اشترك في نشرتنا البريدية ليصلك كل جديد

وردة فرساي · 02-04-2009, 01:32 AM

السلام عليكم ورحمة الله وبركاته

اعزائي اعضاء المنتدى

هطلت أمطار شديدة على المنطقة التي اسكنها
وغرق كل من مكان جلوس البطة والدجاجة
وبقي في الماء البارد حوالي 3 الى 4 ساعات
وقال لي الكثيرون بأن البيض قد فسد
وفي اليوم التالي وضعت عدة بيضات مع بيض الدجاجة التي رفضت القيام عن بيضها والذي كان من المفترض ان يفقس بعد عدة ايام
وهذا يعني اني ققررت ان اجعلها تجلس من جديد على بيض اخر - لا احتمل فكرة انها تبقى هكذا دون فراخ ............. قلبي رهيف شسوي

المهم ولكن المشكلة الان هي البطة .. لاني لا ادري هل فسد بيضها ام لا
وهي لازالت تجلس عليها
وقد طرحت علي امي اقتراح وانا افكر ان آخذ بها ولكني وددت استشارة اهل الخبرة اولا

وهذه الفكرة هي : هل بالإمكان شراء فرخين بط ووضعهما مع بيض البطة بعد ان تقوم لتناول الطعام
فتظنهما فرخيها وتقوم بتربيتهما ؟ ام انها قد تؤذيهما ؟؟؟؟؟؟

ارجو منكم افادتي بأسرع وقت لاني سأذهب غذا الى السوق

ودمتكم بخير

! هاويه الطيور ! · 02-04-2009, 02:20 AM

عليكم السلام

بخصوص الدجاجه انا مو فاهمه شي !
يعني بيضها القديم حذفته ولا للحين تجلس عليه ؟ ولا عطيتها بيض ثاني تجلس عليها ؟

وضح بخصوص الدجاجه

::

بخصوص البط بما اني مربيه البط وعارفه تصرفاته

البط ياكل بيضه لما يكون فاسد او تهجر عشها لما تشوفه اكثر البيوض فاسده وهذي غريزه الامومه وتحس فيها

وبعدها فكره الوالده [ امك ] فكرتها غلط لانه الام تحس بصغارها وهي داخل البيض وقبل خروج من البيض لازم في صوت تحفظه الام وتعرف تميز صغارها لو وضعت صغار اخرى بالتاكد
سوف تقتلها على الفور

وردة فرساي · 02-04-2009, 08:40 AM

عزيزتي هاوية طيور
ألف شكر على تواجدك الكريم وعلى ردك الجميل
انا صحيت من الصباح اليوم علشان بس اشوف اذا كان في احد رد على سؤالي

الدجاجة بعدها تجلس على البيض الفاسد - طبعا الكل قال انه فاسد لانه غرق في الماي - فقمت حطيت لها كم بيضة مع البيض اللي اهي جالسة عليه

الف شكر الك مرة اخرى
يعني فهمت اني اترك البطة مع بيضها زي ماهي؟
والله اخاف مسيكنة تكون جالسة على بيض خربان لان صارلها زمان تقريبا شهر جالسة عليه وقبل امس جتنا العاصفة والمطر وزيادة على هالشي غرق البيض بعد لمدة 3-4 ساعات

لكن بشوف بتركها بعد وهي على كيفها

! هاويه الطيور ! · 02-04-2009, 08:57 AM

بخصوص الدجاجه اذا البيض اصبح فتره طويله لالازم تحذف البيض ..

بخصوص البطه اهي اتعرف بس لازم اتعرف البيض الفاسد من لونه ورائحته
وانتهز الفرصه لما تخرج البطه تتناول القي نظره على البيض

وردة فرساي · 02-04-2009, 09:31 AM

اهلين اختي
شكراااااا على سرعة الرد والله ما تقصري
بالنسة للبطة لون بيضها اشوفه يتلون
مرة يصير جهة ابيض والجهة الثانية معتم
وفي منه ابيض مايل للون البني
وفي منه ابيض مايل لللون الاسود
واذا احد قرب عندها تهاجم على طوووووول
قولي يارب ما فسد

بس كم يوم اهي تجلس على البيض بالعادة ؟
لان صارلها تقريبا شهر وماشفنا شي
اني اول مرة اربي بط عشان كده ما اعرف شي عنهم

والف شكررررر مرة اخرى ما تقصري

! هاويه الطيور ! · 02-04-2009, 12:44 PM

ياليت تقدر تصورها اذا امكن
وبعدين اللون البيض اذا مو اصفر يعني لونه واحد مافيه شي

اما البيضه الي فيه ندبات سوداء او الالوان بني وشي معتم وواضح هذا بلاشك فاسد
بالاخير البطه تاكل البيض من الافضل كسره

وردة فرساي · 02-04-2009, 07:23 PM

اقتباس:

بالاخير البطه تاكل البيض من الافضل كسره

اشلون يعني البطة تاكل البيض؟؟
مافهمت اختي

! هاويه الطيور ! · 02-04-2009, 08:42 PM

تاكل البيض الفاسد
الحين عندي اوزه ! كنت مستغربه البيض وين يروح !
اتضح الاوز تقوم بسكره واكله بما لايوجد صغير داخله

اتمنى فهمت

وردة فرساي · 03-04-2009, 01:58 PM

فهمت اختي بارك الله فيكي
والله استغربت من هالمعلومة الغريبة
طيب اختي معليش استحمليني شوية
اخر سؤال
جم المدة اللي تجلسها البطة على بيضها لين يفقس ؟؟؟
مثل الدجاجة لو اكثر؟

! هاويه الطيور ! · 03-04-2009, 04:06 PM

هذي كافه المعلومات الي راح تفيدك عن البط
http://www.2zoo.com/vb/showthread.php?t=3413