قطتي تحزني وقطعت قلبي الحقوني

[ابوفريال]

سلام عليكم ياشباب انا عندي قطه عمرها تقريبا ثلاث اواربع شهور الاحظ فيها انه دايم جالسه ماتتحرك ماتلعب كسوله لدرجه انه اهلي قالو القطه هذي تعبانه هي بالفعل كانت تعبانه وديتها عند البيطري وكشف عليها وقال عنده التهاب رئوي وقال سبب هذا الالتهاب ان ماعندها مناعه والحمدلله استمريت معا الدكتور للعلاج عشر ايام كان يعطيها كل يوم ابرتين وقلتله طيب حقنه المناعه متى نعطيها قال بعد العشر ايام لما تتحسن حالتها وانا الحين الاحظ في القطه تنفسها سريع جدا وتشهق كمان وكل ماروح للدكتور اقوله ليش تنفسها كذا يقول طبيعي احس انه قاعد ينصبني وانا خسرت فيها تقريبا 600ريال واليوم هذا هو موعد الحقنه اليوم حق المناعه ....ماادري ليش القطه ماتقول مياو مياو ههه ماتلعب دايم نايمه جالسه.... بليز ياشباب الي يشوف موضوعي وعنده حل ولا شي يرد علي بليزززززز

[sisi_moon]

أوووووووووف

التهاب رئوي .. وابرتين كل يوم لمده عشر ايام

حرراام .. مره مره مره كثير ماتتحمل مسكينه

انا قطوتي جاها التهاب .. وماعطيتها الا مضاد حيوي لمده 7 ايام وطابت .. بدون أبر

يعني لو ابره او ابرتين اوكي بلعناها .. بس كل يوم ابرتين ولمده 10 ايام

أنصحك اخوي تغير البيطري ... لان تصرفه أبد مافيه من الصحه

روح لبيطري ثاني سمعته زيينه او احد من معارفك تعامل معه ومدحه .. واهم شي قوله البيطري الي قبل شسوا فيها

واهتم فيها .. خليها دايما مرتاحه .. وأكلها بالغصب لو عيت .. واعطيها اكل مفيد يعني دجاج مسلوق مع خضار .. مو معلباات

وطمناا عنهاا .. ^^

[ابوفريال]

المشاركة الأصلية كتبت بواسطة sisi_moon

أوووووووووف

التهاب رئوي .. وابرتين كل يوم لمده عشر ايام

حرراام .. مره مره مره كثير ماتتحمل مسكينه

انا قطوتي جاها التهاب .. وماعطيتها الا مضاد حيوي لمده 7 ايام وطابت .. بدون أبر

يعني لو ابره او ابرتين اوكي بلعناها .. بس كل يوم ابرتين ولمده 10 ايام

أنصحك اخوي تغير البيطري ... لان تصرفه أبد مافيه من الصحه

روح لبيطري ثاني سمعته زيينه او احد من معارفك تعامل معه ومدحه .. واهم شي قوله البيطري الي قبل شسوا فيها

واهتم فيها .. خليها دايما مرتاحه .. وأكلها بالغصب لو عيت .. واعطيها اكل مفيد يعني دجاج مسلوق مع خضار .. مو معلباات

وطمناا عنهاا .. ^^

عفوا اختي مده عشر ايام لاكن مجموع الحقن تقريبا 7

[! هاويه الطيور !]

[ عليكم السلأم ]



[ بخصوص التنفس السريع احتمآل مكان قطتك في حراره لانه اذا كآنت الغرفه حآره ومافيها تبريد يكون تنفسها سريع + مثل طريقه اللهث لانه بالطريقهّ هذي تخفف من الحراره ]


[ بخصوصّ انها جآلسه وماتتحركّ لانه الصيفّ اكثر القطط تنآم ماتتحركّ وماتنشط الي في الليل بعض الاحيآن ]

[ بس انت حآول تلاعبها مثل تجيب لها كووره صغيره ملونه وتحركها قدامها علشان تتحرك ّ وحاول وانت بعيد تناديها ]


[ وجيب لها خيط < قطني واربطه بمثل علبه بيبسي او عصير وحركه قدامها راح تشوف تلحقها وحاول تنشط القطه لانه كله كسل ونوم وآكل تسبب خمولّ للقطه + سمنه ]

[! هاويه الطيور !]

[ ملاحظه ! بسيطه ]


[ اخوي انا ملاحظه كثير من الاعضاء يتذمر كثير بخصوص العلاج ! اظن الطبيب البيطري هذا تخصصه ! واكيد مرآح يغشك وخصوص العلاج ماتطيب القطه بيوم وليله يبيلها ايام واسابيع حتى تتعافى يعني لاتتسرع اذا مافاد ممكن انك تلجا لطبيب آخر ]

[ابوفريال]

المشاركة الأصلية كتبت بواسطة ! هاويه الطيور !

[ ملاحظه ! بسيطه ]


[ اخوي انا ملاحظه كثير من الاعضاء يتذمر كثير بخصوص العلاج ! اظن الطبيب البيطري هذا تخصصه ! واكيد مرآح يغشك وخصوص العلاج ماتطيب القطه بيوم وليله يبيلها ايام واسابيع حتى تتعافى يعني لاتتسرع اذا مافاد ممكن انك تلجا لطبيب آخر ]

يعطيك العافيه اختي اكيد الدكتور عند الخبره الكافيه بخصوص الاجواء الحاره للقطط يضرها يعني

[sisi_moon]

والله حتى سبعه اشوفها كثيييره

وانا أفضل انك تروح لبيطري ثاني وتستشيره

[! هاويه الطيور !]

[ الاجواء الحاره تضر بالقطط لانه يكون تنفسها سريع بالطريقه هذي تخفف عن نفسها بالحراره بالطريقه اللهث ]

[ لازم القطه يكون مكانها بارد وتوفير لها مياه معتدله يعني لاحار ولا بارد بس ممكن يكون بارد خفيف + توفير لهم الروب او الزبادي علشان يبرد عليهم بالصيف ّ ]