بلو اند جولد مكاو

[mshabandar]

اخوان كنت قد وضعت موضوع حول شراء مكاو فقام احد الاخوان بتحذيري من البلو اند جولد مكاو بسبب انه رائحته كريهة و لا تطاق
هل هذا الكلام صحيح

ارجو الافادة

[ابو عبدالله**]

ما ادري بس ان شاء الله يفيدونك الاخوان
بالتوفيق

[Pet Friend]

اخوي انا تكلمت عنه ريحته قويه شوي يعني عندك استعداد تتحمل هي ريحة غابات تتحملها ؟؟

[طير جارح]

المشاركة الأصلية كتبت بواسطة Pet Friend

اخوي انا تكلمت عنه ريحته قويه شوي يعني عندك استعداد تتحمل هي ريحة غابات تتحملها ؟؟

يمكن اخوي انت طيرك ريحته مو زينه مو شرط يصير كل البلو اند جولد ريحته كريهه ..
بالنهاية هو ببغاء مثل باقي الببغاوات

[فيصل1]

نعم جميع انواعه المكاو لها رائحه كريهه نوع ما خاصه اذا كان بغرفه مغلقه

وغير الرائحه لها صوت حاد جدا ومزعج لدرجه انك ماتقدر تتحمله

سبب الصراخ عنده انه طير اجتماعي واذا ماشاف احد عند شغل صفارات الانذار

[mshabandar]

والله يا اخوان اني احترت وياكم
موضوع الصوت مقدور عليه
بس الريحة مخوفتني - لان اني ناوي احطه بالبيت و اخاف ريحته تسوي رائحة البيت مو زينة
بس اني حاط الكاسكو و ما حاس انه فيه ريحة و شفت المكاو بالمحلات و ما كانت الها ريحه و ازيدكم بعد اني انا صديقي عنده 4 سكارليت حاططهم بالصالة و ما شفت بيهم ريحة و لا ماثرين على جو و رائحة البيت


يعني مو معقولة انه السكارليت ما فيه ريحة و البلو اند جولد ريحته كريهة
ارجو ان يزودنا الاخوان باراء اكثر في هذا الموضوع من واقع تجربتهم

[Pet Friend]

المشاركة الأصلية كتبت بواسطة طير جارح

يمكن اخوي انت طيرك ريحته مو زينه مو شرط يصير كل البلو اند جولد ريحته كريهه ..
بالنهاية هو ببغاء مثل باقي الببغاوات

اخوي انا مو قاعد اقول الكلام لاني اكرهه البلو اند جولد او ما افضله بالعكس من اجمل الطيور بالنسبه و من افضلها

الطير حطيته بغرفه مغلقه و شميت الريحه فيه من يوم ما جاه عندي كل الطيور البلو اند جولد الي مرت علينا بالبيت عددهم ثلاث فيهم ريحه معقوله يعني اختيارنا سيئ يمكن انت حاطهم بمكان مفتوح و فيه تهويه


انا طيري الي كان عندي مغلق عليه الغرفه لانه فرخ و صعبه اعرضه للهوى اغلب الوقت ممكن مره باليوم يكون الجو مشمس

للمعلومه حتى اليلوناب فيه ريحه خفيفه اعتقد هل روايح الي تطلع ماهي عزكم الله قذاره او اي شي سيئ ممكن من مدى جودة الطير و انتاجه و نسله الاصلي

بلو ن جولد شوي ريحته قوي هذا رأي بالموضوع

[Pet Friend]

المشاركة الأصلية كتبت بواسطة mshabandar

والله يا اخوان اني احترت وياكم
موضوع الصوت مقدور عليه
بس الريحة مخوفتني - لان اني ناوي احطه بالبيت و اخاف ريحته تسوي رائحة البيت مو زينة
بس اني حاط الكاسكو و ما حاس انه فيه ريحة و شفت المكاو بالمحلات و ما كانت الها ريحه و ازيدكم بعد اني انا صديقي عنده 4 سكارليت حاططهم بالصالة و ما شفت بيهم ريحة و لا ماثرين على جو و رائحة البيت


يعني مو معقولة انه السكارليت ما فيه ريحة و البلو اند جولد ريحته كريهة
ارجو ان يزودنا الاخوان باراء اكثر في هذا الموضوع من واقع تجربتهم

حبيبي ما توصل الريحه لدرجة انها تصرع البيت انا قصدي داخل المكان المغلق فقط يعني ممكن وقت الجو مشمس و دافي تفتح الشباك شوي ربع ساعه علشان التهويه