شي تحتاجه راسلني على الخاص وان شاء الله افيدك باللي تبيه كله بأذن الله

شوف الكاسكو اللي عندي سميته عنتر لأنه لونه رمادي غامج وسميته عنتر على لونه

^_^

*********

شاكرة لك تفهمك

قوانين منتديات تو زوو تمنع وضع روابط لمواقع أخرى
الرجاء التقيد بذلك مستقبلاً

حب استطلاع

[nasser1430]

أنا تجربتي مع الأفريقي متعبة جداً جداً جداً ... وتقدر تقول مميته

ولا أزيد على كلام الاخوان بشيء .. لكن تربيته يبيلها أهم عام وهو (( الوقت )) ... لأنك لازم تكون مقابله بشكل منتظم وتكون قادر على إطعامه وتنظيفه وإبعاده عن التيارات الهوائية وخصوصاً الباردة منها .

ولا تنسى تكون عندك خلطة جاهزة تكون من نوعيه معروفه ... أحسن وأرخص من السيريلاك ... وبعد إطعامه طبعاً بالإبره تعطيه 5 مل ماء .. علشان ينزل باقي الاكل اللي في منقاره وحنجرته إلى الحويصلة ومنها يكون جسمه متقبل للماء .

طبعاً الكلام ذا للفروخ اللي أعمارهم 4 شهور ... وفي بداية الشهر الـ 5 .. عطه حب شمسي ومكسرات خفيفة جداً .. وبعض الفواكه والخضروات ... وإنتبه من اللي يضره أو يموته زي ( البقدونس ، الافوكادو ، الحلويات بأشكالها ، والمأكولات الدسمه والمطبوخه بالزيوت والشحوم ... الخ خ خ ، وراح تلقى في المنتدى موضوع عن المأكولات المميته ) ... وبعدكذا راح يعتمد على الحب الشمسي اللي هو غذائه الأساسي والمتوفر في أي وقت وأي شخص يحطه له ، وغيره من المكسرات والاكل بشكل عام .

هذا اللي عندي والله يوفقنا وإيـــــــــــــــاك

[الكوس]

الصراحه انا لي نيه بتربية فرخ اصغر من شهرين لكن انا جديد عهد بالافريقي و قاعد اكتب خبره من الي عندي الحين و ان شاء الله بعد ست او سبع شهور باخذ فرخ

[yasserالكاسر]

والله ناوي على واحد اليومين هذي وان شاء الله تتيسر..

[ابو لمارة]

موضوع جميل و مفيد

[lll_o]

المشاركة الأصلية كتبت بواسطة عديم

اخذت فرخ وكانت حالته صعبه

عضمة الصدر بارزة بشكل غير معقول

لكن لاني ما فحصت الطير قبل لاخذه ولان الوقت كان متاخر من الليل وقت الشراء

قدر انه يمرره علي وازيدك ماكان يرضى ياكل الا اني افتح فمه بالقوة

لكن لله الحمد اولا واخير الان الطير بازين حال صحه ونشاط ولله الحمد

وياكل لوحده جميع انواع الاكل ماعنده اي مشكلة

ونسيت اقولك كان يجعر و يعض والان ولله الحمد وبدون اي تدريب

لا يعض ولا يجعر ويصفر ويطقطق وكل شي زين

اما فرق الفرخ عن الطير الكبير

الفرخ ما يبيلة اي تدريب لانه مع الطفل الصغير

يتعلم بسرعة

هذا والله اعلم

ماشاء الله

و اهم شي لما تجي تشتري تنقي صح

ايه هاذي ميزة الفرخ يولف على طول

تحياتي لك و شاكر لك ردك على الموضوع