الكاسكو دايم يبي ينام

[مطلوب أفريقي]

السلام عليكم

يا اخوان انا عندي الكاسكو حقي ( كوكو ) طبعا بحكم انه اول ببغاء لي حبيت استفسر اذا هذا شي طبيعي او لا بس ..

انا عندي الكاسكو من شريته وهو مايجعر اصلا لكن مو أليف ..

اذا طلعته ع الشمس يحاول يطلع بأي وسيله ويتقلب ويحوس ..

المشكله في انه طول الوقت يغمض عيونه كذا يبي ينام .. لدرجة اني اليوم خليته من امس ولا فتحت عليه لا نور ولا شي تقريبا24 ساعة بس اسمع منه الصوت الي يطلعه بمنقاره مادري اش فيه مره كثير ومزعج هالصوت ..

طبعا هو عندي تقريبا اسبوعين وللحين مافي تقدم الا انه ماصار يخاف مني مثل اول ..

انا شريت له قفص جديد وكبير صار يجلس على العصاة الي فوق والاكل تحت ولا شفته ينزل له ابد يمكن مايعرف ولا ايش ..!؟

وبرازه مادري احسه قليل عن اول يعني باليوم ما يتبرز الا مره وحده ويكون كثير مره وحده ..!

هذا شي طبيعي ولا فيه مرض

وانا اكثر شي خوفني عيونه يصير يغمضها وبس وكل ما اصدرت حركة يصحى باسرع وقت ويخاف

وابي نصايحكم انا البيت دورين وكبير لكن متحرك يعني اهلي وخواني واولادهم كلهم يجون وازعاج طول اليوم حتى بالليل يصحون ناس يذاكرون بالليل وناس يذاكرون بالصباح << حسيت انهم 100 واحد ترى كلهم 10 انفار مع اولاد اخواني ههههه

المهم وين احطه مع العلم انه مافي مكان هادي ..

هل ممكن يتعود على الازعاج ويصير ينام فيه؟

وكيف اعلمه على التصفير؟

شكرا لكم اتمنى اجابة شافية من الاخوان

[PrEsIdEnT]

السلام عليكم

وعليكم السلام هلا صقيقي

انا عندي الكاسكو من شريته وهو مايجعر اصلا لكن مو أليف ..

ممتاز بس اذا قربت منه يجعر لانه يخاف منك مايدري وش راح تسوي فيه

اذا طلعته ع الشمس يحاول يطلع بأي وسيله ويتقلب ويحوس ..


هذا اسمه نشيط يصير يدور بالقفص مستانس واذا خليته شوي راح يصفر .

المشكله في انه طول الوقت يغمض عيونه كذا يبي ينام .. لدرجة اني اليوم خليته من امس ولا فتحت عليه لا نور ولا شي تقريبا24 ساعة بس اسمع منه الصوت الي يطلعه بمنقاره مادري اش فيه مره كثير ومزعج هالصوت ..

نفس الي عندي يدري انك اذا شفته في هالحاله بتطفي النور وتبعد عنه عشان كذا يسوي هالشي
اما صوت المنقار طبيعي يبرد منقاره على كلام الشباب وناس تقول هذي علامه عن قرب بدايه كلامه



طبعا هو عندي تقريبا اسبوعين وللحين مافي تقدم الا انه ماصار يخاف مني مثل اول ..

هذا بحد ذاته انه ما يخاف منك تطور كويس خاصه انه انت الي تاكله وتشربه وتروشه وتنظف قفصه عشان كذا يقولونك اول ما تجيبه لا يعطيه اكل وماء الا انت

انا شريت له قفص جديد وكبير صار يجلس على العصاة الي فوق والاكل تحت ولا شفته ينزل له ابد يمكن مايعرف ولا ايش ..!؟


الطير خجول مستحيل ياكل قدامك واذا نزل ياكل تحصله ياكل الي يسد جوعه بعدين يطلع ثانيه بس مع الوقت راح يتعود ويصير ياكل قدامك مثل ويلي

وبرازه مادري احسه قليل عن اول يعني باليوم ما يتبرز الا مره وحده ويكون كثير مره وحده ..!
هذا شي طبيعي ولا فيه مرض


ان شاء الله انه طبيعي لانه ما ياكل كثير على كلامك


وانا اكثر شي خوفني عيونه يصير يغمضها وبس وكل ما اصدرت حركة يصحى باسرع وقت ويخاف

يمكن من التعب انا عندي يسوي نفس الحركه عشان اغطيه ويجلس ياكل خخخخخخخخخخخ
ان شاء الله مافي الا العافيه بس يبي ينام بس خايف تسوي له شي مع الوقت يتعود



وابي نصايحكم انا البيت دورين وكبير لكن متحرك يعني اهلي وخواني واولادهم كلهم يجون وازعاج طول اليوم حتى بالليل يصحون ناس يذاكرون بالليل وناس يذاكرون بالصباح << حسيت انهم 100 واحد ترى كلهم 10 انفار مع اولاد اخواني ههههه
المهم وين احطه مع العلم انه مافي مكان هادي ..


شوف احسن الاماكن بالبيت الصاله وتحت الدرج وفي الممرات لانه تكون بارده ومافيها خطر تكييف بحيث انه يمرض منه عاد انت اختار واذا ازعاج على قولتك وما تقدر تقفل اللمبات حط عليه قطعه قماش خفيفه من جهت ااالناس الي تمر .


هل ممكن يتعود على الازعاج ويصير ينام فيه؟


اذا كان خفيف مثل السواليف طيري ينام وحنا نسولف


وكيف اعلمه على التصفير؟

اذا طلعته الصباح بدري الحوش يبي يصفر ان شاء الله وبدا قرب له شوي شوي وصفر له ويصير يتعلم مع الوقت

شكرا لكم اتمنى اجابة شافية من الاخوان

ان شاء الله اكون اجبتك اجابه شافيه ياصقيقي

[زياد محمد]

اخوي من نآحية صَوت منقآره عآدية ياخوي
هو كذ1 متعود الببغاء مايوقف اذا انه مرتبك او شي ..وبالنسَبة للنعآس
آحتمال آنه كبير سٌن ؟لوتنزل لنا صَورة آفضٌل
او وده للبيَطري يمكن يبُله فيتمينآت ولا شي وبالتوووفيق

[زينه ونحول]

ياااااااااااااااااااا سبحـــــان الله ... نفس مشاكل ببغاني ونفس كللللللللللل شي ...

تخيل انا ببغاني لوووووووو ايش ماينام ... مره تعبت عليه انا احاول انيم فيه ... اغطيه بقطعة قماش ويصرررخ يصرررخ ومايناااام نهاااااائيا ويجلس تحت بالقفص ويرتجف وكل شي ......

وماينام الا بالدولاب اللي تحت التلفزيون خخخخخ

صرت كل يوم احطه تحت التلفزيون عشان ينام ..

وبالنسبه للتصفير انا اطلع ببغاني السطوح واخليه يتفرج على الطيور ويصفر وبلعب من الفرح ...

وايش كمان ... امممم للحين بعد ماولف علي ..


ونفس الشي ... مالقيت له مكان يناسبه باليبت ..

لو حطيته بالدرج الاقيه جالس تحت ويلهث ويرتجف من الخوف ..

لو حطيته بالصاله مانام .. وجلس طول اليوم خايف بس انو يطلع فوق العصايه ..

لو حطيته بغرفتي بيتجمد برد وبيطفش لأني طول يومي نوم واكل ونت خخخ ..

فاأبداً مالقيت له مكان مناسب ..

وتخيلوا كل يوم الساعه سبعه اوديه غرفة التلفزيون واخليه ينام هناك لأنو ماينام غير هناك الله يهديه

[مطلوب أفريقي]

يعطيكم العافية اخواني ..

الطير عمره 9 او 10 شهور وانا اعرف الاعمار وأعلف للفيتامينات وشاري له اشياء كثير وألعاب .. وأعرف اعتني فيه بس بالنسبة لاني اول مره اشتري .. خايف يكون مرض او شي عشان كذا أسأل ..

اختي نحوله هههههههههههه

نفسي ببغائي اول ماشريته بالضبط خواف بقوة بعد ..

لكن يوم ما شريته الي باعه لي دخل يده عليه ومسك منقاره وحط ايده هناك ما سوا له شي ابد

يعني تتوقعون انه ما يعض اصلا ؟؟

لاني اصلا خايف انه يعضني

وبالنسبة ابشركم اليوم وقف على رجل وحده وانا اكتب الرد وشكله مرتاح مره اليوم

وابشركم هو ياكل من يدي لما اعطيه الأكل ولما اعطيه حبة الفول السوداني يمسكها برجله قدامي ويقشرها بس الخبل يرمي الي داخلها وياكل القشر هههههههههههه

شكله متخلف عقلياً ..

لي تقريبا اسبوع وكم يوم اسمعه صوت القطوة من الجوال ولا فيه امل يقلد هههههههههه

الله يستر باطلعه الحين يشوف الطيور برى عسى ينفع ^_^

[ملسون]

مسألة غمض العينين والنوم الكثير.. ومسألة صوت المنقار
هذا امر طبيعي بالنسبة لطير صغير.
مثل الطفل يحتاج لعدد ساعات نوم اكثر من الكبير
ولا تعيرين النوم اهتمام كبير.. مسألة وقت وتقل ساعات نومه.. ولكن اغلقي عليه النور في وقت مبكر.
وسيعتاد غدا على الازعاج.. بل بالعكس هو بحاجة لان يشعر بالناس حوله..
ومن الافضل ان يكون في بيئة مليئة بالحركة
اما على مسألة قلة البراز.. فتعودي ان تعطيه خضار في النهار وخاصة الخس والفواكة مثل التفاح
في النهار فقط. وستجدين ان البراز يكثر معه.. ولا تعوديه فقط على اكل البذور.

كل الاسئلة التي تدور في بالك الان كانت معي في بداية شرائي للبغائي الصغير
ولا تقلقي..

والنسبة للتصفير.. اذا اعتاد على المنزل سيزعجكم بتصفيره خاصة في الصباح..
واعنك الله من ازعاجة..
تربية الكاسكو ممتعة.. وبالتوفيق

[مطلوب أفريقي]

اما على مسألة قلة البراز.. فتعودي ان تعطيه خضار في النهار وخاصة الخس والفواكة مثل التفاح

ما ياكل شي غير الحب بسسس مادري كيف مابي اجوعه هالايام لانه جديد ابي اخليه أليف اول شرايكم؟

والله يعطيك العافية اخوي ريحتني

[ملسون]

انا معاك في الرأي
اعطية الي يبغاه في البداية الى ان يولف على المكان
بعد كذا حاول تنوع له في الأكل. وانا بديت معاه في الاشياء الثقيلة في الاكل
مثلا.. المنطقة البيضاء في الخس وهي قوية، اقوى من الورق، واقوم بتقطيعة بنفس حجم الفص
والتفاح وتقطيعة بنفس الحجم ايضا,, على بقاء القشر، ولاحظت انه يأكله بنفس طريقة البذور
وبعد كذا بديت انوع له في الاكل،، وما امل من اطعامه حتى لو رفض.. فمع المحاولات والتجويع
يبدأ بقبول الوجبة الجديدة..
هذه تجربتي مع طيري الصغير..

[مطلوب أفريقي]

يعطيك العافية والله فكرة باجرب اسويها ^_^

والمشكله يا اخوان صار مره نحيف حتى عظم صدره طالع ..!

تتوقعون لانه ماياكل كثير ولا فيه دود ...!؟

[ضياء القمر]

حتى انا ببغائي يغمض عيونه كثير ولما اوديه مكان هادي ينام فيه ماينام يصحى ويتنشط
ولما اعطيه الفول السوداني ياكل القشر ويرمي الفول السوداني شكلهم كلهم متخلفين هههههههههه