درتي والمرايا

[sarah99]

السلام وعليكم
كيف الحال والاحوال انشاء الله كلو تمام التمام
اخواني بغيت اخذ رايكم في شئ انا درتي الله يسلمها من يوم ما اخدتها وهي ماتتكلم ولاتتطلع صوت بس يوم جلست ادور في المنتدى لاقيت واحد يقول حطوا في القفص مرايا علشان تتكلم قمت انا وحطيت مرايا لكن برا القفص وقمت انا طلعت الدرة برا القفص وشافت المرايا ولازقت فيها وفعلا قامت اتصارخ بصوت عالي وساعات تتكلم مع المرايا باصوات خفيفة وساعات تطقطق على المرايا وتروح خلف المرايا بعد امفكرتها درة ثانية
ومن ذاك اليوم اللي شافت فية المرايا كلما اطلعها برا القفص علطول تروح للمرايا وترز وجهها فيها حتى صرت احط لها الاكل والماي جنب المرايا لكن مشكلتها ماتتحرك دائما واقفة مكانها وانا ابيها تتحرك وتشوف البيت علشان تولف معاي انتوا تنصحوني اشيل المرايا عنها وله لا؟؟ الانها في الفترة الاخيرة ماقامت تصارخ زي قبل الانها حست بعدم استجابة من المرايا لحد ماظلت ساكتة زي اول
وبعدين انا في اليومين اللي فاتوا صرت ما ادخلها القفص اخليها تنام برا عند مرايتها ياقلبي عليها مرة كاسرة خاطري ساعات اقول لو قلت لابوي يشتري لها انثى بعد تتسلى معاها
الحين ابي منكم تنصحوني هل اشيل المرايا عنها ؟
واذا خليتها تنام برا القفص عادي؟ علما بانها طول اليوم تظل برا القفص اخاف تتعود على كذا ولاترضي تدخل تالي
ايش رايكم انتوا
واسفة ادا طولت عليكم وشكرا