فائدة الترويش استفسار

[ام ماجد]

مساء الخير


عندي استفسارات جزاكم الله خير

انا صار له اسبوع عندي وماروشته واشوف في قشره شوي
طبيعي والا مريض ؟؟

انا اليوم رشته بالرشاش بس يدور ويعطيني وجهه وصعب ارشه

وكلمت بيطري يقول القشره بعطيك له قطره تنحط على رقبته
بس الترويش مب زين


اروش والا مااروش



وبعد سؤال ثاني انا اطلع اشمسه الصباح وكل يوم يجعر اذا شاف الطييور تطير وهو مسجون اخاف يأثر في نفسيته



انتظر ارائكم

[SILVER LOVER]

هلا اختي ام ماجد

1- القشره عاديه جدا جدا , وهي في كل انواع الطيور وخاصتا الببغاوات

2- الترويش رشيه بـ بخاخ ولا بمويه ( طشاش ) دفعه خفيف

ملاحضه : لازم تكون المويه معتدله

3- هو اذا شاف الطيور اكيد راح يخاف لأنه بيفكر انها تهاجمه

وانشاء الله راح يتعود

[ام ماجد]

جزاك الله خير على افادتك انته والاخوان الله يوفقكم ويسعدكم

[ام ليان]

هلا فيكم ام ماجد
حبيبتي الحين رشيه برشاش المويه بس انتبهي ترشينه مباشرة على وجهه

وبعد كم اسبوع عبي البانيو موية حتى تغطي كل ارجوله وشغلي الدش عليه من فوق ولما تخلصي شيليه ورجعيه على الاستاند وهو بيجفف روحه

[rida12z]

ماقصرو الأخوان أفادوك
عموماً الترويش في البداية لازم يخاف منه الطائر بحكم أن غير متعود بس فجأة راح تشوفيه يحك في نفسه عمداً على اساس تروشيه وبشكل عام جميع الطيور وبالأخص الأمازون يحبون الترويش على حسب التعاود

رشيه من أسفل جسمه بالبداية راح تلاحظي يرفع قدماه على اساس يستقبل الماي بعدين عادي وعلى حسب كثافة الماء المرش ينزعج الطائر

[ام ماجد]

مشكووووورين على افادتكم
جزاكم الله خير
وان شاء الله بخليه يتعود بالطيب بالغصب بيرضى ^^

[يوفاوي الكويت]

الترويش مهم للطير ومثل ما قالت الاخت ام ليان

التشميس مهم بعد الترويش علي شان ينشف الريش

وما يمرض واشعه الشمس تمد الطير بفيتامين D

[JaX]

السلام عليكم

اختي موضوع القشره هذا شي طبيعي بالبغبغاء

لكن الترويش مفيد للبغبغاء وحماية لجسمه من الحشرات

وانصح بالترويش بماي البحر المالح : )