الايقوانا قلبت علي

[راكان!]

السلام عليكم ورحمة الله وبركاته











بصراحه اول اسبوع شريتها كان وش زينها وحليلها

الحين قلبت علي بشكل عنيف

مجرد ادخل يدي بالحوض تبدا تهرب بقوة وتضرب بذيلها

واليوم حاولت تعضني

انا ماعندي مشكله امسكها اطلعها وتسكت

لكن ليه تسوي كذا اذا جيت امسكها واطلعها من الحوض؟

او اذا جيت اخذها من الشجره

السؤال الثاني انا احترت بصراحه

من بعد المغرب هي تنام واقوم اقفل النور عنها ((اللمبه الحراريه))

لكن الجو والله بدا يبرد وانا المس الحوض من داخل اشوفه بارد اذا قفلت اللمبه

وش الحل بليييز

عادي اترك النور مفتوح ؟

وعادي اترك لمبه الفلورسنت مع الحراريه مشغلين مع بعض؟

برد الرياض والله مايرحم وانا خايف على ايقوانتي

وربي يحفظكم ويخليكم ياللي بتفيدوني وتجاوبوني

[|| PyTHoN ||]

زين في لمبات الليليه الحراريه اذا موجودين اخذ وحده

ان مافي حاولت تدفي الحوض بأي شي مثلاً دفاية غرفه عاديه
و خلها عند الحوض

او تحط هيت روك قريب من المكان الي اهي تنام فيه

بس ما انصح صراحةً بالهيت روك ^^

.
.

[مهووس الحيوانات]

بس ليش ماتنصح بالهيت روك ؟ انا اشوف ان كويس اتمنى تفيدنا لو عندك سبب يا بايثون

و بالنسبة للدفاية العادية لاتقربها من الحوض او القفص ممكن تسبب حروق للاغوانا ، لأنها مع الوقت تزيد حرارتها ، انت بس حطها معها في نفس الغرفة و صك الباب و الغرفة بتصير دافية

و تأكد ان الاغوانا مو مجروحة أو شي ، و تأكد انه ماحد يمسكها الا باذنك

لأنه ممكن احد جا و آذاها وسببلها هالوحشية ، او انها جرحت نفسها و انت ما لاحظت هالجرح

[راكان!]

المشاركة الأصلية كتبت بواسطة || PyTHoN ||

زين في لمبات الليليه الحراريه اذا موجودين اخذ وحده

ان مافي حاولت تدفي الحوض بأي شي مثلاً دفاية غرفه عاديه
و خلها عند الحوض

او تحط هيت روك قريب من المكان الي اهي تنام فيه

بس ما انصح صراحةً بالهيت روك ^^

.
.

هلا بالغالي بايثون

المشكله محتار وربي

لمبات حرارية ليله ما اتوقع احصل لاني لفيت المحلات الكهرباء واللمبات نوع واحد باختلاف القوة

بالواط يعني 25 و 60 الخ

عموما ربي يعين

وتسلم ياغالي على المرور العطر

تحياتي

المشاركة الأصلية كتبت بواسطة مهووس الحيوانات

بس ليش ماتنصح بالهيت روك ؟ انا اشوف ان كويس اتمنى تفيدنا لو عندك سبب يا بايثون

و بالنسبة للدفاية العادية لاتقربها من الحوض او القفص ممكن تسبب حروق للاغوانا ، لأنها مع الوقت تزيد حرارتها ، انت بس حطها معها في نفس الغرفة و صك الباب و الغرفة بتصير دافية

و تأكد ان الاغوانا مو مجروحة أو شي ، و تأكد انه ماحد يمسكها الا باذنك

لأنه ممكن احد جا و آذاها وسببلها هالوحشية ، او انها جرحت نفسها و انت ما لاحظت هالجرح

هلا ومرحبا مهووس حيوانات

ههههه المشكله حطيتها بالصاله صعب احطها بغرفتي لانو ارضية الحوض تراب زراعي ابيض ومع

رش الموية ريحة تراب تصير الغرفه خخخخ وانا ماحب افتح الشباك الا بالصباح فقط...

التهوية بالصاله جدا مناسبه ومناسبه لحجم الحوض

النقطه الثانيه انا تفحصتها كويس لقيت اثار تقشير بمفاصلها وامام فمها

وماحد يمسكها غيري الحمدلله

لكن والله توحشت بشكل ضيق صدري

اخوي مهووس اشكرك على مرورك العطر ونصايحك الطيبه

وتحياتي لك

[|| PyTHoN ||]

السبب اني ما انصح بالهيت روك مو سبب واحد !
أكثر من سبب و للأسف لحد الحين مضطر أستخدمهم
عموماً قريباً بطلب من بره لمبات و هالسوالف و أشيل
كل هيت روك بالغرفه و أحذفه بره

أول شي انت لو بتقرى عليه يحطونلك انه اللمت يكون 29ْ
لكن حط الترمومتر عليه بتلاقيه 20 بعد يومين تلاقيه 27
بعدها 30 و مرات 36 !

الحراره تزيد بشكل غريب و تنقص بشكل أغرب ؟!

ثاني شي الكهربا @@

أكثر من هيت روك أخترب عندي بسبب الكهربا ، تخيلو أمسك
وحده من الحيايه أنا أتكهرب ؟! ، ألمس الهيت روك أتكهرب زياده

و مثل ما قلت هالأشياء ما صارت بواحد
صارو بـ 4 لحد الحين !

و شلون تحترق ان قربت الدفايه من الحوض ؟

أنا ما أقصد تلزقها فيها ، لا يعني تكون قريبه منها بحيث جو الغرفه
كله يكون دافي ^^

و صح كلامه الأحسن تخليها بغرفتك

أصلاً الزواحف نظاف و ما يسوون ريحه ، أنا كل الي عندي بغرفتي
و مافي لا ريحه ولا شي و لا كأن في شي ^^

و موفق ~

[راكان!]

المشاركة الأصلية كتبت بواسطة || PyTHoN ||

، أنا كل الي عندي بغرفتي
^

ههههههههههه اخوي بايثون امانه قول انك تمزح

ماشاء الله تبارك الرحمن عليك

انا لو اربي ثعابين من الخوف بحطهم بغرفه اخر البيت

ارجع واقول ماشاء الله تبارك الله عليك

-----

انا بشتري دفاية صغيرة جدا واحطها بغرفه وبمشي على نصايحك

اهم شي اوفر الدفا للايقوانا

الف شكررررر يالغالي على نصايحك ومرورك العطر

تحياتي

[مهووس الحيوانات]

عن اذن صاحب الموضوع

=-=

بالنسبة لكلام الاخ بايثون ، ممكن الهيت روك الي تشتريه من شركات اي كلام

لأنه المشكلة هالمجال مو منتشر و شغلات الزواحف مو منتشرة مانقدر نفرق بين الحلو و التقليد

بس انا احس انه شركة زوو مد ( Zoo Med ) -اتوقع تعرفها- مناسبة ، بس مادري اذا تبيع عندنا هيت روك ، قد شفت كم شغلة حلوة من منتجاتها و لو تنبغى تنبهر زور موقعهم و شوف كيف الدلعع مو بسيط و هالشركة متخصصة زواحف و ممكن تنتج شغلات للكائنات المائية و الطيور بس أكثر شي زواحف

و بالنسبة للدفاية انا لاحظت في احد الشتاءات (جمع شتا خخ) انه لما اكون جنب الدفاية فترة اطول تزيد الحرارة ماتكون ثابتة ، يعني لو قست المسافة المناسبة بيدك ( اقصد تحط يدك قدام الدفاية عشان تعرف الحرارة و المسافة مناسبة اولا ) ممكن تحط مسافة مناسبة بس مع الوقت بتزيد و ماتكون مثل لما قستها

لكن لما تكون في وسط الغرفة تكون الغرفة كلها دافية و بنفس الحرارة

[|| PyTHoN ||]

^

و هاذا المقصود يعني عندها مو لازق فيها

المهم عندي وحده من Zoo Med و اهي اول وحده اختربت بعد
عموماً افضل شي اللمبات

لا ترى الحيايه احسن من السحالي < يبي يغث مهووس

و اي سؤال حاضرين
.
.

[ana_majed]

عادي تقلب عليك لانها اتعودت عالمكان وصار بيتها فهي تدافع عن كل من يتعدى الحدود