مشكله محيرتني ,, ارجو المساعده

[parrots garden]

السلام عليكم

في البداية احب اهنئكم بقرب عيد الفطر المبارك
اعاده الله عليكم وعلينا

المشكله احبائي هي :

ان لي قريب يحب تربية الطيور وخصوصا الببغاوات من لما كان صغير بس عيبه انه عصبي شوي >>> الا بزياده
من فترة اخذ كاسكو كان حوالي عمره في حدود السنة او السنة وشوي حسب ما اظن بس متأكد انه كان اكبر من سنه ,,, يخاف ويجعر وبعده مو متعود
وفي خلال اول اسبوع كان يغير له الاكل ويحاول التقرب اليه بلطف ,, يعني كان الوضع طبيعي
بس المشكله ان في الاسبوع الثاني وللاسف وهو يداعبه مادري بالضبط وش صار وعصب منه واجد
وضربه بعنف <<< حسب ما ينقل لي
والمشكله انه في نفس اليوم قص ريشه
بس يقول انه ندم وكان طول اليوم مضايق ناقص بس يبكي هههه

ومنها اكييييد بدا الطير يتغير حتى لما شفته كان تعبان شوي وبرازه غير ,,,, بس الحين الحمدلله سلييم وعين الله عليه

لكن قريبي يسألني وخصوصا ان لي شويه خبره انه هل يقدر يخليه يألف من جديد
مع العلم انه الحين صار له فوق الخمسه شهور معاهم ويقول الف على كل الموجودين بالبيت
الا هو ,,, صاحبه,, يقول انه لما يمر جنبه يخاف ويبدي يجعر مع انه ما يسويها لأحد ثاني
يعني صار يخاف منه اكثر من قبل
بس اللي محيرني انه عادي ياكل من ايده خصوصا ادا كان جوعان بس ياكل وهو خايف طبعا
وبالبيت عادي يصفر ويلعب حتى لو كان صاحبه موجود بس ادا حس بتحرك منه يركد شوي

وحسب ما ينقل لي يقول ساعات يطلع معاه ويحاول يكلمه ويلاعبه ويحس ان فيه تغير يعني لو يستمر حوالي اسبوع ممكن تتغير نفسية الطائر معه بالرغم انه لازال اذا عصب منه يضربه لكن على خفيف مثل على منقاره وللاسف احيانا يصرخ عليه او يخوفه

وهو يسألني الحين بعد ما حكي لي القصه هل يقدر على ترويضه واعادة الثقه بينهم مع العلم انه المشكله صارت ثاني اسبوع بس من اخذ الطائر يعني حتى ما تعود عليه ولا عرفه بعد
سافر قريبي شهر ورجع لكن لا زال الطائر متذكر كل لحظة سيئة
والطائر الحين اكييد ماخذ فكرة سيئة جدا جدا عنه وانا صراحة احترت وش اقوله لأن الطائر الحين على ابواب السنتين عمره
بس في اعتقادي انا انه تستطيع ترويضه لو ويش ماحصل بس اللي تحتاجه الصبر والاستمرار ,,, ممكن اكون خاطئ مادري

فما الحل اخواني ؟؟؟؟ وانا واثق ان عندكم الجواب ان شالله

سلوكيات ملاحظة من الطائر قد تساعد في الحل :
قضم انية الاكل الى ان قضم نصفها ممكن
محاولة الفرار من القفص اكثر من مره

واسف على الاطالة وكل الشكر كل الشكر لكم احبائي
وشكرا

[رامي11]

ان ببغاء الكاسكو ببغاء ذكي وهو لا ينسى بسرعة ولكن طالما قريبك يعامله بلطف فلابد في النهاية ان تعود الثقة و ذلك لأن الببغاء صغير و مازال قادراً على الانسجام مع صاحبه

[محمد الجيلاني]

انا من رايي انه هذا الاخ قريبك عنده شويه عصبيه انا فهمت من كلامك لكن في الواقع انه هذا الطائر في النهايه مخلوق من مخلوقات الله عز وجل ولا يجوز له ان يضرب الطائر لانه حرام الا يكفي انه اسير لدى البشر فبالتالي انا من رايي انه اذا اراد ان يلعب مع الطائر ان يكون صبورا نوعا ما لان من طبيعه الطائر انه عنيد جدا ويحتاج كثير من الصبر الذي لا يتحلى به قريبك وان الطائر قد حفظ شكله ولن ينساه بسهوله ابدا لان الطائر يمتلك ذاكره قويه جدا ومن الافضل له ان يقوم بتغيير الطائر ان امكن دون تردد ويتعامل مع الاخر بلطف ورويه و ان لا ينسى ان الله يراقبه وهو مسؤول امام الله عنه وقل له ان يتقي الله فيما سخره الله لنا من الدواب في الارض