خاص ابومحمد ...صوغه ... بندولة حب ولا يهونون الباقين

[عاشق الكاسيكو111]

السلام عليكم ورحمة الله وبركاته

كيفم شباب & بنات

انا ابي اربي طيور وامنيتي اربي طير

بس ابي اسال وش اسهل في التدريب ووش احسن الغيني اوالدره عشان ابي اتعود على
تربية الطيور ووش اسرع شئ من هذا الطيرين تدري بالدره او الغيني وعشان انا محتار وش احسن الدره او الغيني وعشان كذا ابي استفسر الاعضا الخبيرين في تربيت الطيور وهم

ابو محمد , وصوغه ,بندولة حب ولا يهونون البايقن من الاعضا مثل بايع, سكر, الكناري وبس,

حبي كاسيكو ,والخ.......

[أبو شنب]

اخي الكريم
تربي اي طير يكون سهل بس فيه كم ملاحظه تسويها قبل الشراء :
1_ شراء طائر سلييييييييييم ليس فيه ولا مرض .
2_ سن الطائر : يستحسن ان يكون بـ عمر 7 شهور لانه ليس بالصغير والحساس وليس بالكبير الصعب تدريبه .
3_ توفر الوقت الكافي لديك والمكان المناسب
بعد الشراء :
1_الطعام المنوع ( حبوب , بيض , فواكه , خضار , الخ )
2_العنايه به كــ الترويش , ابعاده عن الهاويات ( الاماكن المرتفعه ) , ابعاده عن كل الاخطار كــ الاسلاك الكهربائيه .
3_ حين جلب الطائر الى البيت خله في مكان مرتفع بعيد عن ايدي الاطفال لمده لا تقل عن 3 ايام (للتعود على المكان) وبعدها ابدأ بالتدريب .

ملاحظات :
_ الجلوس مع الطائر والتكلم معه ( كنه خويك ) لمده لا تقل عن 10 دقائق ويستحسن لو بشكل يومي .

وانا شخصيا بدات ب ببغاء رمادي (الكاسكو ) بسن سنه و2 شهر تقريبا والله يا جتني عضات كلى كيفك ههههه,.
عشان كذا انصحك بالدره والاهم الشكل والريش والسن زي ماهو موضح لاني دربتها والله تعجبك
ترشيحي (((الدره)))..
على فكره اذا كان فيه اي اخطاء او اضافات فارجو من الاعضاء المبجلين النصيحه فــ الانسان خطااء

تحياتي

[الكراوان]

وعليكم السلام
شوف اذا تبي نصيحتي خذ غيني فرخ احس انه احسن من الدره لن الدره عنيده جدا
وهاذي وجهت نظري

[FrEe LeGeNd]

بس ابي اسال وش اسهل في التدريب ووش احسن الغيني اوالدره عشان ابي اتعود على

الدره+الغيني

كلهم عنيدات بس كل ما اخذت عمر صغير كل ما سهل عليك تدريبهم

تربية الطيور ووش اسرع شئ من هذا الطيرين تدري بالدره او الغيني وعشان انا محتار وش احسن الدره او الغيني وعشان كذا ابي استفسر الاعضا الخبيرين في تربيت الطيور وهم

نفس بعضهم في التدريب
بس اذا تبي تشتري احد منهم
يعني تقتنيه انصحك في
الغيني افضل مواصفات من الدره
لمقدرتها على الكلام +ذكائها
واذا صارت اليفه تصير جريئه جدا
والغيني سبحان الله يوفي لصاحبه ويحس فيه اذا هو معصب ولا زعلان ولا مبسوط
الدره مزاجيه اول ما تشوف الشباك مفتوح تنحاش
مهما تسوي فيها ههههههه

[راينو]

انا ياخوي من واقع تجربة مع الدره
مثل ما قالو الاخوان الدره عنيده و مزاجيه
بالنسبة للغيني
انا قريت و بحثت
عرفت انه عنيد بعد و ما يتعلم بسهولة
شوف
عندك ميزانية تكفي خذلك كاسكو صغير بالعمر
و اذا ما كان عندك انا انصحك بالغيني
لانه اقرب شي للكاسكو
و مقدرة على الكلام تعادل مقدرة الكاسكو على الكلام
بس اللي يفرقه عن الكاسكو انه عنيد
انت اذا بغيت تدرب يبي لك طولة بال و صبر
و انت مقرر بين الاثنين خذ الغيني احسن لك
و يا ليت اني اكون افدتك لو بالقليل

[الاقحواني]

كوكاتو احسن لك ...الكاسكو قفل

[بندولة حب]

ياهلا بأخوي الغالي

تبي الاسهل والاحلى باالشكل ومتعاون معك

ولافيه عناد ومناعته بعد الله قويه من الامراض

عندك الدره وانا دايمن انصح الاخوان المبتدئين باالدره

لأن مناعتها سبحان الله جدا قويه

وغير كذا هذا موسم انتاجها باالسوق

خذاك فرخ مومفطوه وهذا اهم شي ولو تحاول يكون ذكر والذكر تعرفه من هدوء حركته مو زي الأنثى حركتها سريعه وتخاف مره

وابتدي مشوارك مع الفرخ وربي مراح تنسى هذي التجربه ابد ابد

خص مع الدره وشطانتها

اما الغيني بطبيعته العناد عنيد جدا حتى لو هو اليف مراح تتصرف معه ع كيفك ابد

ومدري عن مناعته هي قويه او لاء

وابتدي بدره صحته طيبه ورخيصه وانت اذا من الشرقيه اسعاركم هناك بلاش

اجزم وانا اختك

بس استخير صلي لك ركعتين قبل كل شي وربي يسهلك

وموفق يارب

وبشرني عن اخبارك اول بأول اذا حصلت شي عن طريق الخاص لأني تحمست معك

[ابو محمــد]

وعليكم السلام ورحمة اللة وبركاتة ,,

طبعا الدره جاوبت بندولة جواب كافي ,,

اما عني اقول الغيني افضل اذا كان عمره اقل من 7 شهور من جميع النواحي ولا يقارن بالدره ,,

الغيني ذكي جدا ونطقه اوضح من الكاسكو ومناعته قويه وسعره مناسب واذا حبك راح يعجبك كثير,,

وفي النهايه الخيار لك.

[بندولة حب]

اخوي لوعندي جهاز جوال واضح تصويره كان راويتكالدره اللي عندي ووشلون تتعلق بصاحبها وقدرتها ع الكلام ماشاء الله

بس للاسف تصويره زفت

بس بنزلك من اليوتيوب

وقبل كل شي استخير شوري عليك استخير

http://www.youtube.com/watch?v=uYgC1bN02MI

http://www.youtube.com/watch?v=cen6Sgj0kNo

[ابو محمــد]

بالتوفيق