الشقرا والمسكينه

[علي...]

بسم الله الرحمن الرحيم
اللهم صل على محمد وآل محمد

السلام علكم ورحمة الله وبركاته


هذا الله يسلمكم
قبل تقريبا 3 شهور
نزلت تحت عند الباب
الا اشوف قطوه بيضا من شكلها مبين انها مريضه وكبيره في العمر
وكان شكلها يكسر الخاطر ياا الله
نصف بطنها داخل عند العظام من الجوع

قال لي جاري انه جايبنها اول ما انولدت قبل 20 سنه !!!

رحت سويت لها صدر دجاج
حطيته جنبها واكلته ما هربت ولا شي
وانا مستغرب ماهربت مني لأن ما كانت لي اي علاقه بالقطط ابدا

بعدها بكم يوم رحت اجيب لها حليب
وصرت كل يوم اجيب لها حليب
ومشيت على هالحال شهر
بعدين شفتها صارت ما تتقبل الحليب مثل اول
صرت اجيب دجاج
ومنها صارت تلاحقني وين ما اروح كأني امها


والحين الحمد لله حالها افضل بكثير

وهذي بعض صورها












والله مشكلتها مشكلها
احس كلها امراض
وكل ما تمشي لازم تحك جسمها بالجدار
وكل مره تحك انفها ويطلع منه دم
وساعات تطلع هواء كثير من انفها بصوت كأنه الدخان الي يطلع من القطار
لو تنصحوني شنو اسوي لها
الله يعينها


------------------------------------------------------------


والجزء الثاني من الموضوع


مو انا قلت لكم اني معتني في البيضا
قبل كم اسبوع ما اشوف الا قطوه شقرا مع هذي
ما تفارقها ابد ولما تشوفني تصايح تبي اكل
(شكلها كانت تراقبنا هههه)

المهم هي حلوه كثير
وما تشبه قطاوه الشارع ابد
مبين عليها بنت عز
وصارت معاي اعظم من البيضا تلاحقني وين ما رحت
حلوه وشيطووووونه
ولما رفع الاكل فوق تقوم توقف وتحاول تنزيله من عندي
وساعات تقفز للأكل اذا رفعت فوق كثير

وهذي بعض صورها



















ما ادري شنو مجيبنها لي
رايكم ادخلها البيت




واعتذر على الاطاله

[حبيبه قططي]

أويه اخوي اذا مافي أي اعتراض من اأهلك دخلها البيت بــس البسه التانيه الي انفها مريض لالا زم توديها البيطري وديها البيطري وخله يعالجها وكمان طعمها ضد الأمراض وبعدين حممها ودخلها البيت لأنها وصخه تدخلها البيت على طول ...وماشاء الله عليهم حلوين مرررررره بــس هذين انا خايفه من شكل انفها هههه والله يعينك عليهم

[Mo0oMo0o]

التانيه الشقرا شكلها كأنو اجدادها قطط حلوين وهيا جايه مهجنه على بلدي بس باين إنو مو قطة شوراع خوديها واعتني بيها
بس عيونها لازم تنظيف كويس وفوق انفها كمان ولازم تتحمم بشامبو خاص بالقطط وتمشطي شعرها

ولازم تغذيه كويسه وراح تسمن وتطلع حلوه مره >هادا رأيي .

أما القطه البيضا هادي مصيبتها مصيبه لازم قبل كل شي توديها بيطري يعالج انفها لأنو بجد حالتها مره مره مؤسفه ولازم تتنظف كويس ويبغالها عنايه فائقه لأن حالتها مره صعبه خصوصا الدم اللي ينزل .

كأني شوفت بصوره رقوم 2 دجاج ني ؟؟؟!!!؟
نصيحه لاتعطيهم أي شي ني ولا تونه ولا حليب
ممكن بعد ماتنظيفهم وتدخليهم البيت تبدأي تأكليهم دراي فود ودجاج وبطاطس > دا لو أكلو حلو لصحتهم ..

[kit_kat]

مثل ماقالوا الخبراء احسن حل لازم تكشف عليها
وتعالجها ولك اجر
لك كل الود

[sisi_moon]

مررحبـــا أخوي

قال لي جاري انه جايبنها اول ما انولدت قبل 20 سنه !!!

مسسستحيل .. لو عمرها 20 كان شكلها صار غير عن كــذا خصوصا بجسسمها

القطط لما تكبر في العمــرر وتوصل لمرحله الشيخوخه .. توضح عليها آثار الكبر وخصوصا التسفطات بالجســـم وتوضح كثير كثير لو كانت القطوه شعرها قصـــيير ..

____

القطـوه الأولى مسسسكينه حالتها صعبه .. ربي يرحم حـــالها

باين انها تعاني من أمراض .. والواضح بالصـــوور أذنهـــاا وخروج الدم من أنفهـــا .. و غير الأشياء الي مو طالعه بالصوور

ياليت اخوي مدام إنك راحمهــا تاخذها عالبيطــري , مراح تخسسـر شي بالعكس بتكسب أجر من رب العــالمين

لان حالتها تحـتــــاج بيطري .. ويبي لها عنـــــــــــــآيه من نظافه وتغذيه وعلاجات

وشنو حاط لها أكل بالصووره الأولى ..؟

وبالصوره الثــانيه ’ جد زي ماقــالت مومو حاط لها دجاج نيء , اخـوي الأكل النيء ضــــــــــــــــار بالقطط كثير كثيررر .. وراح يجلب لها أمراض أكثر من الي فيها

ومن طبيــعه سلوكيات القطط التمسح بالجدران , الأثاث , صـاحبهم .. عشان يحطون عليهم ريحتهم الخــاصه وهذ يعتــبر من حب التملـك للقــطط

أما الثـانيه لا الحمدلله باين ان صحتها نوعا ما كوووويسه .. بس يبي لها نظافه وتغذيه وتطلع تمـــآم

بس انت شيك على إذنها لو فيها أشياء سووده كثيررره أو لا .. وفتش بشعرها لو فيه فراغات أو لا بعد ماتحممها طبعــا .. وبعد باطن أقدامهــا لو سليمين تمــام ولا لا , ويفضــل لو توديها ويا الثـانيه للبيطري عشان يفحصصهم تمـــام ولو ماتعرف تحممهم هو يحممهم لك

وطبعا فيك تحتفظ فيهــم بس طبعا بعد مششوار البيطري أسلم لك ولهــم

وبالتوفيــق أخــوي .. طمنا عنــهم