اشترك في نشرتنا البريدية ليصلك كل جديد

ابوعيدالدوسري · 12-10-2006, 08:58 AM

السلام عليكم
كيفكم يالربع
تدرون والله انها مشكله انك تبي تشتري شي من النت وخايف لايعطونك اشكل !!!!

تدفع وتحسب ان الكلب راح يجيك بعدين مايجيك ولا شي !!

المهم موضوعي عن اني انا ابي اشتري كلب من نوع بت بل من خارج الدولة اللي انا فيها .
فما اعرف كيف والطريقه

يمكن الشباب عندهم خبره كيف اشتري واي موقع موثوق وامن واكيد ان الكلب راح يجي اذا دفعت

المهم تدرون ياشباب اللي يعرف الطريقه يفيدنا جزاه الله خير
طيب ولا اللي عنده كلاب للبيع او معرض كلاب ويبينا نشوف كلابه يقول لنا واحنا ماراح نقصر

واحتري الرد منكم يالربع

بوعزوز · 12-10-2006, 10:23 AM

اخوي الطريقه تخيف قليلا يعني مثلا مثلي انا اشتريت كلاب من الخارج وأول مره كانت سالفه تخرع بس انا سويت شغله عشان اضمن حقي وحقه وهي اني اتصلت بالشخص الي بطلب منه الكلب واتناقش معاه على السعر والشحن وفيديوات الأب والأم وانا لا يهمني شكل الجرو من ناحية الجيرمن شبرد فقط الذي اريده منه هو ان يجري امتحان من بين الجراوه ويرسل الشريط لي وطبعا هذا له حساب ثاني غير هذا الذي يعربن بالأول هو الذي يختار بالأول هذي طرقهم بالخارج وغير هذا الشيئ الذي سوف يخيفك انك سوف ترسل كل المبلغ يعني كم سعر الكلب ب1000 دينار سوف ترسله كله ويوصلك الكلب ولكن يجب عليك ان تثق بالمدرب ويكون مدرب مشهور يستحسن ويكون صاحب سمعه جيده بين المدربين بالخارج يعني انا شخص اقولها لك شريت كلب في احد المرات بسعر كبير مافوق ال1000 دينار كويتي والله لا شفت ابوه ولا امه ولا شفت الكلب ولكن مشيت على الثقه بهذا الرجل والحمدالله شيئ طيب كان ولكن نصيحه يجب عليك ان تشتري من شخص موثوق منه واذا تعرف ناس في الخارج مهما كانو بره ليس بعمل بالكلاب ولا هم بهواه للكلاب فقط قول لهم ان يذهبو ويشاهدون تدريبه ومعاملته مع الناس كيف .
وانشاءلله قدرت افيدك.
وشكراا

AMEGO · 12-10-2006, 10:30 AM

انا ما اثق بالشركات اللي تعرض بالنت
الا اروح واشوف بعيني
واذا لك خاطر ترى بالكويت وايد ناس تربي بتبول وعندهم شغلات على مستوى
وعلى ما قالو كلمن ينام علجنب اللي يريحه
تحياتي للجميع

ابوعيدالدوسري · 12-10-2006, 10:36 AM

ماقصرتو يالربع والله ياليتني بالكويت عشان اشتري من الكويت
انا حاليا في امريكا وراجع للسعوديه
ههههههههه
يعني حوسه والله كنت بشتري من امريكا يافيه كلاب على مستوى ماتتخيلونه واسعار رخيصه جدا
بس زي ماقلت لكم ما وثقت في اي موقع
وانشالله نشوف الكويت ونلقى شي حلو
مشكورين ماقصرتو يالربع