للخبراء فقط سؤال عن التوالف والتزاوج .

[Cute MeDo]

بسم الله الرحمن الرحيم
السلام عليكم ورحمة الله وبركاته

أخواني انا سبق واشتريت لأخوي كروان عمره شهر ونصف وهو أليف والحمدلله الى الآن معنا ولكن انا الآن ابي اسئل عن التزاوج والتوالف بمعنى انا ابي اشتري جوز جآهز للتزاوج ولكنه ايضا أليف ومع قفص انتاج طبعا . المهم طلبت صاحب محل وقالي : بالنسبه للأزواج الموجوده هي للانتاج فقط وليست اليفه
عموما بالنسبه للكروان الخاص بالانتاج يفضل ان يكون غير اليف لأنه عندما يوضع الزوج الاليف في قفص التزاوج يبدأيرجع لفطرته السابقه وهي عدم الولف
لذلك لا انصحك باخذ زوج اليف لأن سعره يكون غالي وبالتالي سوف يرجع غير اليف اذا وضعته في قفص الانتاج.

وانا ابي اتئكد من هذي المعلومة . هل هي فعلن صحيحة ؟ وبارك الله فيكم .

[كوكاتيله]

وعليكم السلام ورحمة الله وبركاته

أخوي أني بقول لك من تجربتي

فأني أول ما بديت أربي الكروان أخدت لي واحد

وقمت أحاول أروضه وصار أليف معي وما يعض

وبعدين شريت له أنثى وتزاوج معها وجابوا فروخ

ولكنه ما زال أليف معي وإذا فتحت القفص عشان أحط لهم الأكل

يطلع ويوقف على القفص ينتظر الأكل

وعادي يوقف على كتفي يعني ما تغير علي أبد

وحتى إنه يأكل أولاده وهو على رجلي

وهذا فيديو له وهو يأكل بنته على رجلي

http://www.youtube.com/watch?v=fPm1tuTSzkM

والحين واحد من أولاده في مرحلة التزواج

ومن يشوفني أو يسمع صوتي يترك البيض و يجي لي

يعني الطيور إذا تدربت فلن تنسى أصحابها حتى لو تزاوجت

وبالتوفيق

[Cute MeDo]

الأخت "كوكاتيله"

بارك الله فيكي كفيتي ووفيتي . في ميزان حسناتك

والكوكاتيل تبعك مرة روعة الصلاة على النبي

والف شكر لكٍ على مساعدتي . الله يوفقكٍ .